完整藏文原文 · 德格版页 当前仅加载第 67 函德格 263b 版页；藏文 NFD、目录标记与异常页序保留在来源切片中，重复版页行以稳定序号区分。
ལྷ་དང་མི་གང་ནས་གང་དུ་གནས་པ་དེ་དང་དེར་རྒྱ་ཆེར་སྤེལ་བར་བགྱིའོ། །རྒྱུན་མི་འཆད་ཅིང་ཡུན་དུ་གནས་པར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། ལེགས་སོ་ལེགས་སོ། །ཁྱོད་ནི་སྐྱེས་བུ་དམ་པ་ཡིན་ཏེ། སྡེ་སྣོད་ཆེན་པོ་དཔག་ཏུ་མེད་པ་ཐམས་
D264.067.0263b01.01ཅད་གཟུངས་སུ་འཛིན་པ་ལགས་ཏེ། ཁྱོད་མ་འོངས་པའི་དུས་ན་ང་འགྲོ་བའི་གནས་སུ་ཁྱོད་འགྲོ་ཤིག །ང་འདུག་པའི་གནས་སུ་ཁྱོད་འདུག་ཤིག །བཅོམ་ལྡན་འདས་ཀྱིས་ཆོས་ཀྱི་རྣམ་གྲངས་འདི་བསྟན་པའི་ཚེ། བྱང་ཆུབ་སེམས་དཔའ་དཔག་ཏུ་མེད་པ་ཞིག་ཕྱིར་མི་ལྡོག་པ་དང་མི་
D264.067.0263b02.01འགྱུར་བའི་སར་གནས་སོ། །ཉན་ཐོས་བརྒྱད་ཁྲི་ཞིག་ཐེག་པ་ཆེན་པོའི་སེམས་བསྐྱེད་དོ། །དགེ་སློང་སྟོང་ཕྲག་བཅུ་ཞིག་དགྲ་བཅོམ་པའི་འབྲས་བུ་ཐོབ་བོ། །ལྷ་དང་མི་བརྒྱད་ཁྲི་བཞི་སྟོང་ཞིག་ཆོས་ཀྱི་མིག་རྣམ་པར་དག་པ་ཐོབ་བོ། །སེམས་ཅན་སྟོང་ཕྲག་བརྒྱ་ཞིག་ནི་བླ་ན་མེད་
D264.067.0263b03.01པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །དེ་ནས་བཅོམ་ལྡན་འདས་ཀྱིས་མདོ་སྡེ་འདི་བཤད་ཟིན་ནས། ཤིང་སཱ་ལ་ག་ལ་བ་དེ་ལོགས་སུ་གཤེགས་སོ། །གཤེགས་ནས་གསེར་གྱི་མེ་ཏོག་རིན་པོ་ཆེའི་རྫིང་བུ་དང་བཅས་པ་ཡང་མི་སྣང་བར་
D264.067.0263b04.01གྱུར་ཏེ། དེ་བཞིན་གཤེགས་པའི་འོད་ཀྱང་བསྡུས་ནས། མི་མཇེད་ཀྱི་འཇིག་རྟེན་གྱི་ཁམས་མཐོ་དམན་དང་། གཙང་སྨེ་ཡང་སྔོན་བཞིན་ནོ། །མི་རྣམས་ཉེས་བྱས་པའི་ཕྱིར་དམྱལ་བ་ཡང་སྔོན་བཞིན་ནོ། །བཅོམ་ལྡན་འདས་ཀྱིས་
D264.067.0263b05.01དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའི་ཚོགས་ཐམས་ཅད་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་
D264.067.0263b06.01པར་བསྟོད་དོ།། །།འཕགས་པ་ཐར་པ་ཆེན་པོ་ཕྱོགས་སུ་རྒྱས་པ་འགྱོད་ཚངས་ཀྱི་སྡིག་སྦྱང་བ་སྟེ། སངས་རྒྱས་ཡོངས་སུ་གྲུབ་པ་བཀོད་པ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།། །།རྒྱ་ནག་གི་འགྱུར་ཤློ་ཀ་བདུན་བརྒྱ་རྩ་བཅུ་གཉིས་ཏེ་བམ་པོ་
D264.067.0263b07.01