完整藏文原文 · 德格版页 当前仅加载第 97 函德格 149b 版页；藏文 NFD、目录标记与异常页序保留在来源切片中，重复版页行以稳定序号区分。
ལས། །ཐམས་ཅད་མཐུན་འཇུག་སྤྱོད་པར་མཛོད། །མཐུན་འཇུག་ཚུལ་ཅན་མཐུན་པས་ཀྱང་། །ཁམས་གསུམ་ལོག་པར་བྱེད་ནུས་ན། །ཐུགས་རྗེ་གར་གྱི་མཛད་སྤྱོད་ཀྱིས། །འཇིག་རྟེན་བློ་ལོག་སྨོས་ཅི་དགོས། །དེ་ལ་སོགས་པ་མཐའ་ཡས་
D829.097.0149b01.01སྙེད། །འཇིག་རྟེན་འཇིག་རྟེན་མཐའ་ཡས་ཀུན། །འདུལ་བའི་ཐབས་ནི་སྣ་ཚོགས་ཀྱིས། །དྲངས་ཏེ་ཡང་དག་གསང་བར་སྦྱོར། །ཁྲོ་ལ་བྱམས་དང་ཁྲོ་ཚུལ་མཛོད། །ཞི་ལ་ཞི་བ་སློང་སྤྱོད་ཉིད། །དྲག་ཤུལ་ཅན་ལ་དྲག་པོ་ཉིད། །གཡེམ་ལ་གཡེམ་
D829.097.0149b02.01དང་གཉེན་པོར་མཛོད། །ཆགས་ལ་ཆགས་དང་རྣམ་སྤོང་ཉིད། །གཡེང་ལ་སེམས་སྡུད་གཡེང་བ་ཉིད། །རྨོངས་ལ་ཁྱབ་པར་མཉམ་པ་ཉིད། །རི་ལ་ཏིང་འཛིན་རི་བོ་ཉིད། །ཕྲག་དོག་ཅན་ལ་ཕྲག་དོག་ཚུལ། །དེ་ལ་སོགས་པ་མཐའ་ཡས་སྙེད། །ཀུན་
D829.097.0149b03.01གཞི་མཉམ་དང་མི་མཉམ་པའི། །ནམ་མཁའ་དབྱིངས་ཀྱི་མཐའ་ཀླས་པར། །ཁྱད་པར་འདོད་པའི་ལུས་ཅན་གྱི། །ཀུན་གཞི་ཀུན་གྱི་དབྱིངས་ན་དཔའ། །རྡོ་རྗེ་སྙིང་པོ་རབ་ཏུ་གནས། །སེམས་ཅན་སངས་རྒྱས་ཀུན་གྱི་དབྱིངས། །རྡོ་རྗེ་སེམས་དཔའ་དེ་
D829.097.0149b04.01བཞིན་ཉིད། །ཡེ་ནས་ཡིན་པར་ངེས་པ་ན། །མཐའ་ཐུགས་མེད་པའི་སེམས་ཅན་རྣམས། །ཇི་ལྟར་དགའ་བ་འདོད་པ་བཞིན། །མ་བཀག་མ་བཅོས་ཇི་བཞིན་པར། །ངེས་པ་ཉིད་དུ་གྱུར་པ་ཡི། །ཐབས་མཆོག་དཔག་གིས་མི་ལང་བའི། །མཛད་སྤྱོད་
D829.097.0149b05.01གར་ཐབས་སྤྲིན་ཕུང་གིས། །ཇི་ལྟར་སྤྱད་ཀྱང་དེ་ཉིད་ལ། །མ་གཡོས་མི་གོས་དབྱིངས་ན་དཔའ། །ཉིད་དུ་ངེས་པའི་ངོ་བོ་ལས། །མཐའ་ཡས་དཔག་ཏུ་མེད་པ་ཡི། །སྒོ་ནས་ཐམས་ཅད་མ་བཀག་པར། །ཅི་དགའ་ཉིད་དུ་བདེ་དྲངས་ཏེ། །དམ་པ་རྣམས་
D829.097.0149b06.01ཀྱི་ངེས་པར་མཛོད། །འདིར་ནི་ནན་ཏན་དྲག་ཤུལ་གྱིས། །མི་ཟད་འབར་བའི་ཡེ་ཤེས་ལས། །དུར་ཁྲོད་བདག་པོ་རབ་འཇིགས་པའི། །ཆེ་མཆོག་འབར་བའི་ཕྱག་རྒྱར་མཛོད། །ཅེས་དེས་པ་དམ་པར་བཅད་དོ། །སངས་རྒྱས་ཀུན་གྱི་དགོངས་པ་འདུས་
D829.097.0149b07.01