完整藏文原文 · 德格版页 当前仅加载第 97 函德格 191a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་དམ་པར་བཅོས་པ་ཡིས། །ཁེ་དང་གྲགས་པ་རློམ་སེམས་ཕྱིར། །ལོག་སྲེད་དྲང་བའི་མཐུན་སྤྱོད་ལ། །ཡང་དག་དམ་པར་ངེས་བཟུང་ནས། །ཚིག་གི་ལམ་ཉིད་སྒྲར་སྤྱད་ན། །བདག་ཕུང་གཞན་བརླག་དམན་པར་ངེས། །ཐམས་ཅད་གང་
D829.097.0191a01.01གི་ཐིག་ཚད་དང་། །གོ་དང་རྟོགས་དང་ནུས་ཚད་དང་། །གང་དུ་འདུལ་ཚད་མ་གཏོགས་པ། །ཚད་ལས་འདས་ན་ཡུལ་མེད་དེ། །འདས་ན་འདས་པ་ཉིད་དུ་འགྱུར། །གང་ཡང་ཚད་ལས་འདས་པ་ནི། །ཟས་ཀྱང་དུག་དུ་འགྱུར་བཞིན་དུ། །དུག་ཆེན་ཟ་བའི་སྨྱོན་པ་དེ། །དམ་
D829.097.0191a02.01པས་ཀྱང་ནི་མི་རིགས་སོ། །གང་དག་གང་གིས་བཅིངས་པ་ལས། །དེ་ཉིད་མ་གྲོལ་མ་ཐར་པར། །ཐམས་ཅད་ཐམས་ཅད་སྒྲོལ་བ་ཡི། །སླུ་བ་ཆེན་པོ་དེ་ཅི་ཞིག །དེ་ཉིད་མ་རིག་མ་གྲོལ་ཞིང་། །དེ་ཡི་སེམས་དག་མ་བྱུང་ན། །སངས་རྒྱས་ས་ལ་དེས་བཞག་
D829.097.0191a03.01ཀྱང་། །དེ་ཉིད་མཐོང་བ་དམྱལ་བའི་གནས། །དེ་རིག་དེ་ཡི་དོན་ལྡན་ན། །དམྱལ་ཆེན་དེ་དག་ཞིང་ཁམས་དག །གསང་བའི་སྙིང་པོ་ཀུན་ཁྱབ་ཀྱང་། །དེ་རིག་དེ་དང་མ་ལྡན་ན། །ལོང་བའི་མདུན་དུ་གཟུགས་བསྟན་ལྟར། །གཏི་མུག་འཁོར་བའི་མུན་པ་
D829.097.0191a04.01ཡིན། །དེ་སྐད་གལ་དུ་དྲིས་པ་ལས། །ཚངས་པའི་འོད་ཅེས་བྱ་བ་ཡི། །རྣལ་འབྱོར་དམ་པ་ཐེག་ཆེན་པོས། །རྣལ་འབྱོར་མོས་པ་ཆུང་སྤྱོད་པ། །གྲགས་པའི་ཚུལ་ལྡན་བྱ་བ་ལ། །དམ་པར་ངེས་པའི་ཚིག་སྨྲས་པ། །གང་འདིར་མོས་པ་ཆུང་འཛིན་གྱི། །
D829.097.0191a05.01གྲགས་པའི་ཚུལ་འཛིན་བྱ་བ་ཁྱོད། །གསང་སྔགས་གསང་བའི་སྙིང་པོ་འདི། །སངས་རྒྱས་ཉིད་འདི་མ་གཏོགས་པ། །གང་གི་སྤྱོད་ཡུལ་མ་ཡིན་པས། །ཚུལ་འདྲ་ཙམ་གྱིས་མི་འགྲུབ་པོ། །གང་འདིར་དད་མོས་འདོད་ནུས་ན། །དེ་ཉིད་དེ་ལ་དེར་བལྟས་ན། །
D829.097.0191a06.01དེ་ལ་དེ་སྦྱོར་དེ་ཉིད་དེ། །དེ་དག་ཙམ་ནི་ཐེག་ཚད་ཡིན། །གང་འདིར་ཐེག་པ་མང་བཤད་པ། །ཐ་དད་ཡོད་པ་མ་ཡིན་ཏེ། །མོས་པ་ཐ་དད་དྲང་བའི་ཕྱིར། །ཐབས་ཀྱི་སྒོ་ནི་མང་པོར་བཤད། །དེ་ཀུན་མོས་པ་མ་བཀག་པའི། །དྲན་པའི་ཐབས་སུ་སྦྱར་བས་
D829.097.0191a07.01