完整藏文原文 · 德格版页 当前仅加载第 67 函德格 234a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་རོ། །བཞི་གང་ཞེ་ན། ངེས་པའི་ཚིག་ཆོས་ལ་བདག་མེད་པར་མངོན་པར་ཆུད་ཅེས་བརྗོད་པ་དང་། ངེས་པའི་ཚིག་སྐྱེ་གནས་སོ་ཅོག་ལ་དད་པའི་འདུ་ཤེས་བསྐྱེད་པ་མི་རིགས་ཞེས་བརྗོད་པ་དང་། ངེས་པའི་ཚིག་གིས་ཐེག་པ་ཆེན་པོ་ལ་རྒྱུན་དུ་བསྔགས་པ་བརྗོད་པ་དང་། ངེས་
D264.067.0234a01.01པའི་ཚིག་གིས་ལས་དགེ་སྡིག་གི་འབྲས་བུ་མི་རླག་ཅེས་བརྗོད་པ་དང་བཞིའོ། །བྱང་ཆུབ་སེམས་དཔའ་ཡང་ཆོས་བཞི་དང་ལྡན་ན་དགེ་བའི་རྩ་བ་རྣམ་པར་འཕེལ་བར་འགྱུར་རོ། །བཞི་གང་ཞེ་ན། ཚུལ་ཁྲིམས་བསྲུང་བ་དང་། མང་དུ་ཐོས་པ་དང་། སྦྱིན་པ་བྱིན་པ་དང་། རབ་ཏུ་བྱུང་བ་དང་བཞི་
D264.067.0234a02.01འོ། །བྱང་ཆུབ་སེམས་དཔའ་ཡང་ཆོས་བཞི་དང་ལྡན་ན་འཇིགས་པ་མེད་ཅིང་ཚུལ་ལས་མི་གཡོ་བར་འགྱུར་རོ། །བཞི་གང་ཞེ་ན། ཁེ་སྟོར་བ་དང་མི་སྙན་པར་གྲགས་པ་དང་། སྨད་ཅིང་སྨ་དབབ་པ་དང་། སྡུག་བསྔལ་གྱིས་ནོན་ཀྱང་མི་གཡོ་བ་དང་བཞིའོ། །བྱང་ཆུབ་སེམས་དཔའ་ཡང་ཆོས་བཞི་
D264.067.0234a03.01དང་ལྡན་ན་ཆོས་དཀར་པོ་ཡོངས་སུ་འགྲུབ་པར་འགྱུར་རོ། །བཞི་གང་ཞེ་ན། ཕ་རོལ་པོ་ལ་ལས་དགེ་སྡིག་ཡིད་ཆེས་པར་སྟོན་པ་དང་། སྦྱིན་པ་ལ་ལན་མི་རེ་བ་དང་། དམ་པའི་ཆོས་བསྲུང་ཞིང་སྐྱོང་བ་དང་། ཤེས་རབ་ཆེན་པོས་བྱང་ཆུབ་སེམས་དཔའ་ཐམས་ཅད་ལ་སྟོན་པར་བྱེད་པ་དང་བཞིའོ། །རིགས་
D264.067.0234a04.01ཀྱི་བུ་བྱང་ཆུབ་སེམས་དཔའ་ཡང་ཆོས་བཞི་དང་ལྡན་ན། ས་གཅིག་ནས་ས་བཅུའི་བར་དུ་ལེགས་པར་ཤེས་པར་འགྱུར་རོ། །ཆོས་བཞི་གང་ཞེ་ན། དགེ་བའི་རྩ་བ་ཡུན་དུ་བསྐྱེད་པ་དང་། ཉེས་སྐྱོན་ཐམས་ཅད་སེལ་བ་དང་། ཐབས་ལ་ཤིན་ཏུ་མཁས་པ་དང་། དགེ་བའི་བརྩོན་འགྲུས་ཅི་སྤྱད་པ་བྱང་
D264.067.0234a05.01ཆུབ་ཏུ་བསྔོ་བ་དང་བཞིའོ། །བྱང་ཆུབ་སེམས་དཔའ་ཡང་ཆོས་བཞི་དང་ལྡན་ན་ཐབས་ལ་ཤིན་ཏུ་མཁས་པར་འགྱུར་རོ། །བཞི་གང་ཞེ་ན། སེམས་ཅན་གྱི་ཡིད་དང་འཐུན་པར་བྱེད་པ་དང་། གཞན་གྱི་བསོད་ནམས་དང་ཡོན་ཏན་ལ་རྗེས་སུ་ཡི་རང་བའི་སེམས་སྐྱེད་པ་དང་། སྡིག་ཡོད་ན་
D264.067.0234a06.01འགྱོད་ཚངས་བྱེད་པ་དང་། དེ་བཞིན་གཤེགས་པ་ཐམས་ཅད་ལ་ཆོས་ཀྱི་འཁོར་ལོ་བསྐོར་བར་གསོལ་བ་འདེབས་པ་དང་བཞིའོ། །བྱང་ཆུབ་སེམས་དཔའ་ཡང་ཆོས་བཞི་དང་ལྡན་ན་སེམས་ཅན་གྱི་སྟོན་པ་བྱེད་པར་འགྱུར་རོ། །བཞི་གང་ཞེ་ན། རྟག་ཏུ་སེམས་ཅན་ལ་ཕན་པ་དང་བདེ་བ་སྒྲུབ་
D264.067.0234a07.01