完整藏文原文 · 德格版页 当前仅加载第 67 函德格 233a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་འདྲེན་བྱ་སྟེ། །བརྩོན་འགྲུས་བརྟན་པའི་སེམས་བསྐྱེད་ན། །བླ་མེད་བྱང་ཆུབ་མྱུར་དུ་ཐོབ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་རྣམས་ཀྱིས་དེང་འདིར་བྱང་
D264.067.0233a01.01ཆུབ་སེམས་དཔའ་བྱང་ཆུབ་ཀྱི་རྒྱུ་དང་རྐྱེན་ཞིག་ཞུ་ཞིང་མཆིས་ན། དེ་བཞིན་གཤེགས་པས་སྐབས་དབྱེ་བར་གནང་ན་སྤོབས་པ་བསྐྱེད་དེ་ཞུ་བར་བགྱིའོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ལེགས་སོ། །རིགས་ཀྱི་བུ་ཁྱོད་སྔོན་སངས་རྒྱས་བརྒྱ་སྟོང་དུ་མ་ལ་དགེ་བའི་རྩ་བ་
D264.067.0233a02.01རྣམས་བསྐྱེད་པ། བྱང་ཆུབ་སེམས་དཔའི་ཐབས་སྤྱད་པ་ལ་མཁས་པ། བྱང་ཆུབ་སེམས་དཔའ་ཐམས་ཅད་ཀྱི་ཕྱིར་བྱང་ཆུབ་སྤྱོད་པའི་བརྩོན་འགྲུས་བརྟན་པ་འདྲི་བ་ལེགས་ཀྱིས་འདོད་པ་བཞིན་དྲིས་ཤིག །ངས་ཁྱོད་ལ་བྱེ་ཕྲག་ཕྱེད་པར་བཤད་དོ། །བཅོམ་ལྡན་འདས་ཀྱིས་སྐབས་དབྱེ་
D264.067.0233a03.01བར་གནང་ནས་བཅོམ་ལྡན་འདས་ལ་ནམ་མཁའི་སྙིང་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔས་ཅི་བགྱིས་ན་བརྟུལ་ཞུགས་དང་དཀའ་ཐུབ་ཀྱི་སེམས་ལ་གདུང་བ་མ་མཆིས་པར་འགྱུར། བྱང་ཆུབ་སེམས་དཔས་ཅི་བགྱིས་ན་ངེས་པའི་ཚིག་ལ་འགྱོད་པ་མ་
D264.067.0233a04.01མཆིས་པར་འགྱུར། བྱང་ཆུབ་སེམས་དཔས་ཅི་བགྱིས་ན་དགེ་བའི་རྩ་བ་འཕེལ་བར་འགྱུར། བྱང་ཆུབ་སེམས་དཔས་ཅི་བགྱིས་ན་འཇིགས་པ་མ་མཆིས་ཤིང་ཚུལ་མི་གཡོ་བར་འགྱུར། བྱང་ཆུབ་སེམས་དཔས་ཅི་བགྱིས་ན་དམ་པའི་ཆོས་ཡོངས་སུ་འགྲུབ་པར་འགྱུར། བྱང་ཆུབ་སེམས་
D264.067.0233a05.01དཔས་ཅི་བགྱིས་ན་ས་གཅིག་ནས་ས་བཅུའི་བར་དུ་ལེགས་པར་འཚལ་བར་འགྱུར། བྱང་ཆུབ་སེམས་དཔས་ཅི་བགྱིས་ན། ཐབས་ལ་ཤིན་ཏུ་མཁས་པར་འགྱུར། བྱང་ཆུབ་སེམས་དཔས་ཅི་བགྱིས་ན་སེམས་ཅན་གྱི་སྟོན་པ་བགྱིད་པར་འགྱུར། བྱང་ཆུབ་སེམས་དཔས་ཅི་བགྱིས་ན་ཚེ་ཚེ་རབས་རབས་སུ་
D264.067.0233a06.01བྱང་ཆུབ་ཀྱི་སེམས་ཆུད་མི་གཟོན་པར་འགྱུར། བྱང་ཆུབ་སེམས་དཔས་ཅི་བགྱིས་ན་སེམས་སྤྱོད་པ་རྣམས་གཅིག་ལས་རྣམ་པ་སྣ་ཚོགས་སུ་སྤྱོད་པ་མ་མཆིས་པར་འགྱུར། བྱང་ཆུབ་སེམས་དཔས་ཅི་བགྱིས་ན་ཆོས་རིན་པོ་ཆེས་ལེགས་པར་སྒྲུབ་པར་འགྱུར། བྱང་ཆུབ་སེམས་དཔས་ཅི་བགྱིས་ན་ཚུལ་ཁྲིམས་
D264.067.0233a07.01