完整藏文原文 · 德格版页 当前仅加载第 97 函德格 172a 版页；藏文 NFD、目录标记与异常页序保留在来源切片中，重复版页行以稳定序号区分。
མཁའ་ཉིད་ནི་རྣམ་པར་དག་པའོ། །བདེ་བ་ལ་ལོངས་སྤྱོད་པ་ནི་སྨིན་པའོ། །ཡོངས་སུ་བསྒྱུར་བ་ནི་རྒྱུན་ནོ། །ཐམས་ཅད་ནས་ཐམས་ཅད་དུ་དག་པ་ཆེན་པོ་ནི་འདི་ལྟ་སྟེ། གང་གཞིར་སྣང་བ། གང་མ་བསླད་པ་ནི་དེ་ཉིད་དོ། །གང་སྐུ་མེད་པ་ནི་
D829.097.0172a01.01རྣམ་པར་དག་པའོ། །ཡོངས་སུ་རྫོགས་པ་ནི་སྨིན་པའོ། །ཅིར་ཡང་འབྱུང་བ་ནི་རྒྱུན་ནོ། །ལང་ཀའི་བདག་པོ་དེ་ལ་གང་དུ་དག་པ་དང་། ཕྱོགས་སུ་དག་པ་དང་། ཡོངས་སུ་རྣམ་པར་དག་པ་ནི་མ་དག་པ་ཞེས་བྱའོ། །དེ་ཅིའི་ཕྱིར་ཞེ་ན། ཐམས་ཅད་དུ་
D829.097.0172a02.01དག་པར་བྱར་མེད་པ་ལ་དག་པར་འདོད་ཅིང་དག་པར་བྱེད་པའི་ཕྱིར་རོ། །སྨྲས་པ། གསང་བ་པའི་བདག་པོ་ཅི་ག་དེ་ལ་གང་དུ་དག་པ་དང་། ཕྱོགས་སུ་དག་པ་དང་། ཡོངས་སུ་རྣམ་པར་དག་པ་དེ་ལ་དག་པ་ཞེས་ཅིའི་ཕྱིར་བརྗོད། སྨྲས་པ། ལང་
D829.097.0172a03.01ཀའི་བདག་པོ་དེ་དག་ནི་གང་ཡོངས་སུ་བསྒྲིབས་པ་ལས་གང་དུ་སངས་པ་དང་། ཕྱོགས་སུ་སངས་པ་དང་། ཡོངས་སུ་རྣམ་པར་སངས་པའི་ཕྱིར་རོ། །ལང་ཀའི་བདག་པོ་ཐམས་ཅད་ནས་ཐམས་ཅད་དུ་དག་པར་བྱར་མེད་པ་ལ་ནི་དག་པ་ཞེས་བྱའོ། །དེ་ཅིའི་
D829.097.0172a04.01ཕྱིར་ཞེ་ན། དེ་ལ་ནི་དག་པར་བྱ་བའི་རྒྱུ་ཅི་ཡང་མེད་པའི་ཕྱིར་རོ། །ཡང་ལང་ཀའི་བདག་པོས་དྲིས་པ། གསང་བ་པའི་བདག་པོ་རྒྱུན་ཡིན་ལ་སྨིན་པ་མ་ཡིན་པ་ནི་གང་། སྨིན་པ་ཡིན་ལ་རྒྱུན་མ་ཡིན་པ་ནི་གང་། གཉིས་ཀ་ཡིན་པ་ནི་གང་། གཉིས་ཀ་མ་
D829.097.0172a05.01ཡིན་པ་ནི་གང་ཞེས་དྲིས་པ་ལས། སྨྲས་པ། ལང་ཀའི་བདག་པོ་ཇི་སྐད་དུ་དྲི་བ་བཞི་ནི་འདི་ལྟ་སྟེ། རྒྱུན་ཡིན་ལ་སྨིན་པ་མ་ཡིན་པ་ནི་གང་འདས་ཀྱང་པདྨོའི་དབང་གིས་འཁོར་བ་དཔག་ཏུ་མེད་པ་ལ་ཕན་འདོགས་པའོ། །སྨིན་པ་ཡིན་ལ་རྒྱུན་མ་ཡིན་པ་ནི་
D829.097.0172a06.01སའི་སྔ་རོལ་ཉིད་དོ། །གཉིས་ཀ་ཡིན་པ་ནི་གང་ལྷག་མ་དང་བཅས་པས་འདས་པའོ། །གཉིས་ཀ་མ་ཡིན་པ་ནི་རྣམ་པར་དག་པའོ། །ཡང་ལང་ཀའི་བདག་པོས་དྲིས་པ། གསང་བ་པའི་བདག་པོ་དེ་དག་གི་མཛད་པ་ནི་གང་ལགས། སྐུ་ནི་གང་ལགས།
D829.097.0172a07.01