完整藏文原文 · 德格版页 当前仅加载第 67 函德格 239b 版页；藏文 NFD、目录标记与异常页序保留在来源切片中，重复版页行以稳定序号区分。
བཀུར་བྱས་ན་ཡང་སངས་རྒྱས་དེ་དག་གིས་ང་ལ་ལུང་མ་བསྟན་ཏོ། །བསྐལ་པ་དེ་འདས་ནས་ཡང་བསྐལ་པ་སྡུག་བསྔལ་སྐྱབས་ཞེས་བྱ་བ་དང་། འཇིག་རྟེན་རྣམ་པར་བརྒྱན་པ་ཞེས་བྱ་བ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཁྱེན་པ་དང་ཞབས་སུ་ལྡན་པ། བདེ་བར་
D264.067.0239b01.01གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་སྦྱིན་པ་ཆེན་པོ་ཞེས་བྱ་བ་བྱུང་སྟེ། ང་དེའི་ཚེ་སངས་རྒྱས་བྱེ་བ་ཕྲག་བཞི་བཅུ་ལ་མཆོད་པ་ཕུལ་ཏེ། བསྙེན་བཀུར་བྱས་ནས་གདོད་མདོ་སྡེ་འདིའི་མིང་
D264.067.0239b02.01ཐོས་ཏེ། ཉོན་མོངས་པ་ཡོངས་སུ་སྤངས་ཀྱིས་ཀྱང་མདོ་སྡེ་འདི་ད་དུང་མ་མཐོང་སྟེ། ང་དེའི་ཚེ་དེའི་དུས་ན་མཆོད་པའི་ཡོ་བྱད་བསམ་གྱིས་མི་ཁྱབ་པ་རྣམ་པ་སྣ་ཚོགས་བསྩགས་ཏེ། མཆོད་པ་ཕུལ་ན་ཡང་དེ་བཞིན་གཤེགས་པ་དེ་དག་གིས་ཀྱང་ང་ལ་ལུང་བསྟན་པར་མ་གྱུར་ཏོ། །རིགས་ཀྱི་བུ་ང་སྔོན་བསྐལ་
D264.067.0239b03.01པ་དེ་སྙེད་དུ་སངས་རྒྱས་དེ་སྙེད་ལ་མཆོད་པ་དེ་སྙེད་ཅིག་ཕུལ་བ་དང་། བསྙེན་བཀུར་དང་བསྟོད་པ་བྱས་ནས་ཉོན་མོངས་པ་རྣམ་པར་སྤངས་ཏེ། ཉན་ཐོས་ཀྱི་སྡོམ་པ་དང་། ཚུལ་ཕུན་སུམ་ཚོགས་པ་ཚངས་པར་སྤྱད་ཅིང་སྦྱིན་པ་བྱིན་པ་དང་། ཚུལ་ཁྲིམས་བསླབ་པ་དང་ང་རྒྱལ་དང་། ཞེ་སྡང་དང་། གཏི་
D264.067.0239b04.01མུག་སྤངས་ཏེ། སྦྱངས་པའི་ཡོན་ཏན་སྤྱད་པ་དང་། བཟོད་པ་དང་། བྱམས་པའི་སེམས་དང་། ཇི་ལྟར་ཐོས་པ་བཞིན་བརྩོན་འགྲུས་སུ་བཤད་པ་དང་། ཐོས་སོ་ཅོག་ཐམས་ཅད་མི་བརྗེད་པ་དང་། འདུ་འཛི་སྤངས་ཏེ་དབེན་པ་ལ་གནས་པ་དང་། བསམ་གཏན་དང་ཏིང་ངེ་འཛིན་ལ་འཇུག་པ་དང་།
D264.067.0239b05.01བསམ་གཏན་ལས་བྱུང་ནས་ཆོས་ཉན་པ་དང་། ཀློག་པ་དང་། ཁ་ཏོན་དུ་འདོན་པ་དང་། བསམ་པ་ལ་སོགས་པ་བྱས་ཀྱང་རྒྱལ་བ་དེ་དག་གིས་ང་ལ་ལུང་མ་བསྟན་སྟེ། དེ་ཅིའི་ཕྱིར་ཞེ་ན། སྡོམ་པ་མནོས་སོ་ཅོག་འཇིག་པ་དང་། ཉམས་པ་མང་དུ་བྱུང་བའི་ཕྱིར་རོ། །ཉན་ཐོས་དང་། རང་སངས་རྒྱས་
D264.067.0239b06.01ཀྱི་ཐེག་པ་ལ་ཆགས་པའི་ཕྱིར་རོ། །ཐེག་པ་ཆེན་པོའི་མདོ་སྡེ་ཐར་པ་ཆེན་པོ་ཕྱོགས་སུ་རྒྱས་པ་འདི་མ་ཐོས་པའི་ཕྱིར་རོ། །དེ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་ཉན་ཐོས་དང་། རང་སངས་རྒྱས་ཀྱི་སྤྱོད་ལམ་སྤང་བར་བྱ། ཐེག་པ་ཆེན་པོའི་མདོ་སྡེ་ཐར་པ་ཆེན་པོ་ཕྱོགས་སུ་
D264.067.0239b07.01