完整藏文原文 · 德格版页 当前仅加载第 97 函德格 144b 版页；藏文 NFD、目录标记与异常页序保留在来源切片中，重复版页行以稳定序号区分。
སྣང་བའམ། །ནམ་མཁའ་ལ་འཇའ་སྣང་བའི་ཚུལ་དུ་བྱུང་ནས་གང་མ་ངེས་པའི་ཡེ་ཤེས་ཀྱི་གནས་པས་གནས་པ་ལ་དེ་བཞིན་གཤེགས་པ་ཐམས་ཅད་ཀྱིས་བསྐུལ་བ་གཉིས་པ་འདིས་ངེས་པར་བསྐུལ་བ་ནི་འདི་ལྟ་སྟེ། རང་བཞིན་མ་བྱུང་མ་བཅོས་
D829.097.0144b01.01དེ་བཞིན་ཉིད། །ཡེ་ནས་མི་གཡོ་བདེ་བ་ཆེན་པོའི་ངང་། །བཙལ་ཞིང་གཡོ་བ་འདི་ལ་ཅི་ཡང་མེད། །ཡེ་ཤེས་དབྱིངས་ཉིད་ཚིག་གི་ཐ་སྙད་དེ། །དེ་ཉིད་དངོས་དང་དངོས་མིན་འབྱུང་གནས་ཉིད། །ཅིས་ཀྱང་མི་ཚུགས་མི་ཆོད་མི་ཤིགས་པའི། །
D829.097.0144b02.01ཡེ་ཉིད་ཇི་བཞིན་བདེ་མཆོག་མི་གཡོ་བ། །རྡོ་རྗེ་སེམས་མཆོག་ནམ་མཁའི་སྙིང་པོ་ཆེ། །དུས་གསུམ་བདེ་བར་གཤེགས་པའི་བཤེས་གཉེན་པོ། །འཕགས་རྗེ་སྤྲུལ་པ་མང་པོ་འབྱུང་བའི་གནས། །ཀུན་གྱི་རང་བཞིན་མེ་ལོང་འོད་པོ་ཆེ། །རྒྱལ་
D829.097.0144b03.01བ་མཐའ་ཡས་སྐྱེད་པའི་ཡབ་ཡུམ་མཛོད། །གང་དག་བྱང་ཆུབ་སྙིང་པོར་མཚུངས་པ་ཡི། །རང་དག་དབྱིངས་ལས་མ་གཡོས་བྱང་ཆུབ་སེམས། །གང་དུ་དང་པོ་རྣམ་དག་སངས་རྒྱས་ཀུན། །ཁམས་གསུམ་ནས་བྱུང་རྡོ་རྗེ་སྙིང་པོའི་ལུས། །མཐའ་ཡས་
D829.097.0144b04.01རྟོག་ལས་ཡི་གེ་སྣ་ཚོགས་སྤྲུལ། །སྲས་ཀྱི་ཚོགས་ཀྱིས་མཛེས་པར་བསྐོར་བའི་དཀྱིལ། །གཟུགས་སྐུར་བསྟན་ནས་ཉོན་མོངས་སྦྱང་དུ་གསོལ། །གང་དུ་དང་པོ་རྡོ་རྗེ་སྙིང་པོ་ནི། །ཁམས་གསུམ་ནས་བྱུང་བདེ་ཆེན་ལྷུན་གྱིས་གྲུབ། །གཏུམ་ཐུང་གདུག་
D829.097.0144b05.01པ་ཐབས་ཀྱིས་གྲོལ་མཛད་ཕྱིར། །དྲི་མེད་སྣ་ཚོགས་བློས་ནི་ཧཱུྃ་དུ་སྤྲུལ། །འོད་ཟེར་ཚུལ་གྱི་ཕྲེང་བས་བསྐོར་བའི་དཀྱིལ། །སྔོན་གྱི་ཐུགས་དམ་སྨོན་ལམ་དབང་གིས་ན། །ཅིས་ཀྱང་མི་བསྐྱོད་གཟུགས་སྐུ་བསྟན་དུ་གསོལ། །གང་དུ་དང་པོ་རྣམ་པར་
D829.097.0144b06.01སྣང་མཛད་ནི། །ཁམས་གསུམ་ནས་བྱུང་ཅིར་ཡང་སྣང་བར་མཛད། །རྨོངས་བྱེད་མུན་པ་ཐབས་ཀྱིས་གྲོལ་མཛད་ཕྱིར། །རྣམ་དག་བྱང་ཆུབ་བློས་ནི་ཨོྃ་དུ་སྤྲུལ། །གཟུགས་མང་ཚུལ་གྱིས་ཕྲེང་བས་བསྐོར་བའི་དཀྱིལ། །སྔོན་གྱི་སྨོན་ལམ་
D829.097.0144b07.01