完整藏文原文 · 德格版页 当前仅加载第 67 函德格 236a 版页；藏文 NFD、目录标记与异常页序保留在来源切片中，重复版页行以稳定序号区分。
སྒྲོལ་བ། ས་བོན་དམ་པའི་རྒྱུ་སྐམས་པ་རླན་པར་བྱེད་པ། རྒྱུ་རྐྱེན་ཆེན་པོ་ཕ་རོལ་ཏུ་ཕྱིན་པ་དྲུག་གི་ཆོས་ཀྱི་ཆར་འབེབས་པ། སེམས་ཅན་ཐེག་པ་གསུམ་གྱི་མྱུ་གུ་དང་མེ་ཏོག་རྒྱས་ཤིང་འཕེལ་བར་བྱེད་པ། བྱང་ཆུབ་ཀྱི་འབྲས་བུ་མཆོག་ཐེག་པ་གཅིག་ཏུ་འགྲུབ་པར་བྱེད་པ་ཞེས་
D264.067.0236a01.01བྱ་བར་ཟུང་ཤིག །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་ནམ་མཁའི་སྙིང་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་སྔོན་འདས་པའི་སངས་རྒྱས་གྲངས་མ་མཆིས་པའི་སྤྱན་སྔ་དང་། འདུས་པ་གྲངས་མ་མཆིས་པ་དང་། ཚོགས་དཔག་ཏུ་མ་མཆིས་པའི་ནང་
D264.067.0236a02.01དུ་ཆོས་རྣམ་པ་སྣ་ཚོགས་དང་། དོན་རྣམ་པ་སྣ་ཚོགས་དང་། མཚན་མ་རྣམ་པ་སྣ་ཚོགས་དང་། ཐེག་པ་རྣམ་པ་སྣ་ཚོགས་ཀྱང་ཐོས་ན་ངོ་མཚར་རྨད་དུ་བྱུང་བའི་ཆོས་དེ་ལྟ་བུ་དང་། ངོ་མཚར་རྨད་དུ་བྱུང་བའི་དོན་དེ་ལྟ་བུ་དང་། ངོ་མཚར་རྨད་དུ་བྱུང་བའི་མཚན་མ་དེ་ལྟ་བུ་དང་། ངོ་མཚར་རྨད་
D264.067.0236a03.01དུ་བྱུང་བའི་ཐེག་པ་ཆེན་པོ་དེ་ལྟ་བུ་ནི་ཐོས་མ་མྱོང་སྟེ། དེང་ཐོས་པ་འདི་ད་བདག་གིས་རྒྱུན་མི་འཆད་པར་བགྱིའོ། །བཅོམ་ལྡན་འདས་དེ་བཞིན་གཤེགས་པ་ནི་རྟག་ལ་ཆོས་དང་དགེ་འདུན་ནི་འགག་པར་མི་འགྱུར་ཏེ། ཁམས་གསུམ་གྱི་སེམས་ཅན་རང་སྐྱེ་ཞིང་རང་འགག་པར་གྱུར་
D264.067.0236a04.01ནས་དེ་བཞིན་གཤེགས་པ་མ་མཐོང་བ་དང་། ཆོས་དང་དགེ་འདུན་མ་མཐོང་བས་མྱ་ངན་ལས་འདས་ཏེ་འགག་པར་འགྱུར་རོ་ཞེས་བརྗོད་དོ། །བདག་ཅག་དེ་བཞིན་གཤེགས་པའི་བྱིན་གྱི་རླབས་ཀྱིས་ཁམས་གསུམ་དུ་བགྲོད་ཅིང་སོ་སོའི་སྐྱེ་བོའི་རྗེས་སུ་སྙེགས་ཏེ། མྱ་ངན་ལས་འདའོ་
D264.067.0236a05.01ཞེས་{བླ་དགས་,བླ་དྭགས་}སུ་བརྗོད་པ་ལགས་སོ། །བཅོམ་ལྡན་འདས་དེ་བཞིན་གཤེགས་པ་མྱ་ངན་ལས་འདས་པའི་སླད་ན། བདག་ཅག་རྣམས་ཀྱིས་ཐེག་པ་བརྒྱད་ཁྲིས་སངས་རྒྱས་ཀྱི་ཡེ་ཤེས་སུ་ཆུད་པར་སྐྱེས་བུ་ཆེན་པོའི་ཆོས་ཀྱི་སྐུ་ཐོབ་པར་བགྱིའོ། །ཆོས་ཀྱི་ཁམས་སུ་གཏོགས་པའི་སེམས་
D264.067.0236a06.01ཅན་རྣམས་ལ་མདོ་སྡེ་འདི་སྤེལ་བར་བགྱིའོ། །གཟུང་ཞིང་འཆང་བ་དང་། ཀློག་པ་དང་། ཁ་ཏོན་དུ་འདོན་པར་བགྱིའོ། །ཇི་ལྟར་བཤད་པ་བཞིན་བསྒོམ་སྟེ། དུས་གཅིག་ཏུ་སངས་རྒྱས་སུ་འགྲུབ་པར་བགྱིའོ། །མི་གཏོང་བར་བགྱིའོ། །བཅོམ་ལྡན་འདས་རིགས་ཀྱི་བུ་
D264.067.0236a07.01