完整藏文原文 · 德格版页 当前仅加载第 14 函德格 166b 版页；藏文 NFD、目录标记与异常页序保留在来源切片中，重复版页行以稳定序号区分。
བཞོན་པ་འདོད་པ་རྣམས་ལ་བཞོན་པ་དང་། མེ་ཏོག་འདོད་པ་རྣམས་ལ་མེ་ཏོག་དང་། སྤོས་འདོད་པ་རྣམས་ལ་སྤོས་དང་། ཕྲེང་བ་འདོད་པ་རྣམས་ལ་ཕྲེང་བ་དང་། བྱུག་པ་འདོད་པ་རྣམས་ལ་བྱུག་པ་དང་། མལ་སྟན་འདོད་པ་རྣམས་ལ་མལ་སྟན་དང་། གོས་འདོད་པ་
D8.014.0166b01.01རྣམས་ལ་གོས་དང་། ནོར་བུ་འདོད་པ་རྣམས་ལ་ནོར་བུ་དང་། མུ་ཏིག་འདོད་པ་རྣམས་ལ་མུ་ཏིག་དང་། གསེར་འདོད་པ་རྣམས་ལ་གསེར་དང་། དངུལ་འདོད་པ་རྣམས་ལ་དངུལ་དང་། བྱི་རུ་འདོད་པ་རྣམས་ལ་བྱི་རུ་དང་། རྒྱན་འདོད་པ་རྣམས་ལ་རྒྱན་དང་།
D8.014.0166b02.01འཚོ་བ་འདོད་པ་རྣམས་ལ་འཚོ་བ་དང་། ཁྱིམ་འདོད་པ་རྣམས་ལ་ཁྱིམ་གྱིས་ཡོངས་སུ་སྡུད་ཅིང་འཚོ་བའི་ཡོ་བྱད་སྐྱོན་མེད་པ་ཡོངས་སུ་སྒྲུབ་པ་དག་ཀྱང་ཡོད་དོ། །ཤ་ར་དྭ་ཏིའི་བུ་འདི་ལྟར་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཕ་རོལ་ཏུ་ཕྱིན་
D8.014.0166b03.01པ་དྲུག་ལ་གནས་ཤིང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལྷུར་བྱས་ཏེ། སེམས་ཅན་རྣམས་ལུས་དང་ངག་དང་ཡིད་ཀྱི་སྡོམ་པ་ལ་རབ་ཏུ་འགོད་པ་དག་ཀྱང་ཡོད་དོ། །ཤ་ར་དྭ་ཏིའི་བུ་འདི་ལྟར་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཕ་
D8.014.0166b04.01རོལ་ཏུ་ཕྱིན་པ་དྲུག་ལ་གནས་ཤིང་། བཟོད་པའི་ཕ་རོལ་ཏུ་ཕྱིན་པ་ལྷུར་བྱས་ཏེ། སེམས་ཅན་རྣམས་ཁྲོ་བ་{མྱེད་,མེད་}པ་དང་། གནོད་སེམས་མེད་པ་ལ་རབ་ཏུ་འགོད་པ་བྱེད་པ་དག་ཀྱང་ཡོད་དོ། །ཤ་ར་དྭ་ཏིའི་བུ་འདི་ལྟར་ཡང་བྱང་ཆུབ་སེམས་དཔའ་སེམས་
D8.014.0166b05.01དཔའ་ཆེན་པོ་ཕ་རོལ་ཏུ་ཕྱིན་པ་དྲུག་ལ་གནས་ཤིང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལྷུར་བྱས་ཏེ། སེམས་ཅན་རྣམས་དགེ་བའི་ཆོས་ཐམས་ཅད་ལ་མངོན་པར་བརྩོན་པ་ལ་རབ་ཏུ་འགོད་པ་དག་ཀྱང་ཡོད་དོ། །ཤ་ར་དྭ་ཏིའི་བུ་འདི་ལྟར་ཡང་བྱང་ཆུབ་
D8.014.0166b06.01སེམས་དཔའ་སེམས་དཔའ་ཆེན་པོ་ཕ་རོལ་ཏུ་ཕྱིན་པ་དྲུག་ལ་གནས་ཤིང་། བསམ་གཏན་གྱི་ཕ་རོལ་ཏུ་ཕྱིན་པ་ལྷུར་བྱས་ཏེ། སེམས་ཅན་རྣམས་ཞི་གནས་རྩེ་གཅིག་ཏུ་བྱ་བ་དང་། འདོད་པ་ལས་དབེན་པ་ལ་རབ་ཏུ་འགོད་པ་དག་ཀྱང་ཡོད་དོ། །དགེ་བ་བཅུའི་
D8.014.0166b07.01