完整藏文原文 · 德格版页 当前仅加载第 97 函德格 276a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་རྒྱལ་བ་མཐོང་བར་འགྱུར་རོ། །དེ་ཅིའི་ཕྱིར་ཞེ་ན། དེ་དག་ཐམས་ཅད་ཀྱི་བཅུད་དུ་བྱ་བ་འམ་སྙིང་པོར་བྱ་བ་ནི་དེ་ཁོ་ན་ཉིད་དེ་དེ་ལས་མེད་པའི་ཕྱིར་རོ། །གྲོགས་པོ་དག་དེ་བས་ན་འདི་ལྟར། དེ་བཞིན་ཉིད་ཀྱི་དོན་མཐོང་ན། །མཐོང་བས་ཐམས་ཅད་
D829.097.0276a01.01སྒྱུ་མ་ཡིན། །དེ་ཉིད་གོ་འཕང་མཆོག་འཕགས་ན། །བླ་མེད་མཐོ་བཙུན་མཐའ་དག་{བརྫུན,རྫུན}། །དེ་བཞིན་ཉིད་དུ་ངེས་ཕན་ཆད། །གང་དམན་སྤ་གོང་ཞུམ་པ་མེད། །དེ་བཞིན་ཉིད་དུ་ཐག་ཆོད་ན། །འཇིག་རྟེན་གནས་ཀྱང་ཆོས་ཀྱི་སྐུ། །དམ་པར་ངེས་ཀྱང་འཇིག་རྟེན་འཇུག །འཁོར་
D829.097.0276a02.01བའི་མཐའ་ལའང་སྐྱོ་བ་མེད། །མུ་མཐའ་ཡས་ཀྱང་གཅིག་ཏུ་རྫོགས། །བདུད་ཀྱི་ཁམས་ལ་ཉམ་མི་ང་། །མི་བཟད་ཁམས་ལ་བག་མི་ཚ། །འདོད་པའི་དངོས་པོ་དབྱིངས་ལ་སྦྱོར། །ཅིག་ཅར་ངེས་པའི་དོན་མཐོང་ན། །རིམ་གྱིས་སྦྱོར་བ་སླུ་འདྲིད་འདྲ། །དེ་ལ་མོས་པ་ཙམ་གྱིས་
D829.097.0276a03.01ཀྱང་། །ཁམས་གསུམ་ཟིལ་གྱིས་གནོན་པར་འགྱུར། །ཀློང་དུ་གྱུར་པ་སྨོས་ཅི་དགོས། །དཔེར་ན་སེང་ཕྲུག་ཁྱུང་སྒོང་དག །མིག་མ་བྱེ་ཞིང་མར་བླངས་ཀྱང་། །ཀུན་སྐྲག་སྒོ་ངའམ་མཁར་འགྲོ་ལྟར། །དེ་ཉིད་ངེས་པར་གང་གྱུར་པ། །དེ་དག་འཇིག་རྟེན་གནས་འཇུག་ཀྱང་། །
D829.097.0276a04.01གོ་འཕང་དམ་པ་དེ་ཉིད་དུ། །དེས་པ་ཅི་ལའང་བག་མི་ཚ། །རིམ་གྱིས་མཚན་མར་སྤྱོད་པ་དང་། །མེད་དང་དམིགས་དང་མི་དམིགས་དང་། །བསྒྲུབ་དང་བགྲོད་པར་བྱེད་པ་ཡི། །བྱེ་བྲག་མེད་པར་རྟོག་འཇུག་པ། །བླུན་པོ་དེ་དག་སྟོངས་པ་སྟེ། །དམ་པར་ངེས་པ་ག་ལ་ཡིན། །གཅན་
D829.097.0276a05.01གཟན་ཐ་མའི་ཕྲུ་གུ་འདྲ། །སྐྲག་ཅིང་དངང་བའི་རང་བཞིན་ནོ། །མཐའ་ཡས་ཇི་སྙེད་ཆོས་ཀུན་གྱི། །རང་བཞིན་ཇི་ལྟར་གནས་པ་བཞིན། །མ་བཅོས་ཕྱིན་ཅི་མ་ལོག་པ། །དེ་བཞིན་ཉིད་དུ་ཐག་ཆོད་པའོ། །ཇི་ལྟར་ཁྱུང་ཆེན་མཁའ་ལྡིང་བ། །འདབ་གཤོག་རྩལ་གྱིས་ནམ་འཕང་
D829.097.0276a06.01སྤྱོད། །རི་བྲག་ཆུ་ཀླུང་མཐའ་ཡས་ཀྱང་། །འཕུར་རླབས་འོག་ཏུ་ཀུན་ཆུད་ལྟར། །རྣལ་འབྱོར་ཆོས་ཉིད་མཁའ་འགྲོ་བ། །ཐེག་པའི་སྤྱོད་སྒོ་མཐའ་ཡས་ཀྱང་། །ཇི་བཞིན་མ་བཅོས་དོན་གྱིས་ན། །གོ་འཕང་རླབས་ཀྱིས་ཐག་བཅད་པ། །འདི་ནི་རེ་དང་དོགས་པ་ཡི། །ཐེ་ཚོམ་གཅོད་
D829.097.0276a07.01