完整藏文原文 · 德格版页 当前仅加载第 97 函德格 273b 版页；藏文 NFD、目录标记与异常页序保留在来源切片中，重复版页行以稳定序号区分。
བར་ཁང་དག་གི་གླེགས་བམ་ལ། །རོ་ཡི་བཞིན་ཕྱོགས་རོ་བཞིར་བསྟན། །རོ་ཡི་སྟེང་ཁང་ཡང་ཐོག་ཏུ། །རས་ལ་སོགས་ལ་བྲིས་པ་ཡི། །ཕྱག་རྒྱའི་དཀྱིལ་འཁོར་གསལ་བར་དགོད། །རོ་ཁང་གློ་སྐར་བཞི་ཕྱེ་ལ། །རྡོ་རྗེ་གཟུངས་ཀྱི་རྒྱུད་ཐག་བཞིས། །བཏགས་ནས་བླ་
D829.097.0273b01.01མའི་ཕྱག་ཏུ་ཕུལ། །ཤིང་གི་བྱ་བ་རྫོགས་པ་དང་། །དེ་ཡི་ཕྱི་མཐའ་སྟེགས་བུ་ལ། །རྣམ་བཞི་ལས་ཀྱི་ལྷ་རྣམས་དགོད། །སྟེགས་བུ་རྫོགས་པར་གྱུར་པ་དང་། །རྡོ་རྗེ་ལས་ཀྱི་སྒོས་བཏབ་པ། །རྡོ་རྗེ་རྒྱལ་པོ་བླ་མ་ལ། །འཁོར་བ་སྲེག་པར་མངའ་གསོལ་ཏེ། །མི་གཡོ་
D829.097.0273b02.01མེ་ཆེན་རྩེ་གཅིག་པས། མི་ཡི་འདུ་འཕྲོ་རྒྱུན་དུ་བྱ། །རྡོ་རྗེ་སྔགས་ཀྱི་ལས་སྦྱར་ལ། །རྣམ་བཞི་ལས་ཀྱི་མངའ་གསོལ་ཏེ། །ལས་ཀྱི་ཕྲེང་བ་རྫོགས་པར་བྱ། །བླ་མ་རྡོ་རྗེ་དམ་པ་ཞིག །རོ་ཡི་ཉེས་པའི་མཐའ་བཟུང་ནས། །ལས་ཀྱིས་བསགས་པ་བགྲང་ཞིང་
D829.097.0273b03.01གཤེགས། །སྐབས་སྦྱོར་རྡོ་རྗེ་བླ་མ་ཡིས། །བླ་མེད་མཆོད་པ་རྒྱུན་དུ་བྱ། །བྲོ་གར་གླུ་ཚིག་སྟབས་ཆེན་གྱིས། །མཆོད་པ་རོལ་མོ་སྣ་ཚོགས་དབུལ། །རྡོ་རྗེ་ལས་ཀྱི་སྨོན་ལམ་གདབ། །མཆོད་སྐབས་ལས་ཀྱི་མཇུག་ཏུ་བྱ། །རྡོ་རྗེ་ལས་ཀྱི་ལྟ་འཛིན་པས། །དཀར་བྱང་
D829.097.0273b04.01ལས་ཀྱི་ལྟ་བཟུང་སྟེ། །ལེགས་མཐའ་དམ་པ་རྣམས་ལ་དབུལ། །རོ་ཡི་ཉེས་མཐའ་གང་འཛིན་པས། །མཚན་མ་ནག་པོ་བུད་ཤིང་དག །ཡེ་ཤེས་མེ་ཡི་ཀློང་དུ་སྲེག །མེ་སྦྱོར་མེ་ལ་གནས་པའི་ལྷ། །མེ་ཡི་སངས་རྒྱས་འོད་དཔག་མེད། །མེ་ཡི་ལྷ་མོ་གོས་དཀར་
D829.097.0273b05.01མོ། །རྒྱལ་བ་ཀུན་གྱི་འོད་ཡིན་ཏེ། །འབྱུང་བ་མེ་ལ་དབང་བསྒྱུར་ཞིང་། །ཐམས་ཅད་ཀུན་གྱི་དྲོད་བདག་ཡིན། །སྲིད་གསུམ་སྲེག་པར་ཞལ་གྱིས་འཆེས། །དངོས་པོ་སྲེག་པའི་ཕྲིན་ལས་ནི། །ཐུགས་དམ་དབང་གིས་ཡང་མི་འདའ། །གང་གི་སྒྲིབ་སྲེག་དེ་ཉིད་མཁྱེན། །
D829.097.0273b06.01རོ་ཡི་རྣམ་ཤེས་བྱང་མ་བྱང་། །མེ་ལ་མཁས་པས་དེ་བཞིན་བརྟག །མི་སྡུག་ཚུལ་འབྱུང་སྲེག་སྦྱང་བྱ། །གལ་ཏེ་ལེགས་ན་མེ་དབང་བསྐུར། །ཐལ་བ་སྐུ་གདུང་རིང་བསྲེལ་དང་། །ཕྱག་རྒྱའི་དཀྱིལ་འཁོར་ལ་སོགས་བྱ། །དམ་པ་ཞིག་ན་གདུང་བཏགས་ཏེ། །བླ་མའི་
D829.097.0273b07.01