完整藏文原文 · 德格版页 当前仅加载第 67 函德格 245b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། སྐུ་སྤྲུལ་ཅིང་འབྱུང་བ་དང་། སྐུ་ནམ་མཁའ་ལྟ་བུ་དང་ལྔ་སྟེ། དེ་ལ་སྐུ་ཡང་དག་པའི་ངོ་བོ་ཉིད་ཅེས་བགྱི་བ་ནི་ཡང་དག་པའི་འབྲས་བུའི་མཆོག་མཚན་མ་ཐམས་ཅད་ལས་འདས་པ་རང་གི་དབྱིངས་ལ་ཡུན་དུ་གནས་པས་ན་སྐུ་ཡང་དག་པའི་ངོ་བོ་ཉིད་ཅེས་བགྱིའོ། །སྐུ་ཡོན་ཏན་ཅན་ཞེས་བགྱི་བ་ནི་སེམས་ཅན་
D264.067.0245b01.01མྱ་ངན་ལས་བཟླ་བའི་སླད་དུ་སྤྱོད་པ་རྣམ་པ་སྣ་ཚོགས་མཛད་ཅིང་དགེ་བ་ཐམས་ཅད་ཕུན་སུམ་ཚོགས་པར་མཛད་པས་ན་སྐུ་ཡོན་ཏན་ཅན་ཞེས་བགྱིའོ། །སྐུ་ཆོས་ཀྱི་ངོ་བོ་ཉིད་ལས་སྐྱེས་ཞེས་བགྱི་བ་ནི་ཆོས་ཀྱི་མཚན་ཉིད་ཐམས་ཅད་ཐུགས་སུ་ཆུད་དེ་མི་མཁྱེན་པ་མི་མངའ། སྤྱོད་ཡུལ་དེ་ལ་ཡང་དག་པར་
D264.067.0245b02.01མཁྱེན་པའི་སྟོང་པ་ཉིད་ལས་སྐྱེས་ཏེ། ཡང་དག་པར་རྫོགས་པས་ན་སྐུ་ཆོས་ཀྱི་ངོ་བོ་ཉིད་ལས་སྐྱེས་ཞེས་བགྱིའོ། །སྐུ་སྤྲུལ་ཅིང་འབྱུང་བ་ཞེས་བགྱི་བ་ནི་དེ་བཞིན་གཤེགས་པ་འཇིག་རྟེན་དུ་འབྱུང་ཡང་ལམ་རྒྱུད་ལྔར་དགེ་སྡིག་ཀུན་ལ་མངོན་པར་བསྟན་ཅིང་སྐྱབས་སུ་མི་མཛད་པ་མ་མཆིས་ཏེ།
D264.067.0245b03.01སྤྲུལ་པའི་རྫས་ལས་མཚན་དུ་འགྱུར་བས་ན་སྐུ་སྤྲུལ་ཅིང་འབྱུང་བ་ཞེས་བགྱིའོ། །སྐུ་ནམ་མཁའ་ལྟ་བུ་ཞེས་བགྱི་བ་ནི་ནམ་མཁའ་མཐའ་ཡས་པས་ན་ཆོས་ཀྱི་སྐུ་ཡང་མཐའ་ཡས་སོ། །ནམ་མཁའ་ལ་དཔག་པ་དང་གཞལ་དུ་མ་མཆིས་པས་ན་ཆོས་ཀྱི་སྐུ་ཡང་དཔག་ཅིང་གཞལ་དུ་མ་མཆིས་ཏེ།
D264.067.0245b04.01དེ་བཞིན་གཤེགས་པའི་སྐུ་ཡང་ནམ་མཁའ་ཆེན་པོ་དང་འདྲ་བ་སེམས་ཅན་ཡོངས་སུ་མྱ་ངན་ལས་འདའ་བའི་སླད་དུ་སྐུ་རྣམ་པ་ལྔར་སྟོན་པས་ན་དེ་བཞིན་གཤེགས་པ་ལ་སྐྱེ་བ་མི་མངའ། འགག་པ་མི་མངའ་བར་མངོན་ནོ། ཆོས་ཐམས་ཅད་ཀྱང་དེ་བཞིན་ཏེ་སེམས་ཅན་ཡོངས་སུ་མྱ་ངན་ལས་བཟླ་
D264.067.0245b05.01བའི་སླད་དུ་སངས་རྒྱས་མངོན་དུ་སྤྲུལ་ཅིང་ཆོས་རྣམ་པར་སྤེལ་བ་ལགས་སོ་ཞེས་གསོལ་པ་དང་། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ནམ་མཁའི་སྙིང་པོ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་ཁྱོད་ནི་དེ་བཞིན་གཤེགས་པ་དང་འདྲ་བར་ཆོས་ཀྱི་མཚན་ཉིད་ལ་མཁས་
D264.067.0245b06.01པས་སྤྱོད་ཡུལ་ཐམས་ཅད་ལ་བར་དུ་ཆོད་པའམ་ཐོགས་པ་མེད་དེ། རིགས་ཀྱི་བུ་ཁྱོད་མ་འོངས་པའི་དུས་ན་བསྐལ་པ་སྟོང་རྣམ་པར་དག་པ་ཞེས་བྱ་བ་དང་། འཇིག་རྟེན་ལོངས་སྤྱོད་ཅན་ཞེས་བྱ་བ་དེར་བྱང་ཆུབ་སེམས་དཔའ་སེམས་དཔའ་ཆེན་པོ་ཤ་དག་ཐེག་པ་ཆེན་པོ་འབའ་ཞིག་སྤྱོད་དེ། ཉན་
D264.067.0245b07.01