完整藏文原文 · 德格版页 当前仅加载第 67 函德格 229b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་གྱུར་ན་ནི་སངས་རྒྱས་དང་ཆོས་ཀྱང་དབྱིངས་ཐ་དད་པར་འགྱུར་ཏེ། དགེ་འདུན་ཡང་དེ་བཞིན་ནོ། །གལ་ཏེ་སྐྱབས་གསུམ་ཞིག་ལགས་ན་ནི་སྐྱེ་བོ་རྣམས་རྣམ་པ་གསུམ་དུ་མཐོང་བས་བསྐལ་པ་གསུམ་གྱི་བར་དུ་ཆོས་སྤྱོད་ཀྱང་ཐེག་པ་གཅིག་ཏུ་བརྡ་མི་འཇལ་བར་མཆི་ན། བཅོམ་ལྡན་
D264.067.0229b01.01འདས་སེམས་ཅན་རྣམས་ལ་སྨན་པ་དང་བདེ་བའི་སླད་དུ་བདག་ལ་བཤད་དུ་གསོལ། བདག་འདི་ཐོས་ནས་ཀྱང་སྐྱེ་བོ་ཀུན་ལ་བྱེ་བྲག་ཕྱེད་པར་བཤད་པར་འཚལ་ལོ། །བཅོམ་ལྡན་འདས་མྱ་ངན་ལས་འདས་པའི་སླད་ན་གང་ལ་ལས་མཚན་ཐོས་ན། བླ་ན་མེད་པའི་བྱང་ཆུབ་ཀྱི་གནས་ཐོབ་པར་ཡང་
D264.067.0229b02.01འགྱུར་རོ་ཞེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་མཚན་ཉིད་དད་ལ་ལེགས་སོ་ཞེས་བྱ་བ་བྱིན་ཏེ། རིགས་ཀྱི་བུ་ལེགས་སོ་ལེགས་སོ། །དོན་ཆེན་པོ་འདི་ལྟ་བུ་ང་ལ་ཞུ་བར་ནུས་པ་ནི་ཤིན་ཏུའང་ལེགས་སོ་ལེགས་སོ། །རིགས་ཀྱི་བུ་ཁྱོད་འདི་ལྟ་བུའི་དོན་ཆེན་པོ་
D264.067.0229b03.01འདྲི་བ་ཡང་ས་དང་པོ་དང་། ས་གཉིས་པ་དང་། ས་གསུམ་པ་དང་། ས་བཞི་པ་དང་། ས་ལྔ་པ་དང་། ས་དྲུག་པ་དང་། ས་བདུན་པ་དང་། ས་བརྒྱད་པ་ལ་གནས་པ་མ་ཡིན་ཏེ། ས་བཅུ་ཆོས་ཀྱི་སྤྲིན་ལ་གནས་པའི་སྐྱེས་བུ་ཆེན་པོ་ནི་དེ་བཞིན་གཤེགས་པ་ལ་དོན་ཆེན་པོ་འདི་ལྟ་བུ་འདྲི་བ་ཡིན་ནོ། །ཁྱོད་ལེགས་པར་ཉོན་ཅིག །ངས་བྱེ་བྲག་
D264.067.0229b04.01ཕྱེད་པར་བཤད་(ད།,དོ།) །རིགས་ཀྱི་བུ་སྐྱེ་བོ་ཐམས་ཅད་ནི་ཐོག་མ་མེད་པ་ནས་མ་རིག་པས་བསྒྲིབས་ཏེ། ཁམས་གསུམ་གྱི་བཙོན་ར་ན་འཁོར་ཞིང་སྡུག་བསྔལ་སྣ་ཚོགས་ཀྱིས་གཟིར་ཏེ། ལམ་རྒྱུད་དྲུག་ཏུ་ཕན་ཚུན་རྣམ་པར་རྒྱུ་བ་ལ་སྐྱབས་དང་རྟེན་པའི་གནས་མེད་ནས་ལྷ་མ་སྲིན་ལ་ཕྱོགས་
D264.067.0229b05.01ཏེ་སྐྱབས་ཚོལ་བ། མུ་སྟེགས་རྣམས་རང་གི་རྐང་ལག་བཅིངས་ཤིང་སྲོག་བཏང་སྟེ། སྐྱབས་ཚོལ་ན་ཡང་སྡུག་བསྔལ་ལས་ཐར་པ་མེད་དོ། །མེ་དང་མཚོའི་ནང་དུ་མཆོངས་ཏེ་སྲོག་བཏང་ཡང་འཁོར་བ་ལས་ཐར་པའི་དུས་མེད་དེ། དེའི་ཕྱིར་མགོན་པོ་ཆེན་པོ་དེ་བཞིན་གཤེགས་པས་
D264.067.0229b06.01བྱམས་པའི་ཏིང་ངེ་འཛིན་གྱིས་སྐྱེ་བོ་རྒྱུན་ཏུ་འཁྲུལ་པ་རྣམས་ལ་ཐུགས་བརྩེ་བར་དགོངས་ཏེ། དཀོན་མཆོག་གསུམ་གྱི་མཚན་བསྟན་ཅིང་ཡང་དག་པའི་རྟེན་གནས་སུ་བྱ་བའི་ཕྱིར། བསླབ་པ་དང་པོ་པ་ཉན་ཐོས་དང་རང་བྱང་ཆུབ་པ་རྣམས་ལ་ཐེམ་སྐས་དང་འདྲ་བར་དཀོན་མཆོག་གསུམ་
D264.067.0229b07.01