完整藏文原文 · 德格版页 当前仅加载第 97 函德格 279b 版页；藏文 NFD、目录标记与异常页序保留在来源切片中，重复版页行以稳定序号区分。
ཆུང་བ་སྟེ། །དེ་ཉིད་མཐོང་བར་མི་འགྱུར་བས། །རང་གི་མོས་པ་གང་དམིགས་ན། །དེ་ཡིས་བོན་གང་ཡིན་པ། །ཁ་དོག་དབྱིབས་ཀྱིས་ཕྱེ་ནས་ནི། །སྣ་ཡི་དབུགས་ལ་རྒྱུ་བྱས་ཏེ། །དེ་ཡི་ཡུལ་དུ་གྱུར་ཚད་དུ། །འོད་ཟེར་འབར་འཕྲོ་གསལ་བ་ལས། །འཕྲོ་འདུ་གནས་སུ་
D829.097.0279b01.01བསྐྱེད་པར་བྱ། །རང་གི་ཆག་ཚད་དང་སྦྱར་བའི། །སྐུ་ཡི་ཁྱོན་ཡང་དེ་ཙམ་མོ། །གཉིས་པའི་ས་ལ་གནས་པ་ཡི། །བཀའ་སྡོད་ལས་ཀྱི་རྣལ་འབྱོར་ལ། །སོགས་པའི་རྣལ་འབྱོར་རྣམ་བཞི་པོ། །ཏིང་འཛིན་རྩལ་གྱི་ཁྱད་པར་གྱིས། །ས་བོན་རང་བཞིན་ཡི་གེ་ལ། །འོད་ཟེར་
D829.097.0279b02.01འབར་བ་བཅས་པ་དེ། །དྲི་འབྱུང་སྒོ་ནི་ཚུན་ཆད་དུ། །འཕྲོ་འདུ་གསལ་བར་བསྐྱེད་པ་ལས། །རང་གི་ཆག་ཚད་གཉིས་བསྒྱུར་བའི། །སྐུ་ཡི་ཁྱོན་ཡང་དེ་ཙམ་མོ། །གསུམ་པའི་ས་ལ་གནས་པ་ཡི། །རྣལ་འབྱོར་ལུང་གི་བཀའ་སྒོ་ལ། །སོགས་པའི་རྣལ་འབྱོར་རྣམ་གསུམ་
D829.097.0279b03.01པོ། །དམིགས་པའི་ཏིང་འཛིན་འདི་ལྟར་འདོད། །ལྷ་ཡི་ས་བོན་གང་ཡིན་པ། །རང་བཞིན་ཡི་གེར་བསྒྱུར་བྱས་ཏེ། །འོད་ཟེར་འབར་དང་བཅས་པ་ཡིས། །ཐོས་པའི་ཡུལ་ནི་ཚུན་ཆད་དུ། །འཕྲོ་འདུ་གསལ་བར་བྱས་པ་ལས། །རང་གི་ཆག་ཚད་བཞི་འགྱུར་ཙམ། །སྐུ་ཡི་ཁྱོན་
D829.097.0279b04.01ཡང་དེ་ཙམ་མོ། །དེ་བཞིན་རྣལ་འབྱོར་རིམ་པ་བཞིན། །ལྷ་ཡི་ཁྱད་པར་གང་ཡིན་པ། །ཡི་གེའི་རིམ་པ་བཞིན་སྦྱར་ནས། །འཕྲོ་འདུ་ཚད་ཀྱང་དེ་བཞིན་ཏེ། །རིམ་པ་ཇི་བཞིན་སྦྱར་ནས་ཀྱང་། །འཕྲོ་འདུ་གསལ་བར་གྱུར་པ་དང་། །སེམས་ཀྱི་ཡུལ་ནི་ཇི་ཙམ་དུ། །སྐུ་ཡི་
D829.097.0279b05.01ཁྱོན་གྱི་ཁྱད་པར་ཡང་། །ཆོས་ཀྱི་དབྱིངས་ཀྱི་མཐས་ཀླས་པས། །སྐུ་ཡི་ཁྱོན་གྱིས་གང་བའོ། །ཇི་ལྟར་གསེར་སྦྱངས་འཚེར་བ་བཞིན། །སེམས་ཉིད་སྦྱངས་པས་དེ་ཉིད་གསལ། །འཕྲོ་འདུ་སྦྱོར་བའི་ཏིང་འཛིན་འདི། །རིམ་གྱིས་སྦྱོང་ལ་ཅིག་ཅར་དྲོད། །ལང་ཀའི་བདག་
D829.097.0279b06.01པོ་འདི་ལྟ་སྟེ། །ཆོས་རྒྱུན་ཆེན་པོ་འདི་འཛིན་འདི། །སེམས་དཔའ་རྡོ་རྗེ་དམ་པས་བཤད། །འདི་ཀུན་འཕྲོ་འདུའི་རྒྱུན་ཞེས་བྱ། །ནམ་མཁའ་དོན་གྱི་གླེགས་བམ་ལ། །སྣ་ཚོགས་རིག་པའི་ཡི་གེ་བྲིས། །འབྱུང་ཆེན་བཞི་ཡི་སྒྲ་བསྒྲགས་པས། །ཐེག་ཆེན་གསང་སྔགས་རྒྱུན་
D829.097.0279b07.01