完整藏文原文 · 德格版页 当前仅加载第 67 函德格 214b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་གནས་གཅིག་ཏུ་སྐྱེ་ཞིང་མི་འབྲལ་བར་སྨོན་ཏོ། །དེ་ནས་ཚངས་པ་ཆེན་པོ་དང་། སུམ་ཅུ་རྩ་གསུམ་གྱི་ལྷ་རྣམས་དང་། འཇིག་རྟེན་སྐྱོང་བ་རྒྱལ་པོ་ཆེན་པོ་བཞི་དང་། གསང་བ་པའི་བདག་པོ་ལག་ན་རྡོ་རྗེ་དང་། གནོད་སྦྱིན་གྱི་སྡེ་དཔོན་ཆེན་པོ་ཡང་དག་ཤེས་ལ་སོགས་པ་དང་། ཀླུའི་རྒྱལ་
D264.067.0214b01.01པོ་དགའ་བོ་དང་། ཉེ་དགའ་བོ་དང་། ལྷ་མ་ཡིན་དང་། ནམ་མཁའ་ལྡིང་དང་། དབྱངས་ཅན་དང་། འཕྲོག་མ་མོ་དང་། རིའི་ལྷ་དང་། ཤིང་གི་ལྷ་དང་། ཀླུང་གི་ལྷ་དང་། མཚོའི་ལྷ་དང་། སའི་ལྷ་དང་། ཆུའི་ལྷ་དང་། མེའི་ལྷ་དང་། རླུང་གི་ལྷ་ལ་སོགས་པ་གྲངས་མེད་དཔག་ཏུ་མེད་པ་
D264.067.0214b02.01དག་རང་རང་གི་སྟན་ལས་ལངས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་ཅིང་གུས་པས་ཕྱག་འཚལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་ནི་བཅོམ་ལྡན་འདས་ཀྱིས་བསྟན་པའི་མདོ་སྡེ་ཐར་པ་ཆེན་པོ་ཕྱོགས་སུ་རྒྱས་པ་འདི་ལ་རྟག་ཏུ་
D264.067.0214b03.01བསྲུང་ཞིང་འཛིན་པར་བགྱིའོ། །མདོ་སྡེ་འདི་གང་དུ་གནས་པ་དེར་བདག་ཅག་གིས་རྟག་ཏུ་མདུན་དུ་བདར་ཏེ་ཡོངས་སུ་དག་པར་བགྱིའོ། །མདོ་སྡེ་འདི་མཆོད་རྟེན་དུའམ་གནས་ཁང་དུའམ། ཁྱིམ་པའི་ཁྱིམ་དུའམ། དགོན་པ་ན་གནས་ཀྱང་རུང་སྟེ། གལ་ཏེ་གང་ཟག་འགའ་ཞིག་གིས་སུག་
D264.067.0214b04.01པ་མི་གཙང་བས་མདོ་སྡེ་འདི་བཟུང་ངམ། མ་གུས་པར་བཀླགས་སམ། ཁ་ཏོན་དུ་བགྱིས་ན་བདག་ཅག་གིས་གང་ཟག་དེ་འགྲོ་སྡོད་འདུག་ཉལ་སྤྱོད་ལམ་རྣམ་བཞིར་ལུས་དང་སེམས་མི་བདེ་བར་བགྱིའོ། །དེ་གང་དུ་གནས་པ་དེར་འཇིགས་ཤིང་སྐྲག་པ་དང་། གློ་བུར་དུ་གནོད་པ་འབྱུང་བར་བགྱིའོ། །
D264.067.0214b05.01ཚེ་འདི་ལ་མི་བདེ་བ་སྣ་ཚོགས་དང་། ཚེ་འཕོས་ན་ཡང་སེམས་ཅན་དམྱལ་བར་ལྟུང་བར་བགྱིའོ། །གང་ལ་ལ་ཞིག་གིས་མདོ་སྡེ་འདི་ལ་གུས་པར་བགྱིས་ཏེ། སུག་པ་གཙང་མས་བླངས་ཤིང་འཆང་ངམ། ཁྲུས་བགྱིས་ཏེ་བདུག་སྤོས་ཀྱིས་བདུག་ཅིང་བཀླགས་སམ། ཁ་ཏོན་དུ་བགྱིས་སམ། འཆང་ངམ་
D264.067.0214b06.01འཛིན་ཏམ། ཡི་གེར་འདྲིའམ། ཡི་གེར་འདྲིར་འཇུག་གམ། རྗེས་སུ་དྲན་ནམ་སྡིག་པའི་ཆོས་རྣམས་མ་སྤྱད་ན་བདག་ཅག་གིས་མདོ་སྡེ་འདི་བསྲུང་བའི་སླད་དུ་གང་ཟག་དེའི་རིམ་གྲོ་བགྱིའོ། །བསྲུང་བར་བགྱིའོ། །གང་ཟག་དེ་ཉལ་ན་ཡང་དེའི་མདུན་དུ་མཆིས་ཏེ། ལྟས་ངན་པ་རྣམས་མི་འབྱུང་བར་བགྱིའོ། །ཡང་
D264.067.0214b07.01