完整藏文原文 · 德格版页 当前仅加载第 67 函德格 254b 版页；藏文 NFD、目录标记与异常页序保留在来源切片中，重复版页行以稳定序号区分。
བའི་མཚན། །བདེ་བར་གཤེགས་ཞེས་བགྱི་བ་ལགས། །འཇིག་རྟེན་གང་ནས་མཆིས་པ་དང་། །འཇིག་རྟེན་བས་པའི་མཐའ་ཡང་མཁྱེན། །དེ་ཡི་སླད་དུ་རྒྱལ་བའི་མཚན། །འཇིག་རྟེན་མཁྱེན་ཞེས་བགྱི་བ་ལགས། །ཐུགས་རྗེ་ཆེན་པོས་སེམས་ཅན་བསྒྲལ། །མཉེན་དེས་དགེ་བ་
D264.067.0254b01.01བསྟན་ཅིང་བཏུལ། །དེ་ཡི་སླད་དུ་རྒྱལ་བའི་མཚན། །སྐྱེས་བུ་འདུལ་བའི་ཁ་ལོ་སྒྱུར། །ཚུལ་ཁྲིམས་ཏིང་འཛིན་ཤེས་རབ་སྤྱན། །ཐུབ་ཅིང་བླ་རུ་འདའ་བ་མེད། །དེ་ཡི་སླད་དུ་རྒྱལ་བའི་མཚན། །བླ་ན་མེད་ཅེས་བགྱི་བ་ལགས། །ཉོན་མོངས་མི་མངའ་ཤེས་རབ་ལྡན། །རྣམ་གྲོལ་དམ་
D264.067.0254b02.01པ་མཆོག་བཤད་པས། །དེ་ཡི་སླད་དུ་རྒྱལ་བའི་མཚན། །ལྷ་དང་མི་ཡི་སྟོན་ཞེས་བགྱི། །དུས་གསུམ་གཡོ་འམ་མི་གཡོ་བ། །བས་སམ་མ་བས་ཆོས་ཀུན་ཡང་། །བྱང་ཆུབ་ཤིང་དྲུང་ཀུན་མཁྱེན་པས། །དེ་ཡི་སླད་དུ་མཚན་སངས་རྒྱས། །དེ་ནས་ཕྱོགས་བཅུའི་སངས་རྒྱས་རྣམས་
D264.067.0254b03.01རྫུ་འཕྲུལ་ཆེན་པོའི་ཏིང་ངེ་འཛིན་དུ་ཞུགས་ནས་སྐུ་ནམ་མཁའ་ལ་འཕགས་ཏེ་ཞལ་སོ་སོ་ནས་ཚིག་འཐུན་པར་འདི་སྐད་ཅེས་བཀའ་སྩལ་ཏོ། །ཀྱེ་རྒྱལ་བུ་དགེ་མཐོང་དང་མི་སུམ་སྟོང་པོ་ཁྱེད་རྣམས་ཀྱི་སྡིག་གི་རང་བཞིན་ནི་ནང་ན་ཡང་མི་གནས། ཕྱི་རོལ་ན་ཡང་མི་གནས། བར་ན་ཡང་མི་གནས་
D264.067.0254b04.01སོ། །སེམས་བརྟན་པའི་ཕྱིར་དགེ་བའི་མཐུ་ཡང་བརྟན་ནོ། །སེམས་རྣམ་པར་གྲོལ་བའི་ཕྱིར་སྡིག་གི་རང་བཞིན་ཡང་རྣམ་པར་གྲོལ་ལོ། །ཤེས་རབ་སྟོང་པ་ཉིད་ཀྱི་ཕྱིར་སྡིག་གི་རང་བཞིན་ཡང་སྟོང་པ་ཉིད་དོ། །དད་པའི་མཐུ་ཆེ་བའི་ཕྱིར་བསོད་ནམས་ཀྱི་མཐུ་ཡང་ཆེའོ། །དེ་བཞིན་དུ་མཐོལ་
D264.067.0254b05.01བཤགས་ཏེ་འགྱོད་ཚངས་ནུས་པ་ནི་ངེད་རྣམས་མཐོང་བའི་སྟེང་དུ་སངས་རྒྱས་རིན་ཆེན་མང་དང་། སྤྲུལ་པའི་སྐུ་ཐམས་ཅད་ཀྱང་མཐོང་བར་འགྱུར་རོ། །འགྱོད་ཚངས་ཀྱིས་སྡིག་སྦྱངས་པས་རྒྱུན་དུ་ང་ཡང་མཐོང་ལ། དེང་བྱང་ཆུབ་སེམས་དཔའ་རྣམས་ལ་བསྟན་བཅོས་པ་དང་འདྲ་བར་དེ་བཞིན་
D264.067.0254b06.01དུ་འགྱོད་ཚངས་བྱས་པ་ནི་ང་དང་སྤྲུལ་པའི་སྐུ་རྣམས་དང་། འདས་པའི་སངས་རྒྱས་རིན་ཆེན་མང་ལ་སོགས་པ་ཐམས་ཅད་ཀྱང་དགྱེས་པར་འགྱུར་རོ། །ཕྱོགས་བཅུ་དུས་གསུམ་གྱི་སངས་རྒྱས་མཐོང་བ་དང་། མཆོད་པ་བྱས་པར་འགྱུར་རོ། །དེ་དག་ཀྱང་དགྱེས་པར་འགྱུར་ཏེ། ཐེག་པ་ཆེན་
D264.067.0254b07.01