完整藏文原文 · 德格版页 当前仅加载第 67 函德格 262a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ལ་ཞིག་གིས་རྒྱལ་བའི་མཚན། །ཐོས་ནས་དད་པའི་སེམས་བསྐྱེད་དེ། །སྐད་ཅིག་དུས་སུ་ཕྱག་བྱས་ན། །དེ་ཡི་བསོད་ནམས་དེ་བས་འདའ། །ཡི་གེར་བྲིས་ཤིང་ཀློག་འཆང་བ། །དད་པས་ཕྱག་འཚལ་སྨོས་ཅི་དགོས། །དེ་ཡི་བསོད་ནམས་དཔག་ཏུ་མེད། །
D264.067.0262a01.01གང་གིས་ཡི་གེར་བྲི་བ་དང་། །ཀློག་པ་དང་ནི་འདོན་པ་དང་། །དུས་སུ་ཕྱག་འཚལ་སེམས་བསྐྱེད་ན། །མཆོད་རྟེན་སྟོང་ཁམས་ཆུབ་པ་རུ། །བརྩིགས་པའི་བསོད་ནམས་པས་ནི་ཆེ། །དེ་ནས་འོད་སྲུང་ཆེན་པོ་དང་། །ཤཱ་རིའི་བུ་དང་ཀུན་དགའ་བོ། །འཇིག་རྟེན་བསྲུང་
D264.067.0262a02.01བ་མཐུ་བོ་ཆེ། །ཚངས་ལྷ་རྣམས་དང་ལྷ་དབང་པོ། །འཁོར་ལོས་སྒྱུར་དང་རྒྱལ་ཆེན་བཞིས། །བཅོམ་ལྡན་ཞབས་ལ་མགོས་བཏུད་ནས། །ཚིག་འཐུན་པར་ནི་འདི་སྐད་གསོལ། །བཅོམ་ལྡན་མྱ་ངན་འདས་སླད་ན། །བདག་ཅག་རྣམས་ཀྱིས་སེམས་ཅན་ལ། ཁྱབ་པར་
D264.067.0262a03.01སྤེལ་ཞིང་བསྟན་པར་བགྱི། །ལུས་སེམས་རྟག་ཏུ་བདེ་བའི་ཕྱིར། །ཕྱག་འཚལ་རྣམས་ལ་བསྲུང་བར་བགྱི། །གང་ཞིག་སྡོམ་པ་ཞིག་པ་དང་། །མཚམས་མེད་ལྔ་ཡི་སྡིག་པ་དང་། །མཉམ་པ་ཉིད་ལ་སྐུར་པ་རྣམས། །སངས་རྒྱས་དེ་དག་མཚན་ཐོས་
D264.067.0262a04.01པས། །རྣམ་དག་ས་རུ་བདེ་བར་གནས། །དཔེར་ན་རྒྱལ་བུ་དགེ་མཐོང་བཞིན། །ད་དུང་མ་འོངས་ཕྱི་དུས་ལ། །སངས་རྒྱས་རང་བཞིན་མཐོང་བར་འགྱུར། །དེ་ནས་བཅོམ་ལྡན་འདས་ཤཱཀྱ་ཐུབ་པས་ཚོགས་ཆེན་པོ་རྣམས་ལ་འདི་སྐད་ཅེས་བཀའ་སྩལ་ཏོ། །ཁྱེད་རྣམས་ལེགས་
D264.067.0262a05.01པར་ཉོན་ཅིག །ཁྱེད་རྣམས་ལ་སྔོན་བྱུང་བའི་ལས་ཀྱི་རྒྱུ་རྐྱེན་བཤད་པར་བྱའོ། །ང་སྔོན་བསྐལ་པ་དཔག་ཏུ་མེད་པ་འདས་པའི་སྔོན་རོལ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཛེས་པའི་འོད་ཅེས་བྱ་བ་ལས་ཕྱོགས་བཅུ་དུས་གསུམ་གྱི་སངས་
D264.067.0262a06.01རྒྱས་ཀྱི་མཚན་ཐོས་ནས་ཤིན་ཏུ་དགའ་བའི་སེམས་སྐྱེས་ཏེ། ཐལ་མོ་སྦྱར་ཅིང་སྤྱི་བོས་བླངས་སོ། །བླངས་ནས་ཀྱང་སེམས་ཅན་གང་ནས་གང་དུ་གནས་པ་དེ་དང་དེར་དཔག་ཏུ་མེད་པ་མཐའ་ཡས་པའི་སེམས་ཅན་རྣམས་ལ་རྒྱ་ཆེར་སྤེལ་ཞིང་བསྟན་ཏེ་སངས་རྒྱས་ཀྱི་མཚན་ཐོས་པར་
D264.067.0262a07.01