完整藏文原文 · 德格版页 当前仅加载第 97 函德格 267b 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས། །དང་པོ་ལས་ཀྱི་ཁྱད་པར་ལས། །སོགས་པའི་རྣལ་འབྱོར་ཆུང་ངུ་རྣམས། །རང་རང་རྩ་བ་བོར་ནས་ནི། །རྩལ་ཆེན་རྫོགས་པའི་རྣལ་འབྱོར་ལ། །སོགས་པའི་རྣལ་འབྱོར་ཆེན་པོའི་ཚུལ། །སྤྱོད་པར་བྱེད་དང་དོན་འདོད་པ། །སྦལ་བུས་མཁའ་ལྡིང་ལས་སྤྱད་ཀྱང་། །
D829.097.0267b01.01བཙལ་བའི་ཡུལ་ནི་ཆད་མ་ཡིན། །ནོར་བུ་ལས་ཀྱི་འཕང་དམས་པ། །རང་སྐལ་འཚོ་བའི་ཚོད་བོར་ནས། །རྒྱལ་པོ་ཐབས་ཀྱིས་འཕང་མཐོ་བའི། །ལོངས་སྤྱོད་ཆེ་ལ་དམིགས་བཅས་ཀྱང་། །དེ་དག་མི་འཐོབ་འཚོ་བྲལ་ཞིང་། །སྐལ་ལྡན་ཅན་གྱི་དོན་འདི་དག །
D829.097.0267b02.01སྐལ་ཞན་དག་གིས་འགྲུབ་པར་དཀའོ། །དེ་ཕྱིར་དགོངས་པ་ཀུན་འདུས་ལ། །གང་འདིར་རྣལ་འབྱོར་དམན་དོན་དུ། །གསོ་དང་སྦྱོང་བའི་སྤྱོད་པ་དག །དམན་པ་དག་དང་མཉམ་པར་གསུངས། །གསོ་དང་བསླང་བའི་རྟོག་པ་འདི། །རྟོག་པ་ཅན་དང་མཐུན་པར་
D829.097.0267b03.01སྤྱད། །གསོ་བ་རྟོག་པས་ཟིན་པའི་ནད། །ལྟ་སྤྱོད་ཉམས་པའི་སྨན་གྱིས་གསོ། །ཤི་བསླང་བ་ཡི་རྟོག་པ་འདི། །ཁམས་གསུམ་འཁོར་བའི་ནད་པ་རྣམས། །རྟག་ཆད་མཐར་ཤི་རོ་གླིང་ནས། །གཏི་མུག་བམ་ཆེན་རོ་བླངས་ཏེ། །སྐྱེ་འགག་མེད་པར་བླང་བའི་ཕྱིར། །
D829.097.0267b04.01རོ་ལ་ཡིད་བཞིན་ནོར་བུ་ཡི། །སྔགས་ཀྱིས་བཏབ་སྟེ་གནོན་པར་བྱ། །རོ་ཡི་གཉེན་པོར་བདག་གྱུར་ནས། །རོ་སྔགས་རྒྱུན་མི་འཆད་པར་བཟླས། །རོ་ཡི་གཟི་བྱིན་བྱུང་བ་ན། །བར་ཆད་མེད་པའི་བརྩོན་འགྲུས་བྱ། །རོ་དེ་འགུལ་བར་གྱུར་པ་དང་། །གང་གི་འགྱུར་རྩིས་
D829.097.0267b05.01བྱུག་པར་བྱ། །རོ་ཡི་ཡན་ལག་ཀུན་བཅིངས་ནས། །བཟླས་པ་དྲག་པོ་རྒྱུན་མི་གཅད། །གང་དེར་ལངས་པར་གྱུར་པ་དང་། །ཆོ་འཕྲུལ་འཇིགས་ཚལ་སྟོན་པར་བྱེད། །བརྟུལ་ཞུགས་ལྡན་པའི་སྐྱེས་བུ་ཡིས། །དེ་ཚེ་རོ་ཡི་ལྕེ་བཅད་ནས། །རོ་ལ་བརྡབས་ན་གསེར་དུ་
D829.097.0267b06.01འགྱུར། །དེ་བཞིན་ཇི་ལྟར་འདོད་པ་ཡི། །རྐྱེན་གྱིས་བསྒྱུར་ན་དེ་ལྟར་འགྱུར། །ལྕེ་བཤད་རལ་གྲི་མཚོན་ཆ་དང་། །རོ་ཡི་མགོ་བོ་གཅད་པ་དེས། །ཇི་ལྟར་འདོད་པའི་རྫས་འགྲུབ་སྟེ། །མགོ་ཐོད་གོ་ཆར་བཟུང་ནས་ནི། །ལྕེ་ཡི་རལ་གྲི་མཚོན་ཐོགས་ནས། །ལྷ་མིན་གཡུལ་
D829.097.0267b07.01