完整藏文原文 · 德格版页 当前仅加载第 97 函德格 183a 版页；藏文 NFD、目录标记与异常页序保留在来源切片中，重复版页行以稳定序号区分。
ཀུན་གྱིས་ཕུལ་ཅིག །གང་མ་བཅོས་པའི་དམ་ཚིག་དེ་ལ་ནི་གང་ཡང་འགག་པ་མེད་པས་ཡོངས་སུ་མི་འགོག་པར་སྣང་ངོ་། །དེ་སྐད་ཅེས་བཀའ་སྩལ་པ་ལས། ཡོངས་སུ་གཟུང་བའི་སྲས་རྣམས་མགུ་ཞིང་རངས་པར་གྱུར་ཏེ་
D829.097.0183a01.01མདངས་ཕྱུང་ནས་ཀུན་གྱིས་རྣམ་པར་འདུན་ཏེ་སོ་སོ་དགའ་བའི་དམ་ཚིག་ཕུལ་བ། ནག་པོའི་དེད་དཔོན་འཁོར་དང་བཅས་པ་རྣམས་ཀྱིས་གསོལ་པ། དཔའ་བོ་ཆེན་པོ་བདག་ཅག་རྣམས་ཀྱི་དམ་ཚིག་ནི་འདི་ལྟ་སྟེ། རང་གི་དཀའ་ཐུབ་ཆེན་པོ་
D829.097.0183a02.01ཡིས། །རང་གི་རྒྱལ་སྲིད་ལ་གནས་ཏེ། །གཞན་གྱི་སྡེ་པ་འཇོམས་པ་ནི། །བདག་ཅག་རྣམས་ཀྱི་དམ་ཚིག་གོ། །ཞེས་གསོལ་ཏོ། །དེ་ནས་འདོད་ཆགས་ཅན་རྣམས་ཀྱི་བདག་པོ་རྣམས་ཀྱིས་འདི་སྐད་ཅེས་གསོལ་ཏོ། །དབང་ཕྱུག་ཆེན་པོ་བདག་
D829.097.0183a03.01ཅག་རྣམས་ཀྱི་དམ་ཚིག་ནི་འདི་ལྟ་སྟེ། མ་དང་བུ་མོ་སྲིང་མོ་དང་། རྒྱུ་དང་མི་རྒྱུའི་བུད་མེད་ལ། །འདོད་པ་བས་ནི་ཆགས་སྤྱོད་པ། །བདག་ཅག་རྣམས་ཀྱི་དམ་ཚིག་དེ་ལགས་སོ་ཞེས་གསོལ་ཏོ། །དེ་ནས་ཞེ་སྡང་ཅན་གྱི་བདག་པོ་རྣམས་ཀྱིས་འདི་སྐད་
D829.097.0183a04.01ཅེས་གསོལ་པ། འཇིགས་བྱེད་ཆེན་པོ་བདག་ཅག་རྣམས་ཀྱི་དམ་ཚིག་ནི་འདི་ལྟ་སྟེ། སེམས་ཅན་སེམས་ཅན་ཐམས་ཅད་ཀྱི། །སྲོག་ནི་ཤིན་ཏུ་ཕྲོགས་ནས་ཀྱང་། །ཤ་དང་ཁྲག་ལ་ལོངས་སྤྱོད་པ། །བདག་ཅག་རྣམས་ཀྱི་དམ་ཚིག་དེ་ལགས་སོ་ཞེས་
D829.097.0183a05.01གསོལ་ཏོ། །དེ་ནས་གནོད་སྦྱིན་གྱི་སྡེ་དཔོན་རྣམས་ཀྱིས་འདི་སྐད་ཅེས་གསོལ་ཏོ། །འཇིགས་བྱེད་ཆེན་པོ་བདག་ཅག་རྣམས་ཀྱི་དམ་ཚིག་ནི་འདི་ལྟ་སྟེ། ནོར་གྱི་བདག་པོ་ཐམས་ཅད་ལ། །གསེར་ལ་སོགས་པ་བླངས་ནས་ནི། །རང་གི་འདོད་པར་ལོངས་སྤྱོད་
D829.097.0183a06.01པ། །བདག་ཅག་རྣམས་ཀྱི་དམ་ཚིག་དེ་ལགས་སོ་ཞེས་གསོལ་ཏོ། །དེ་ནས་རྟོག་པ་ཅན་རྣམས་ཀྱིས་འདི་སྐད་ཅེས་གསོལ་ཏོ། །ཡིད་བཞིན་རྟོག་པའི་རྒྱལ་པོ་བདག་ཅག་རྣམས་ཀྱི་དམ་ཚིག་ནི་འདི་ལྟ་སྟེ། གང་གི་མགོ་ཐོད་བཅད་ནས་ནི། །དགེ་མཚན་
D829.097.0183a07.01