完整藏文原文 · 德格版页 当前仅加载第 97 函德格 178b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱབ་དབྱིངས་ལས་ནི། །སྨྲ་བའི་ཕྲེང་བའི་འོད་ཟེར་ཤར། །སྨྲ་བའི་ཡེ་ཤེས་ལས་བསྒྲུན་ན། །འདྲེན་པ་སྤྲུལ་པའི་ས་བོན་འབྱུང་། །དཔག་མེད་རྒྱལ་བའི་སྐུ་གསུང་ཐུགས། །ཡི་གེ་སྤྲུལ་པ་དེ་ཉིད་ཡིན། །མ་སྐྱེས་པ་ཡི་ཐུགས་ཉིད་དེ། །དང་པོ་མགུར་གྱི་གཟུགས་
D829.097.0178b01.01བརྙན་ཏེ། །གཉིས་པ་ལྗགས་ཀྱི་གཟུགས་བརྙན་ཡིན། །གསུམ་པ་རྩེ་མོ་ལས་བྱུང་བ། །བཞི་པ་འབྱུང་བའི་སྒྲོས་ལ་ཤར། །ལྔ་པ་གསུང་གི་རྒྱུན་ལམ་ཡིན། །ཐམས་ཅད་སྡུད་པའི་ཡི་གེ་ཡ། །སྲེག་པ་འབྱུང་བའི་ཡི་གེ་ར། །འཇོམས་པ་ཆེན་པོ་ཡི་གེ་ལ། །
D829.097.0178b02.01མུན་པ་སེལ་བའི་ཡི་གེ་ཝ། །མཚན་མ་དག་པའི་ཡི་གེ་ཤ། །སྟོང་པ་ཆེན་པོའི་ཡི་གེ་ཥ། །ཆོ་འཕྲུལ་འབྱུང་བའི་ཡི་གེ་ཀྵ། །རྣམ་པ་ཀུན་གྱི་ཡི་གེ་ས། །འཁོར་བ་གནོན་པའི་ཡི་གེ་ཧ། །འབྱུང་བ་ཀུན་གྱི་ཡི་གེ་ཨ། །བརྗོད་པ་ཀུན་གྱི་ཡི་གེ་ཨྭཱ། །
D829.097.0178b03.01ཚད་མེད་པ་དང་ལམ་རྣམས་ཀྱི། ཡི་གེ་བཅུ་དྲུག་རྫོགས་པ་ཉིད། །སྐུ་དང་གསུང་ཐུགས་ཡོན་ཏན་གྱི། །ཚིག་འབྱུང་སྨྲ་བའི་ཡི་གེ་བཞི། །བདུན་དང་བཅུ་གཉིས་གསུང་གི་རྒྱུན། །འབྱུང་བ་ཉིད་དུ་མགོན་པོས་བཤད། །ལང་ཀའི་བདག་པོ་དེ་དག་ནི་ཡི་
D829.097.0178b04.01གེའི་བྱུང་ཚུལ་དུ་རིག་པར་བྱའོ། །ལང་ཀའི་བདག་པོ་འདི་ལ་ཡི་གེའི་གཟུགས་གང་ཞེ་ན། འདི་ལྟ་སྟེ། གང་ཁ་དོག་དང་དབྱིབས་འབའ་ཞིག་གོ། །ལང་ཀའི་བདག་པོ་དེ་ལ་ཁ་དོག་གང་ཞེ་ན། རང་བཞིན་དང་། རིགས་དང་། སྣ་ཚོགས་དང་། མ་ངེས་
D829.097.0178b05.01པའོ། །ལང་ཀའི་བདག་པོ་དབྱིབས་ནི་ཐ་དད་པ་སྟེ། འདི་ལྟར་ཨ་འབའ་ཞིག་ལ་ཡང་ཨ་སེང་གེ་གཡལ་བ་ལྟ་བུ་དང་། ཨ་སེང་གེ་བསྒྱིངས་པ་ལྟ་བུ་དང་། ཨ་སེང་གེ་སྒྲ་འབྱིན་པ་ལྟ་བུ་དང་། ཨ་བིན་དུ་ཕུན་སུམ་ཚོགས་པ་ལྟ་བུ་དང་། ཨ་ཨ་མོ་ཀ་རི་ཁ་
D829.097.0178b06.01འདྲ་བ་དང་། ཨ་འོད་དཔག་ཐིག་ལྟ་བུ་ལ་སོགས་པ་ཐ་དད་དོ། །དེ་བཞིན་དུ་ཀ་ལ་ཡང་ཀ་པི་ཝང་ལྟ་བུ་དང་། ཀ་ཏྲི་ཤཱུ་ལ་ལྟ་བུ་དང་། ཀ་སྤྱང་ཀི་ལྟ་བུ་དང་། ཀ་རུ་སྦལ་ལྟ་བུ་དང་། ཀ་བ་དན་རྩེ་གསུམ་པ་ལྟ་བུ་ལ་སོགས་པ་ཐ་དད་དོ། །གཞན་ཡང་ཁ་ནི་བོང་
D829.097.0178b07.01