完整藏文原文 · 德格版页 当前仅加载第 14 函德格 55b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། ཕུང་པོ་མ་ལུས་པའི་མྱ་ངན་ལས་འདས་པའི་དབྱིངས་སུ་དགོད་པར་འདོད་པས། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བྱའོ། །ཤ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱོགས་བཅུའི་འཇིག་རྟེན་གྱི་ཁམས་
D8.014.0055b01.01ཐམས་ཅད་ན། སེམས་ཅན་ཇི་སྙེད་ཅིག་ཡོད་པ་དེ་དག་ཐམས་ཅད། ཉན་ཐོས་དང་། རང་སངས་རྒྱས་ཀྱི་ཐེག་པ་དང་། ཐེག་པ་ཆེན་པོས་ཡོངས་སུ་མྱ་ངན་ལས་བཟླ་བར་འདོད་པས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བྱའོ། །ཤ་ར་དྭ་
D8.014.0055b02.01ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་ཅིང་། སྦྱིན་པ་གཏོང་བའི་ཚེ། འདི་ལྟར་བསླབ་པར་བྱ་སྟེ། སྦྱིན་པ་རྣམ་པ་འདི་ལྟར་བྱིན་ན་ནི་འབྲས་བུ་ཆེན་པོར་འགྱུར། སྦྱིན་པ་འདི་ལྟར་བྱིན་
D8.014.0055b03.01ན་ནི་རྒྱལ་རིགས་ཆེ་ཞིང་མཐོ་བའི་རིགས་སུ་སྐྱེ། སྦྱིན་པ་འདི་ལྟར་བྱིན་ན་ནི། བྲམ་ཟེ་ཆེ་ཞིང་མཐོ་བའི་རིགས་སུ་སྐྱེ། སྦྱིན་པ་འདི་ལྟར་བྱིན་ན་ནི། ཁྱིམ་བདག་ཆེ་ཞིང་མཐོ་བའི་རིགས་སུ་སྐྱེ། སྦྱིན་པ་འདི་ལྟར་བྱིན་ན་ནི། སྦྱིན་པ་དེ་ཉིད་ལ་གནས་
D8.014.0055b04.01པས། རྒྱལ་པོ་ཆེན་པོ་བཞིའི་རིས་ཀྱི་ལྷའི་ནང་དུ་སྐྱེ། སྦྱིན་པ་འདི་ལྟར་བྱིན་ན་ནི། སྦྱིན་པ་དེ་ཉིད་ལ་གནས་པས། སུམ་ཅུ་རྩ་གསུམ་གྱི་ལྷའི་ནང་དུ་སྐྱེ། སྦྱིན་པ་འདི་ལྟར་བྱིན་ན་ནི། སྦྱིན་པ་དེ་ཉིད་ལ་གནས་པས། མཚེ་མའི་ལྷའི་ནང་དུ་སྐྱེ། སྦྱིན་པ་
D8.014.0055b05.01འདི་ལྟར་བྱིན་ན་ནི། སྦྱིན་པ་དེ་ཉིད་ལ་གནས་པས། དགའ་ལྡན་གྱི་ལྷའི་ནང་དུ་སྐྱེ། སྦྱིན་པ་འདི་ལྟར་བྱིན་ན་ནི། སྦྱིན་པ་དེ་ཉིད་ལ་གནས་པས། འཕྲུལ་དགའི་ལྷའི་ནང་དུ་སྐྱེ། སྦྱིན་པ་འདི་ལྟར་བྱིན་ན་ནི། སྦྱིན་པ་དེ་ཉིད་ལ་གནས་པས། གཞན་འཕྲུལ་དབང་
D8.014.0055b06.01བྱེད་ཀྱི་ལྷའི་ནང་དུ་སྐྱེ། སྦྱིན་པ་འདི་ལྟར་བྱིན་ན་ནི། སྦྱིན་པ་དེ་ཉིད་ལ་གནས་པས། བསམ་གཏན་དང་པོ་འབྱུང་བར་འགྱུར། སྦྱིན་པ་འདི་ལྟར་བྱིན་ན་ནི། སྦྱིན་པ་དེ་ཉིད་ལ་གནས་པས། བསམ་གཏན་གཉིས་པ་འབྱུང་བར་འགྱུར། སྦྱིན་པ་འདི་ལྟར་བྱིན་ན་ནི།
D8.014.0055b07.01