完整藏文原文 · 德格版页 当前仅加载第 97 函德格 280a 版页；藏文 NFD、目录标记与异常页序保留在来源切片中，重复版页行以稳定序号区分。
མི་འཆད། །ཆོས་སོ་ཅོག་གི་རང་བཞིན་ནི། །དེ་བཞིན་ཉིད་ལས་མ་གཡོས་པས། །ཐམས་ཅད་བདུད་རྩིར་རྒྱུན་མི་འཆད། །འཁོར་བ་རྒྱ་མཚོ་ཡོ་བྱད་རྣམས། །མཆོད་པ་རྒྱ་མཚོའི་རང་བཞིན་ཏེ། །སྲིད་པ་རྒྱ་མཚོ་མཐའ་ཡས་ཀུན། །ཀུན་བཟང་མཆོད་
D829.097.0280a01.01སྤྲིན་རྒྱུན་མི་འཆད། །ཀུན་གྱི་དེ་བཞིན་ཉིད་དབྱིངས་ལས། །སེམས་ཅན་སངས་རྒྱས་སྙིང་པོ་བཤད། །འགྲོ་གང་བསམ་གྱིས་མི་ཁྱབ་པ། །རང་འབྱུང་སངས་རྒྱས་རྒྱུན་མི་འཆད། །དངོས་པོ་བརྟན་གཡོ་ལ་སོགས་པའི། །སྒྲ་སྐད་བསམ་གྱིས་མི་ཁྱབ་པའི། །ཀུན་ཀྱང་
D829.097.0280a02.01གསང་སྔགས་གསང་བའི་ཚིག །བཟླས་པ་རྒྱ་མཚོ་རྒྱུན་མི་འཆད། །དེ་དང་དེ་ཡི་དབྱིངས་ཉིད་ལ། །གང་དང་གང་གི་ཐབས་སྦྱོར་བ། །ཡེ་ནས་འདུ་འབྲལ་མེད་པས་ན། །སྦྱོར་བ་ཆེན་པོ་རྒྱུན་མི་འཆད། །སྲིད་གསུམ་བསྒྲལ་བའི་ཞིང་འདི་དག །སྟོང་པའི་མཚོན་ཆའི་རྒྱལ་
D829.097.0280a03.01པོ་ཡིས། །དངོས་པོ་མེད་པར་བསད་པས་ན། །ཡེ་སྒྲོལ་ཆེན་པོ་རྒྱུན་མི་འཆད། །སྣང་སྲིད་དག་པའི་གཞལ་ཡས་སུ། །ཀུན་གཞི་དཔལ་གྱི་མཎྜལ་ལ། །རྣམ་ཤེས་ཐིག་ཆེན་སྲད་བུ་བརྒྱད། །ཡེ་བཏབ་དཀྱིལ་འཁོར་རྒྱུན་མི་འཆད། །འདོད་ཁམས་རྨང་གི་རི་རབ་ལ། །
D829.097.0280a04.01གཟུགས་ཁམས་བང་རིམ་ཁྲི་འཕང་བརྟན། །གཟུགས་མེད་བུམ་རྟེན་བུམ་པར་བཅས། །གདུང་ཆེན་ཆོས་སྐུ་རྒྱུན་མི་འཆད། །ནམ་མཁའ་མེ་ཆུ་ས་རླུང་རྣམས། །རྨང་བཞི་རི་རབ་རྟེན་དུ་སྣང་། །བང་རིམ་རི་བདུན་བཅས་པ་རྣམས། །དེ་ཉིད་བང་རིམ་ཁྲི་འཕང་བརྟན། །རི་བོ་
D829.097.0280a05.01བུམ་རྟེན་བུམ་པར་བཅས། །འདི་ཡང་གདུང་ཆེན་རྒྱུན་མི་འཆད། །འཛུགས་པའི་ཡན་ལག་གཞི་རྨང་རྟེན། །འཁོར་ལོ་ཚིགས་རྟེན་ཁྲི་འཕང་བརྟན། །ཡན་ལག་དང་པོ་བུམ་རྟེན་བཅས། །ལྕང་ལོ་ཅོད་པན་ཕྲེང་བས་བཀླུབས། །དེ་བཞིན་ཉིད་ཀྱི་ས་གཞི་ལ། །ཇི་བཞིན་པ་ཡི་
D829.097.0280a06.01གཞལ་ཡས་ཁང་། །མ་ནོར་མ་བཅོས་རྨང་ཆེན་བརྟན། །བྱང་ཆུབ་སེམས་ཀྱི་རྩིག་ཆེན་གཏམས། །ཡེ་ཤེས་ལྔ་ཡི་སྐར་མཐོངས་གསལ། །བསྡུ་བ་ཚད་མེད་རྣམ་ཐར་སྒོ། །དྲན་པ་ཡང་དག་ཐེམ་སྐས་བརྒྱད། །རྫུ་འཕྲུལ་རྟ་བབས་དག་གིས་བརྒྱན། །མི་འཇིགས་རིག་པའི་
D829.097.0280a07.01