完整藏文原文 · 德格版页 当前仅加载第 67 函德格 259a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་ཆར་བཞིན་འབབ་སྟེ། ཀླད་པར་ཕོག་ཅིང་རྐང་པར་བྱུང་བའི་སྡུག་བསྔལ་ཐམས་ཅད་ནི་སྔར་གོང་དུ་བཤད་པ་བཞིན་བརྒྱ་སྟོང་ཁྲི་ཕྲག་ཏུ་བསྒྱུར་བའོ། །གང་ལ་ལ་རྩ་བ་བཞི་པོ་ཚང་བར་ཞིག་པར་གྱུར་ན་སྡུག་བསྔལ་ཆེན་པོ་ཉམས་སུ་མྱོང་བ་ནི་བསྐལ་པ་ཆེན་པོ་ལྔ་རྫོགས་ཀྱི་བར་
D264.067.0259a01.01དུའོ། །སྡོམ་པ་བརྒྱད་འཇིག་པ་ནི་དེ་ལས་གྱུར་ཅིག་གིས་མང་ངོ་། །མཚམས་མེད་པ་ལྔ་ཡང་གྱུར་ཅིག་གིས་མང་ངོ་། །མཉམ་པ་ཉིད་ཀྱི་མདོ་སྡེ་ལ་སྐུར་པ་འདེབས་པ་ཡང་གྱུར་ཅིག་གིས་མང་ངོ་། །དཀོན་མཆོག་གསུམ་ལ་དམོད་པ་དང་། དགེ་འདུན་གྱི་ནོར་བརྐུས་པ་དང་།
D264.067.0259a02.01དགེ་སློང་དང་། དགེ་སློང་མ་ཚངས་པར་སྤྱད་པ་ལ་དྲི་མ་ཅན་དུ་སྤྱོད་པ་དང་། མཁན་པོ་དང་སློབ་དཔོན་ལ་དབང་ཟ་བ་དང་། མ་ལ་གཡེམ་པ་རྣམས་གོང་མ་དག་ལས་ཀྱང་གྱུར་ཅིག་གིས་བསྐྱེད་དོ། །ལོག་སྤྱོད་ཀྱི་རྣམས་ནི་དགེ་བའི་རྩ་བ་གཏན་ཆད་པས་ན་མས་ཀྱང་མནར་མེད་པའི་དམྱལ་བ་
D264.067.0259a03.01ནས་མི་ཐར་བ་ནི་དེར་མ་གཏོགས་སོ། །དེ་ལ་སོགས་པའི་སྡིག་ཅན་རྣམས་སྡུག་བསྔལ་ཉམས་སུ་མྱོང་བའི་ཚེ་འབར་བའི་མེ་ཤིན་ཏུ་མཆེད་པ་ཁོང་དུ་ཞུགས་ཏེ་རྨུགས་ནས་འཆིའོ། །དེ་ནས་སྲིན་པོ་དམྱལ་བའི་སྲུངས་མས་ལྕགས་ཀྱི་གསལ་ཤིང་ས་ལ་བརྡབས་ཏེ། སོས་སོས་ཞེས་བོས་པ་དང་།
D264.067.0259a04.01བོས་པའི་སྒྲ་བཞིན་དུ་ཡང་སོས་ཡང་སོས་ནས་ཉིན་མཚན་གཅིག་ལ་ལན་ཁྲི་ནི་འཆི། ལན་ཁྲི་ནི་འཚོ་སྟེ། སྡུག་བསྔལ་མི་བཟད་པ་ཆེན་པོ་ཉམས་སུ་མྱོང་བ་ནི་གོང་དུ་བསྟན་པ་བཞིན་ནོ། །ནམ་ཞིག་མནར་མེད་པའི་དམྱལ་བ་ནས་སླར་ཕྱིན་ན་ཡང་ཚུལ་ཁྲིམས་བཤིག་པ་དང་། ཡོན་
D264.067.0259a05.01བདག་དད་པ་ཅན་གྱི་ཡོན་བླངས་པའི་ལས་ཀྱིས་ཡང་དམྱལ་བ་ཆུང་ངུ་རྣམས་ཀྱི་ནང་དུ་འཇུག་སྟེ། དེ་ལ་དམྱལ་བ་གྲང་སྦྲེབས་པ་དང་། དམྱལ་བ་མུན་ནག་པ་དང་། དམྱལ་བ་རབ་ཏུ་ཚ་བ་དང་། དམྱལ་བ་སྤུ་གྲི་སོ་གཏམས་པ་དང་། དམྱལ་བ་རལ་གྲི་འཁོར་ལོ་དང་། དམྱལ་བ་
D264.067.0259a06.01མེའི་ཤིང་རྟ་ཅན་དང་། དམྱལ་བ་ཕྱི་སའི་འདམ་དང་། དམྱལ་བ་ཆུ་ཚན་དང་། དམྱལ་བ་མེ་མུར་ཀླུང་དང་། དམྱལ་བ་ནགས་ཚལ་རལ་གྲི་ལོ་མ་ཅན་དང་། དམྱལ་བ་ལྕགས་ཀྱི་འཁྲུལ་འཁོར་ཅན་དང་། དམྱལ་བ་ལྕགས་ཀྱི་ཤལ་མ་རི་ཀ་བ་ཅན་དང་། དམྱལ་བ་ལྕགས་
D264.067.0259a07.01