完整藏文原文 · 德格版页 当前仅加载第 97 函德格 169a 版页；藏文 NFD、目录标记与异常页序保留在来源切片中，重复版页行以稳定序号区分。
གྲོལ་བར་ཡོད་པའི་ཕྱིར་མ་མཐོང་མི་ཤེས་པའི་ཆོས་གཅིག་ཀྱང་མེད་དོ། །ལང་ཀའི་བདག་པོ་བློ་ཟབ་པ། ཆེས་ཟབ་པ་ནི་གང་ཞེ་ན། གང་ལ་ལ་དག་ཆོས་ཐམས་ཅད་ལ་མུ་དང་། གཏིང་དང་། མཐའ་དང་། དབུས་ཚོལ་ཞིང་འབྱེད་པ་དག་
D829.097.0169a01.01ཡོད་དེ། དེ་དག་ནི་བློ་ཟབ་པ་ཆེས་ཟབ་པ་ཞེས་མི་བྱའི། ཐུག་པ་ཉིད་དུ་ཐུག་པ་ཞེས་བྱའོ། །དེ་ཅིའི་ཕྱིར་ཞེ་ན། གང་འཁྲུལ་པ་དག་སྨིག་རྒྱུ་ལ་ཆུར་འདུ་ཤེས་ཏེ་སྙེག་པའམ། ལྡོངས་པ་དག་ནམ་མཁའི་མཐའ་ཚོལ་བ་བཞིན། ཆོས་ཐམས་ཅད་ཀྱི་མུ་དང་།
D829.097.0169a02.01གཏིང་དང་། མཐའ་དང་། དབུས་བཙལ་བས་ཀྱང་མི་རྙེད་ལ་དབྱེ་བར་ཡང་མེད་དོ། །ལང་ཀའི་བདག་པོ་འོན་ཏང་ནི་ཆོས་ཐམས་ཅད་ལ་མུ་དང་གཏིང་མེད་པ། མཐའ་དང་དབུས་མེད་པར་ཆུབ་པ་གང་ཡིན་པ་དེ་ནི་བློ་ཟབ་པ། ཆེས་ཟབ་པ་ཞེས་བྱའོ། །དེ་ཅིའི་
D829.097.0169a03.01ཕྱིར་ཞེ་ན། སངས་རྒྱས་ཀུན་གྱི་དགོངས་པ་ཐམས་ཅད་ནི་རྟོག་དཔྱོད་དང་བྲལ་བའོ། །ལང་ཀའི་བདག་པོ་དེའི་ཕྱིར་གསང་སྔགས་ཀྱི་ངོ་བོ་ལ་ནི་རབ་ཏུ་དཔག་པར་དཀའ་བའི་ཕྱིར་བློ་ཞིབ་པ། ཆེས་ཞིབ་པ། ཟབ་པ་ཆེས་ཟབ་པས་བལྟ་བར་བྱའོ། །སྨྲས་པ།
D829.097.0169a04.01གསང་བ་པའི་བདག་པོ་གསང་བའི་དབྱིངས་དེ་དཔེ་གང་ལས་ལྟོས་ཏེ་ཤེས་པར་བྱ། སྨྲས་པ། ལང་ཀའི་བདག་པོ་གསང་བའི་དབྱིངས་དེར་དཔེར་བྱ་བ་ནི་འཇིག་རྟེན་ན་མེད་དོ། །རེ་ཞིག་དཔེར་ཉེ་བར་མངོན་སུམ་པར་བྱ་ན་ནམ་མཁའ་ལ་གཟུང་བར་བྱ་སྟེ། ནམ་
D829.097.0169a05.01མཁས་ཀྱང་བསྒྲུན་དུ་ཡོད་པ་མ་ཡིན་ཏེ། འཇིག་རྟེན་ན་མངོན་སུམ་པའི་དཔེར་དེ་ལས་མེད་པའི་ཕྱིར་དཔེར་ནམ་མཁའ་ལས་ལྟོས་ཏེ་དེ་ལས་ཤེས་པར་བྱའོ་ཞེས་དམ་པ་རྣམས་ཀྱིས་བཤད་དོ། །སྨྲས་པ། གསང་བ་པའི་བདག་པོ་གསང་བ་པའི་
D829.097.0169a06.01དབྱིངས་དང་ནམ་མཁའ་གཉིས་ཆོས་ཇི་ལྟར་མཐུན་པར་སྦྱར་བར་བྱས། སྨྲས་པ། ལང་ཀའི་བདག་པོ་གསང་བའི་དབྱིངས་དང་ནམ་མཁའ་ཉིད་ཀུན་དུ་ཆོས་མཐུན་པ་ནི་མ་ཡིན་ཏེ། རང་རིག་སྟོང་པ་ཉིད་དང་། རིག་མེད་སྟོང་པ་ཉིད་ཀྱི་ཕྱིར་རོ། །སྨྲས་པ།
D829.097.0169a07.01