完整藏文原文 · 德格版页 当前仅加载第 97 函德格 240b 版页；藏文 NFD、目录标记与异常页序保留在来源切片中，重复版页行以稳定序号区分。
ཐེ་ཚོམ་མེད་པར་འབྱུང་བར་འགྱུར། །སླུ་བའི་ཐབས་ཀྱིས་གཟུང་བའི་ཕྱིར། །སོ་སོ་མོས་པ་སྣ་ཚོགས་ཀྱིས། །ལྟ་སྤྱོད་རྣམས་དང་མཐུན་འཇུག་ཏུ། །སྦྱར་ནས་བསྟེན་འབྲིད་ཐབས་སུ་གསུངས། །དཔེར་ན་ལོག་སྤྱོད་བྱིས་པ་རྣམས། །ཕ་མས་སྡིགས་བྲེད་ཐབས་
D829.097.0240b01.01ཀྱིས་ནི། །བྱ་བའི་ལས་ལ་གཟུད་པ་ལྟར། །བརྩེ་བས་དོན་ལ་འདྲེན་པའོ། །དེ་ཡང་ཇི་ལྟར་ལ་ལ་ཞིག །ཆུ་བོ་ཕ་མཐར་འགྲོ་འདོད་པ། །གྲུ་བ་དག་ལ་བརྟེན་པས་འགྲོ། །མཐར་སོན་པས་ན་འབོར་བ་བཞིན། །ཐབས་སམ་ཐེག་པའི་བྱེ་བྲག་རྣམས། །བརྟེན་
D829.097.0240b02.01པས་དྲང་བའི་ཐབས་ཡིན་ཡང་། །དོན་གྱི་ངེས་པ་རྙེད་མ་ཐག །ཆུ་བོ་རྒལ་བའི་གྲུ་བཞིན་འདོར། །དེས་ན་དེ་བཞིན་ཉིད་ཤེས་ན། །ཐམས་ཅད་ཐམས་ཅད་གང་ཡང་རུང་། །དམ་པའི་ལམ་དུ་ངེས་པས་ན། །ལམ་གྱི་ནང་ན་ཉེ་ལམ་ཡིན། །དེ་སྐད་ཅེས་གསུངས་ནས་ཅང་
D829.097.0240b03.01མི་གསུང་བར་བཞུགས་སོ། །ཀྱེ་གྲོགས་པོ་དག་དེ་བས་ན་དམ་པ་རྣམས་ཀྱི་རྗེས་ལམ་དམ་པ་འདིར་ཞུགས་ན་ཐམས་ཅད་ནས་ཐམས་ཅད་དུ་རྣམ་པ་ཐམས་ཅད་ཀྱི་ཐམས་ཅད་དུ་ཤེས་པ་དང་། གསལ་བ་དང་། མ་འདྲེས་པ་དང་། ཡོངས་སུ་རྫོགས་པར་འགྱུར་ཏེ།
D829.097.0240b04.01འཁོར་བ་ཡོངས་སུ་ཤེས་པར་འདོད་པས་ཀྱང་ལམ་འདི་ཤེས་པར་བྱའོ། །མྱ་ངན་ལས་འདས་པ་ཡོངས་སུ་ཤེས་པར་འདོད་པས་ཀྱང་ལམ་འདི་ཤེས་པར་བྱའོ། །གཞན་ཡང་ཆོ་འཕྲུལ་ཆེན་པོ་ཉི་ཤུ་ཐོབ་པར་འདོད་པས་ཀྱང་ལམ་དམ་པ་འདི་ཡོངས་སུ་ཤེས་པར་
D829.097.0240b05.01བྱའོ། །རྟོག་པའི་རི་བོ་བརྒྱད་ཅུ་གཞིལ་བར་འདོད་པས་ཀྱང་ལམ་དམ་པ་འདི་ཡོངས་སུ་ཤེས་པར་བྱའོ། །ལྟུང་བའི་སྒོ་དགུ་ཆད་པར་འདོད་པས་ཀྱང་ལམ་དམ་པ་འདི་ཡོངས་སུ་ཤེས་པར་བྱའོ། །དེ་ལ་སོགས་པ་མཐའ་ཡས་པའི། །ཐམས་ཅད་ཐམས་ཅད་
D829.097.0240b06.01ཡོངས་རྫོགས་པའི། །ཤེས་པར་འདོད་པ་གང་དག་གིས། །དམ་པའི་ལམ་འདི་ཤེས་པར་བྱ། །སེམས་ཉིད་དམ་པའི་ལམ་ཉིད་དེ། །མཁའ་ལ་བྱ་ལམ་རྗེས་མེད་བཞིན། །ཉམ་ང་ལོག་མེད་དམ་པའི་ལམ། །འདི་ལྟར་ངེས་པའི་ལམ་འདི་ཡང་། །ཀུན་གྱིས་ཤེས་
D829.097.0240b07.01