完整藏文原文 · 德格版页 当前仅加载第 97 函德格 221a 版页；藏文 NFD、目录标记与异常页序保留在来源切片中，重复版页行以稳定序号区分。
པ་མ་ཡིན། མེད་པ་ལས་ཡོད་པར་གྱུར་པ་མ་ཡིན། དེ་བཞིན་དུ་གསལ་བ་ལས་མི་གསལ་བར་གྱུར་པ་དང་། མི་གསལ་བ་ལས་གསལ་བར་གྱུར་པ་དང་། ཐ་དད་པ་ལས་གཅིག་ཏུ་གྱུར་པ་དང་། གཅིག་པ་ལས་ཐ་དད་དུ་གྱུར་པ་
D829.097.0221a01.01དང་། ཡིན་པ་ལས་མིན་པར་གྱུར་པ་དང་། མིན་པ་ལས་ཡིན་པར་གྱུར་པ་དང་། ཉེ་བ་ལས་རིང་བར་གྱུར་པ་དང་། རིང་པ་ལས་ཉེ་བར་གྱུར་པ་དང་། དེ་བཞིན་དུ་ཆེ་བ་དང་། ཆུང་བར་གྱུར་པ་དང་། བཟང་བ་དང་། ངན་པར་གྱུར་པ་དང་། བདེ་བ་དང་། སྡུག་
D829.097.0221a02.01བསྔལ་བར་གྱུར་པ་དང་། ཁྱབ་པ་དང་། མ་ཁྱབ་པར་གྱུར་པ་དང་། འབྱུང་བ་དང་། མི་འབྱུང་བར་གྱུར་པ་དང་། དག་པ་དང་། མ་དག་པར་གྱུར་པ་དང་། གྲུབ་པ་དང་། མ་གྲུབ་པར་གྱུར་པ་དང་། མཐོ་བ་དང་། དམའ་བར་གྱུར་པ་དང་། ཡངས་པ་དང་། དོག་
D829.097.0221a03.01པར་གྱུར་པ་དང་། དབྱིབས་དང་། དབྱིབས་མེད་པར་གྱུར་པ་དང་། ཁ་དོག་དང་། ཁ་དོག་མེད་པར་གྱུར་པ་དང་། ཕྱི་དང་ནང་དུ་གྱུར་པ་དང་། སྐྱེ་བ་དང་འགག་པར་གྱུར་པ་དང་། འཕོ་བ་དང་། མི་འཕོ་བར་གྱུར་པ་དང་། འགྱུར་བ་དང་། མི་འགྱུར་བར་གྱུར་པ་
D829.097.0221a04.01དང་། མུན་པ་དང་། སྣང་བར་གྱུར་པ་དང་། སྔོན་དང་། ཕྱི་མར་གྱུར་པ་དང་། མཐའ་དང་། དབུས་སུ་གྱུར་པ་དང་། བདག་དང་། གཞན་དུ་གྱུར་པ་དང་། དེ་བཞིན་དུ་བླངས་ནས་དོར་བར་གྱུར་པ་དང་། དོར་བ་ལས་བླངས་པར་གྱུར་པ་མེད་པའི་ཕྱིར་ནམ་
D829.097.0221a05.01མཁའ་ནི་ཐམས་ཅད་ནས་ཐམས་ཅད་དུ་མ་བཅོས་པའོ། །དེ་བཞིན་དུ་འདི་ཉིད་ཀྱང་སྦྱར་ཏེ། དེའི་ཕྱིར་མ་བཅོས་པའོ། །ལང་ཀའི་བདག་པོ་འདི་ལྟ་སྟེ། དཔེར་ན་ནམ་མཁའ་ནི་སུས་ཀྱང་མ་བྱས། བྱེད་པ་པོ་མེད། རྒྱུ་ལས་མ་བྱུང་། རྐྱེན་ལས་མ་
D829.097.0221a06.01བསྐྱེད། དང་པོར་མ་སྐྱེས། ཐ་མར་མི་འཇིག །ཐོག་མ་དང་ཐ་མར་མི་དམིགས། ཐོབ་པ་དང་། མ་ཐོབ་པ་མེད། རེ་བ་དང་། བརྩལ་བ་མེད་དོ། །དེའི་ཕྱིར་ནམ་མཁའི་ནི་སུས་ཀྱང་མ་བྱས། བྱས་པ་མེད་པས་གཉེན་པོ་མེད་དོ། །དེ་བཞིན་དུ་དེ་ཉིད་ཀྱང་བྱེད་པ་
D829.097.0221a07.01