完整藏文原文 · 德格版页 当前仅加载第 97 函德格 199a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་གསུང་བར་མཛད་དོ། །ཐམས་ཅད་རྣམ་རིག་འཁྲུལ་སྣང་བ། །གཞན་མེད་དེ་ཉིད་དམ་པར་ཡོད། །རྣམ་ཤེས་གང་ཡིན་འདིར་བཅུག་སྟེ། །གསང་བ་དམ་པར་རབ་ངེས་པའོ། །ལང་ཀའི་བདག་པོ་ཡང་སྐྱེས་བུ་དམ་པ་དེས་གང་གི་
D829.097.0199a01.01མཐའ་ཡོངས་སུ་སེལ་བ་དག་གི་ཆེད་དུ་ནམ་མཁའ་རྡོ་རྗེ་མཛད་པ་འདི་གསུང་བར་མཛད་དོ། །གང་འདིར་ཡོད་དང་མེད་པ་ཡི། །མཐའ་གཉིས་ངེས་པར་རབ་བསལ་ཏེ། །སེམས་ཉིད་གང་ཡིན་འདིར་བཅུག་སྟེ། །དབུ་མར་མི་དམིགས་རབ་ངེས་པའོ། །
D829.097.0199a02.01ལང་ཀའི་བདག་པོ་ཡང་སྐྱེས་བུ་དམ་པ་དེས་ཚངས་པ་ལ་སོགས་པ་གང་གཏི་མུག་ཅན་གྱི་ཆེད་དུ་གཏི་མུག་རྡོ་རྗེར་མཛད་པ་འདི་གསུང་བར་མཛད་དོ། །འཇིག་རྟེན་ཀུན་གྱི་གཏི་མུག་ལས། །བྱང་ཆུབ་སེམས་ཀྱི་རྡོ་རྗེ་འབྱུང་། །གཏི་མུག་རྡོ་རྗེ་ཡིད་བཅུག་
D829.097.0199a03.01ནས། །གསང་ཆེན་ཐེག་པར་རབ་ངེས་པའོ། །ལང་ཀའི་བདག་པོ་ཡང་སྐྱེས་བུ་དམ་པ་དེས་གུ་ལང་ལ་སོགས་པ་གང་འདོད་ཆགས་ཅན་གྱི་ཆེད་དུ་ཆགས་པ་རྡོ་རྗེ་མཛད་པ་འདི་གསུང་བ་མཛད་དོ། །འཇིག་རྟེན་གཡོ་རྡུལ་ཕོ་མོ་གང་། །ཇི་སྙེད་གུ་ལང་ཨུ་མ་
D829.097.0199a04.01ཉིད། །ཆགས་པ་རྡོ་རྗེ་ཡིད་བཅུག་ནས། །གསང་ཆེན་ཐེག་པར་རབ་ངེས་པའོ། །ལང་ཀའི་བདག་པོ་ཡང་སྐྱེས་བུ་དམ་པ་དེས་བི་སྣུ་ལ་སོགས་པ་གང་ཞེ་སྡང་ཅན་གྱི་ཆེད་དུ་གསོད་པ་རྡོ་རྗེ་མཛད་པ་འདི་གསུང་བར་མཛད་དོ། །ཇི་སྙེད་གཡོ་རྡུལ་སེམས་ཅན་རྣམས། །
D829.097.0199a05.01རྡོ་རྗེ་མཚོན་ཆེན་གཅིག་གིས་བསད། །ཞེ་སྡང་རྡོ་རྗེ་ཡིད་བཅུག་ནས། །རྡོ་རྗེ་ཐེག་པར་རབ་ངེས་པའོ། །ལང་ཀའི་བདག་པོ་ཡང་སྐྱེས་བུ་དམ་པ་དེས་གནོད་སྦྱིན་ལ་སོགས་པ་གང་ཕྲག་དོག་ཅན་གྱི་ཆེད་དུ་འཁྲུག་པ་རྡོ་རྗེ་མཛད་པ་འདི་གསུང་བར་མཛད་དོ། །ཤ་ཟ་རྟག་
D829.097.0199a06.01ཏུ་གཞན་འདོད་སྤྱོད། །ཀུན་སྡོམ་རྡོ་རྗེ་གོ་ཆ་བགོས། །ཀུན་འཁྲུག་རྡོ་རྗེ་ཡིད་བཅུག་ནས། །གསང་ཆེན་སྙིང་པོར་རབ་ངེས་པའོ། །ལང་ཀའི་བདག་པོ་ཡང་སྐྱེས་བུ་དམ་པ་དེས་ཀླུ་ལ་སོགས་པ་གང་ཕྲ་མ་ཅན་གྱི་ཆེད་དུ་ཕྲ་མ་རྡོ་རྗེ་མཛད་པ་འདི་གསུང་བར་མཛད་དོ། །
D829.097.0199a07.01