完整藏文原文 · 德格版页 当前仅加载第 97 函德格 225a 版页；藏文 NFD、目录标记与异常页序保留在来源切片中，重复版页行以稳定序号区分。
ངེས་པ་དམ་པའོ་ཞེས། །གང་དག་འདི་ལྟར་དམ་འཆའ་བ། །གང་ལ་རེ་དོགས་མེད་པ་ཡི། །གོལ་སྒྲིབ་ཉིད་དུ་ངེས་པར་སྣང་། །ཅི་ཕྱིར་དབུས་མཐའ་འབྱེད་པས་ན། །དབུས་ཡོད་མཐའ་ཡང་རང་བཞིན་འབྱུང་། །དབུས་མེད་མཐའ་ཡང་ངང་གིས་
D829.097.0225a01.01མེད། །དབུས་མཐའ་འབྱེད་པ་དེ་ཉིད་ནང་། །མཐའ་དང་དབུས་བྲལ་དེ་ཁོ་ན། །མི་གནས་མི་ལེན་མི་འབྱེད་ཅིང་། །ཅི་ཡང་མ་ཡིན་མཐོང་ཐོས་མེད། །ཅི་ཡང་མི་འབྱེད་བྱ་དང་བྲལ། །སྣང་མེད་སྣང་བའི་ཐ་སྙད་བྲལ། །བསམ་དུ་མེད་པའི་ཆོས་ཉིད་ནི། །མི་
D829.097.0225a02.01བསམ་དེ་བཞིན་ཉིད་དུ་གཞག །བསམ་གྱིས་མི་ཁྱབ་ཆོས་རྣམས་ཀུན། །བསམ་མེད་དེ་བཞིན་ཉིད་ལས་མེད། །ས་དང་རྣམ་ཐར་ལ་སོགས་པ། །ཆོས་སྐུ་བྱང་ཆུབ་དཀར་པོའི་ཕྱོགས། །ཀུན་ཀྱང་བསམ་དུ་མེད་པ་ཡི། །གོལ་སྒྲིབ་ཆེན་པོར་གྱུར་པ་ཡིན། །
D829.097.0225a03.01འདའ་དཀའ་ཆེན་པོའི་དཀའ་ཐུབ་ནི། །མ་བཅོས་དེ་བཞིན་ཉིད་ཁོ་ན། །དཔག་མེད་རྒྱལ་བ་འདའ་བར་དཀའ། །གང་གཟུགས་མེད་ལས་གང་འཛིན་གོལ། །བདལ་ཁྱབ་ཆེན་པོའི་ས་འདི་ནི། །ཡེ་ནས་མ་བགྲོད་རང་བཞིན་བཀོད། །ས་འདིར་མ་ཆུབ་གང་ཡང་
D829.097.0225a04.01མེད། །གང་འདིར་ས་བཀོད་གང་བགྲོད་གོལ། །དེ་བཞིན་དེ་རིག་ཡེ་འབྱུང་ལ། །ཁྱད་པར་རིམ་པར་འབྱུང་འདོད་གང་། །གང་འདིར་རྨོངས་པ་ཁོ་ནའོ། །རང་བྱུང་དེ་ལས་ངེས་པར་གྲོལ། །བསམ་ཡུལ་དམིགས་སུ་མེད་པ་ལ། །བཏང་སྙོམས་ཆེན་པོའི་རྣལ་འབྱོར་
D829.097.0225a05.01པ། །ཇི་བཞིན་པ་ཉིད་ཡིན་བཞིན་དུ། །ལུས་དབེན་སེམས་འཆོས་གོལ་སར་ཞུགས། །ཀུན་གྲོལ་ཆེན་པོ་དེ་ཉིད་ལ། །བཅིང་གྲོལ་མེད་པར་ངེས་བཞིན་དུ། །གང་འདིར་དཀའ་ཐུབ་རྟོགས་པས་བཅིངས། །རྣམ་གྲོལ་ཆེན་པོ་ཉིད་ལས་གོལ། །ཡེ་ནས་མ་བཅོས་ཉིད་
D829.097.0225a06.01ཁོ་ན་ར། །གང་གནས་དེ་ཉིད་དེ་ཁོ་ན། །དེ་ལ་གོལ་ས་ག་ལ་ཡོད། །གོལ་སྒྲིབ་ཉིད་ཀྱང་དེ་ཁོ་ན། །དེ་སྐད་ཅེས་བགྲོས་པས་ལང་ཀའི་བདག་པོ་ལ་སོགས་པ་དམན་པའི་ལུས་ཀྱི་སེམས་དཔའ་རྣམས་གང་གི་བཅིང་བ་ལས་ཡོངས་སུ་གྲོལ་ཏེ་རེ་རྩོལ་གྱི་ཐེ་ཚོམ་ཆད་
D829.097.0225a07.01