完整藏文原文 · 德格版页 当前仅加载第 97 函德格 247b 版页；藏文 NFD、目录标记与异常页序保留在来源切片中，重复版页行以稳定序号区分。
མགལ་མེ་དྲི་ཟའི་གྲོང་ཁྱེར་དང་། །སྤྲུལ་པ་གཟུགས་བརྙན་མེ་ལོང་བཅུ། །མཐུན་པའི་དམིགས་བཅུ་མཚོན་པར་གཞག །དངོས་པོ་མེད་ཀྱང་དངོས་པོར་སྣང་། །དངོས་པོར་སྣང་དུ་བཏུབ་པའི་དཔེ། །ཇི་ལྟར་སྒྱུ་མའི་རང་བཞིན་ནི། །སྐྱེས་བུ་གང་གི་རྩོལ་བ་དང་། །སྨན་
D829.097.0247b01.01དང་སྔགས་ཀྱི་སྦྱོར་བ་ལས། །དབང་པོ་ཡིད་འཕྲོག་ཅིར་ཡང་སྣང་། །དེ་ལ་འགྲོ་འོང་དངོས་པོ་མེད། །འདི་ལྟར་གསང་བའི་རང་བཞིན་ཡང་། །མེད་རྒྱུ་འབྱུང་བའི་སྦྱོར་བ་ལས། །ཇི་ལྟར་སྣང་འབྱུང་རང་བཞིན་མེད། །གང་འདིར་སྨིག་རྒྱུའི་རང་བཞིན་ནི། །འཇིག་འབྱུང་
D829.097.0247b02.01གཡོ་བའི་དུས་དག་ལ། །དེ་དང་དེ་ཡི་རང་བཞིན་ལས། །བྱིས་པ་གདུངས་པའི་འདུ་ཤེས་ཀྱིས། །ཆུ་ཡི་འདུ་ཤེས་ཉེར་གཞག་ཀྱང་། །ཚིམ་པའི་རྒྱུ་དེར་ག་ལ་འགྱུར། །དེ་བཞིན་དེ་ཡི་ཁྱད་པར་ཡང་། །ཀུན་ནས་རང་བཞིན་སྟོང་པ་ལ། །ཐ་སྙད་མཚན་མ་མིང་དུ་
D829.097.0247b03.01བཏགས། །དེ་ཉིད་སྟོང་པས་དེ་མི་དམིགས། །གང་འདིར་ཆུ་ཡི་ཟླ་བ་ནི། །སྒྲིབ་མེད་མཁའ་ལ་ཟླ་ཤར་བ། །གཟུགས་བརྙན་དང་བའི་ཆུ་ན་སྣང་། །དེ་ལ་བརྟགས་པའི་དངོས་པོ་མེད། །དེ་བཞིན་གང་ཡང་བཀོད་མེད་པར། །དེ་ཉིད་མཁའ་ལས་གང་གསལ་བ། །གང་
D829.097.0247b04.01འདིར་སྣང་བ་དེ་ཉིད་དེ། །དེ་ཉིད་དངོས་མེད་འཛིན་རྟོག་བྲལ། །ཇི་ལྟར་རྨི་ལམ་རང་བཞིན་ནི། །གང་ཞིག་གཉིད་ཀྱིས་ནོན་པ་ན། སྐད་ཅིག་ཐང་ཅིག་ཡུད་ཙམ་དང་། །ལོ་ལ་སོགས་པ་ཇི་སྙེད་དུ། །བདེ་སྡུག་སྣ་ཚོགས་མྱོང་བར་སྣང་། །དེ་སངས་ཅི་ཡང་མི་
D829.097.0247b05.01དམིགས་ལྟར། །སྟོང་ཉིད་ཅིར་ཡང་མེད་པ་ལ། །སྤྱོད་པའི་ཁྱད་པར་ཅིར་སྤྱད་ཀྱང་། །སྤྱོད་ལ་མ་ཆགས་ཇི་བཞིན་པས། །བརྟགས་ན་དམིགས་པ་ཀུན་དང་བྲལ། །སྒྲ་བརྙན་འབྱུང་བའི་རང་བཞིན་ནི། །རང་གི་གནས་ལ་སྒྲས་རྐྱེན་པས། །དེ་བཞིན་དེ་ལྟར་སྒྲ་བརྙན་
D829.097.0247b06.01འབྱུང་། །དེ་ཉིད་ཅི་ཡང་མེད་འབྱུང་ཡིན། །གསང་སྔགས་གསང་བའི་བྱིན་བརླབས་དག །གང་གི་ཆེད་དུ་མེད་འབྱུང་བ། །ཅི་ཡང་མེད་ལ་ཅི་ཡང་འབྱུང་། །མེད་རྒྱུ་བཏགས་ཆགས་བལྟས་པར་སྣང་། །གང་འདིར་མིག་ཡོར་རང་བཞིན་ནི། །མིག་ནད་ཅན་ལ་རྫས་སྣང་བ། །
D829.097.0247b07.01