完整藏文原文 · 德格版页 当前仅加载第 97 函德格 243b 版页；藏文 NFD、目录标记与异常页序保留在来源切片中，重复版页行以稳定序号区分。
དག་ཉིད་ཀྱི་རྒྱུ། །གང་ལས་གང་མིན་ཇི་སྙེད་པ། །ཁྱད་པར་བྱེ་བྲག་ཐ་དད་པ། །ངེས་འབྱེད་འཇུག་འབྲེལ་སྦྱོར་བཅས་པ། །དེ་འཛིན་ཕྱིན་ཅི་མ་ལོག་པ། །མངོན་འབྱིན་དོན་འདོད་འབྲེལ་པའོ། །རྣམ་གྲངས་རྣམ་གཉིས་དོན་བཞིན་ནོ། །ཀུན་ལ་ངེས་པར་
D829.097.0243b01.01བྱེད་པ་ཡིན། །དེ་ཉིད་མ་འདྲེས་ཡོངས་རྫོགས་པ། །དངོས་མེད་མི་རྟོག་ཡོངས་སུ་རྫོགས། །སོ་སོ་ཐ་དད་བསམ་མི་ཁྱབ། །མ་འདྲེས་དེ་ལྟར་ཇི་བཞིན་བྱེད། །གང་འདིར་ཕྱིན་ཅི་མ་ལོག་པར། །ཡོངས་སུ་ཆུབ་པ་ཕུལ་ཉིད་དོ། །ཀུན་ནས་མ་རྨོངས་ཐམས་ཅད་
D829.097.0243b02.01གསལ། །གང་ལ་མ་འགགས་ཐོགས་པ་མེད། །ཀུན་འཇུག་གང་མ་རིག་པ་གཅོད། །སྐྱེ་མཆེད་ཀུན་དུ་གྱུར་པ་ཉིད། །གང་མཆེད་གང་གི་རླུང་ཞུགས་པ། །མཁས་པའི་ཡེ་ཤེས་ཚད་མེད་པའོ། །གང་ལ་ལོག་པ་དེ་ཉིད་དག །དེ་ཉིད་ཕུལ་དུ་ཕྱིན་པའི་ཕྱིར། །
D829.097.0243b03.01དམིགས་བུ་གསལ་བའི་སྒྲོན་མ་ཡིས། །དེ་ཉིད་དེ་ལ་བལྟ་བར་བྱ། །སྒྲོན་མའི་སྣང་བ་མི་ཤེས་པ། །མཐོང་བྱ་ཀུན་ལ་མུན་པས་བསྒྲིབས། །ནམས་ཀྱང་སྣང་བར་མི་འགྱུར་ཏེ། །ལོང་བའི་གྲོང་ཁྱེར་ཆེན་པོར་འགྲོ། །སྒྲོན་མ་འབར་བ་གང་སྲེལ་བ། །ཀུན་ལ་མུན་
D829.097.0243b04.01པས་སངས་གསལ་བའི། །མ་ནོར་མ་བཅོས་དེ་བཞིན་ཉིད། །སྒྲོན་མ་དམིགས་བུས་མཐོང་བར་འགྱུར། །དེ་ལྟར་དམ་པའི་གྲོགས་པོ་དག །རིན་ཆེན་སྒྲོན་མ་འབར་བའི་མེ། །མུན་སྣང་དམིགས་བུར་མ་བསྲེལ་བར། །དེ་ཉིད་གསེར་མཐོང་ག་ལ་རིགས། །གྲོགས་
D829.097.0243b05.01པོ་དག་དེ་དག་ནི་སྒྲོན་མ་དམ་པ་བསྲེལ་བར་བྱའོ་ཞེས་དགོངས་པ་དམ་པ་ལེགས་པར་བགྲོས་པར་ཤེས་པར་བྱའོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་རྣལ་འབྱོར་མིག་གི་སྒྲོན་མ་བསྟན་པའི་ལེའུ་སྟེ་དྲུག་ཅུ་པའོ།། །།དེ་ནས་
D829.097.0243b06.01ཡང་ལང་ཀའི་མངའ་བདག་ལ་སོགས་པ་དམན་པ་དམ་པའི་སེམས་དཔའ་ཆེན་པོ་རྣམས་ཀྱིས་དྲི་བ་ཡོངས་སུ་དྲིས་པ། །ཀྱེ་གསང་བ་པའི་བདག་པོ་ཁྱད་པར་དུ་བླ་མར་འགྲོ་བར་བྱའོ་ཞེས་དམ་བཅའ་བར་དགོངས་པ་དེ་ཇི་ལྟར་ཡོངས་སུ་ཤེས་པར་བགྱི། དེ་སྐད་
D829.097.0243b07.01