完整藏文原文 · 德格版页 当前仅加载第 67 函德格 252a 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་སེམས་དཔའ་རྣམས་ནི་དགེ་བའི་བཤེས་གཉེན་ལགས་ན་བདག་ཅག་བསྐལ་པ་དཔག་ཏུ་མ་མཆིས་པ་ཚུན་ཆད་ཀྱི་ཉོན་མོངས་པའི་སྒྲིབ་པ་དང་། ལས་ཀྱི་སྒྲིབ་པ་དང་། ཤེས་བྱའི་སྒྲིབ་པ་དང་། ཕམ་པ་བཞི་དང་། མཚམས་མ་མཆིས་པ་དང་། མི་དགེ་བ་བཅུ་ལ་སོགས་པའི་
D264.067.0252a01.01སྡིག་ལྕི་བ་རྣམས་མཐོལ་ཞིང་བཤགས་པར་འཚལ་ན་གནང་བའི་སྐབས་དབྱེ་བར་གསོལ། ཡང་འདི་ལྟ་སྟེ། བཅོམ་ལྡན་འདས་དེང་བདག་ཅག་གིས་སེམས་ཅན་རྣམས་དང་། བདག་ཅག་རང་རང་གི་སླད་དུ་ཕྱོགས་བཅུའི་རྒྱལ་བའི་སྤྱན་སྔར་ད་མཐོལ་ཞིང་བཤགས་པར་འཚལ་ལོ། །སེམས་
D264.067.0252a02.01ཅན་ཐམས་ཅད་ཀྱིས་བསྐལ་པ་དཔག་ཏུ་མ་མཆིས་པ་ཚུན་ཆད་དེ་བཞིན་གཤེགས་པ་རྣམས་དང་། ཕ་མའི་དྲིན་གློ་བར་མ་ཆུད་པ་དང་། རྣམ་པར་བྱང་བའི་ཆོས་མ་འཚལ་ཏེ། མི་དགེ་བ་སྣ་ཚོགས་བགྱིས་པ་དང་། རང་གི་རིགས་སྙེམས་ཏེ། དྲེགས་ཤིང་རྒྱགས་པའི་ཚེ་ཀུན་ནས་ཉོན་མོངས་པའི་
D264.067.0252a03.01ལས་ཉམ་བག་ཏུ་བགྱིས་ཀྱང་ནོངས་པར་མ་མཐོང་བས་སྐྱེ་བོ་བླུན་པོའི་ལས་བགྱིས་པ་དང་། སྡིག་པའི་བཤེས་གཉེན་ལ་བསྟེན་ཅིང་ཉོན་མོངས་པས་སེམས་འཁྲུགས་པ་དང་། འདོད་པ་ལྔའི་ཡོན་ཏན་ལ་ཆོག་མ་འཚལ་ཏེ། མི་དགེ་བའི་ལས་རྣམས་བགྱིས་པ་དང་། འགྲོ་བ་བཟང་མོས་བསླུས་ཏེ་འདོད་
D264.067.0252a04.01ཆགས་དང་། ཞེ་སྡང་དང་། གཏི་མུག་གི་ཉོན་མོངས་པས་གཟིར་ཅིང་སེམས་འཁྲུགས་ཏེ། སྤྲོས་པ་དང་། ལུས་དང་། ངག་དང་། ཡིད་གསུམ་གྱི་སྒོ་ནས་བསྩགས་པའི་ལས་མི་དགེ་བ་བདག་རང་གིས་བགྱིས་པ་དང་། གཞན་བགྱིད་དུ་སྩལ་པ་དང་། བགྱིད་པ་ལ་རྗེས་སུ་ཡི་
D264.067.0252a05.01རང་བ་དེ་དག་ཐམས་ཅད་དེང་སོ་སོར་འཆགས་སོ། །མཐོལ་ལོ། །མི་འཆབ་བོ། །སངས་རྒྱས་དང་། ཆོས་དང་། འཕགས་པའི་དགེ་འདུན་ལ་བསྙེན་བཀུར་མ་བགྱིས་པའི་སྡིག་པ་ཡང་དེང་སོ་སོར་ཤགས་སོ་མཐོལ་ལོ། །མི་འཆབ་བོ། །བྱང་ཆུབ་སེམས་དཔའ་དང་། རང་སངས་
D264.067.0252a06.01རྒྱས་ལ་ཡང་བསྙེན་བཀུར་མ་བགྱིས་པའི་སྡིག་པ་ཡང་དེང་སོ་སོར་འཆགས་སོ། །མཐོལ་ལོ་མི་འཆབ་བོ། །མ་རིག་པའི་དབང་གིས་དམ་པའི་ཆོས་ལ་སྐུར་པ་བཏབ་པ་དང་། ཕ་མ་དང་། མཁན་པོ་དང་། སློབ་དཔོན་གྱི་དྲིན་གློ་བར་མ་ཆུད་པའི་སླད་དུ་བསྙེན་བཀུར་མ་བགྱིས་པའི་སྡིག་པ་དེ་དག་
D264.067.0252a07.01