完整藏文原文 · 德格版页 当前仅加载第 97 函德格 223a 版页；藏文 NFD、目录标记与异常页序保留在来源切片中，重复版页行以稳定序号区分。
རྟོག་ཐོས་མཐོང་ཇི་སྙེད་ཀུན། །ཡིད་ལ་ཇི་ལྟར་འགྱུས་པ་བཞིན། །དེ་ཉིད་སྐད་ཅིག་དེ་ལྟར་སྣང་། །རྟག་པ་མི་གནས་སྐད་ཅིག་མ། །མི་ནུབ་མ་ཆགས་བདེ་ཆེན་སེམས། །སེམས་ཀྱི་དབྱིངས་ལས་མ་གཏོགས་པ། །གཞན་ཞེས་གང་ཡང་མེད་པས་ན། །
D829.097.0223a01.01གོལ་སྒྲིབ་བྱ་བ་ག་ལ་ཡོད། །སུ་ཞིག་གོལ་སྒྲིབ་དོན་དུ་གཉེར། །གང་གིས་གོལ་སྒྲིབ་ཇི་ལྟར་རྙེད། །གོལ་སྒྲིབ་ཉིད་ཀྱང་དེ་ཉིད་དབྱིངས། །བཙལ་བས་དེ་ཡང་དེ་ལ་ཐུག །གཞན་དུ་བཙལ་ཞིང་དེ་ལས་བྱུང་། །བལྟས་པས་མཐོང་བ་རྟོགས་པ་མེད། །འཇའ་སྣང་མུན་
D829.097.0223a02.01ཁུང་ཇི་བཞིན་ནོ། །དེ་ཉིད་མཐོང་བའི་ཁྱད་པར་ལས། །སྤྱོད་ལམ་དངོས་བཞི་གང་སྤྱད་ཀྱང་། །འཆིང་བར་མི་འགྱུར་འགྲོལ་འགྱུར་ཐབས། །ཐམས་ཅད་དེར་སྦྱངས་ལམ་གནས་མཆོག །གང་ཉིད་དོན་གྱི་རྗེས་ཚོལ་ཞིང་། །གོལ་སྒྲིབ་ཡོངས་སུ་གཅོད་འདོད་པའི། །མཐའ་
D829.097.0223a03.01སེལ་རྣལ་འབྱོར་སེམས་དཔའ་པ། །གང་ལ་ཞེན་པའི་ཕྱོགས་བཟུང་སྟེ། །དབུས་མཐར་ལྟ་བ་དེ་བཟུང་བས། །ཆོ་གའི་ངེས་བློ་བརྟན་པ་ཅན། །དེ་ཀུན་རྣལ་འབྱོར་ཡིན་མོད་ཀྱི། །ཡང་དག་དོན་ལ་རྣལ་མི་འབྱོར། །སྤྱོད་ལམ་རྣལ་དུ་འབྱོར་མོད་ཀྱི། །ཡང་དག་དོན་དུ་ཡང་
D829.097.0223a04.01མ་འབྱོར། །ཕྱོགས་སུ་ལྟ་ལ་ཞེན་མོད་ཀྱི། །དམ་པའི་དོན་དུ་ཡང་མ་ཞེན། །གློ་བུར་ལས་རོ་ཚོར་མོད་ཀྱི། །ཆོས་ཉིད་ཀྱི་ནི་རོ་མ་ཚོར། །བདག་མེད་ཕྱོགས་བྲལ་ཟེར་མོད་ཀྱི། །ཕྱོགས་སུ་ལྟ་དང་ཡང་མ་བྲལ། །བརྟུལ་ཞུགས་རྟོག་པ་ཆོམས་མོད་ཀྱི། །གཟུང་འཛིན་
D829.097.0223a05.01རྟོག་པ་ཡང་མ་ཆོམས། །དབུས་མཐར་རྟོག་པའི་རྣལ་འབྱོར་པ། །བརྗོད་པ་ཚིག་ལམ་སྒྲོན་མ་ཡིས། །ཡང་དག་དབུ་མའི་གསེར་ཚོལ་བ། །རྟོག་འདོད་སྤྲེའུ་འདི་གཟུང་བྱས་ནས། །རྐུན་མོ་བྱི་ལ་གདགས་པར་བྱ། །གསེར་ཁུང་སྐར་ཁུང་ཀུན་བཀག་སྟེ། །རེའུ་
D829.097.0223a06.01ཆ་ཕང་ཕུང་བཤིག་ནས་ནི། །རྒྱལ་པོའི་དཀོར་མཛོད་ཁ་ཕྱེ་ན། །དེ་དག་ལོངས་སྤྱོད་རྫོགས་བདག་པོ། །ཡང་དག་དབུ་མའི་ལམ་ཚོལ་བ། །རྟོག་པའི་སྐྱོན་ལྔ་སྤང་བར་བྱ། །རྟོག་པ་རགས་པའི་རི་བོ་དང་། །མཚན་མ་རྒྱུ་བ་ཚོར་བ་དང་། །བྱུང་ཚོར་འབྱུང་བ་རྣམ་པ་ལྔ། །
D829.097.0223a07.01