完整藏文原文 · 德格版页 当前仅加载第 67 函德格 243a 版页；藏文 NFD、目录标记与异常页序保留在来源切片中，重复版页行以稳定序号区分。
པར་བླངས་པ་དང་། བཟུང་བ་མངོན་དུ་སྤེལ་ཞིང་འགྲིབ་པར་མ་བྱས་པས་ཡན་ལག་གི་སྤུ་གྱེན་དུ་འཁྱིལ་པའི་མཚན་དང་ལྡན་པར་འགྱུར་བ་དང་། ཡོན་ཏན་དཔག་ཏུ་མེད་པར་བསྒྲུབས་པས་ཞབས་ལེགས་པར་མཐོ་བའི་མཚན་དང་ལྡན་པར་འགྱུར་བ་དང་། སེམས་ཅན་
D264.067.0243a01.01རྣམས་ཏིང་ངེ་འཛིན་བསྒོམ་པར་བསྐུལ་བས་ཤིང་ནྱ་གྲོ་དྷ་ལྟར་ཆུ་ཞེང་གབ་པའི་མཚན་དང་ལྡན་པར་འགྱུར་བ་སྟེ། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོས་དེ་ལྟར་དཔག་ཏུ་མེད་པའི་ཡོན་ཏན་བསྒྲུབས་ན་མཚན་སུམ་ཅུ་རྩ་གཉིས་དེ་ལྟ་བུ་དག་དང་ལྡན་པར་འགྱུར་རོ་ཞེས་དེ་སྐད་
D264.067.0243a02.01ཅེས་བཀའ་སྩལ་པ་དང་། བྱང་ཆུབ་སེམས་དཔའ་ནམ་མཁའི་སྙིང་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཆོས་ཐམས་ཅད་ལ་བདག་གིས་བརྟགས་ན་གང་ཡང་དངོས་པོ་དང་མཚན་མར་མ་གྲུབ་སྟེ་མ་མཆིས་ལ། དེ་བཞིན་གཤེགས་པ་ལ་བརྟགས་ན་ཡང་དེ་བཞིན་
D264.067.0243a03.01གཤེགས་པའི་སྤྱོད་ལམ་དེ་མ་ལགས་ན་ཅིའི་སླད་དུ་སྤྱོད་ལམ་རྒྱ་ཆེར་བསྒྲུབ་ཅེས་གསུངས། དཀོན་མཆོག་གསུམ་དང་། བདེན་པ་བཞི་དང་། ཕུང་པོ་དང་། སྐྱེ་མཆེད་དང་། ཁམས་དང་། རྟེན་འབྲེལ་བཅུ་གཉིས་དང་། ཕ་རོལ་ཏུ་ཕྱིན་པའི་ཆོས་རྣམས་ལ་བདག་གིས་བརྟགས་ན་ཡང་
D264.067.0243a04.01ཕྱི་ནང་གི་རྒྱུ་འབྲས་ཀུན་སྟོང་པ་ཉིད་དེ། མཚན་མ་མ་མཆིས། སྨོན་པ་མ་མཆིས། སྐྱེ་ཞིང་འབྱུང་བ་ཡང་མ་མཐོང་། འགག་ཅིང་ནུབ་པ་ཡང་མ་མཐོང་། སྒྱུ་མ་དང་འདྲ་བ། སྤྲུལ་པ་དང་འདྲ་བ། འབར་བ་དང་འདྲ་བ། བྲག་ཅ་དང་འདྲ་བ། ཆབ་ཀྱི་ཟླ་བ་དང་འདྲ་བ། རུས་སྦལ་
D264.067.0243a05.01གྱི་སྤུ་དང་འདྲ་བ། རི་བོང་གི་རྭ་དང་འདྲ་བ། ནམ་མཁའི་མེ་ཏོག་དང་འདྲ་བ། མོ་གཤམ་གྱི་བུ་དང་འདྲ་བ། གཟུགས་བརྙན་གྱི་གོས་གྱོན་ཞིང་སྒྱུ་མའི་གླང་པོ་ཆེ་ལ་འཚལ་བ་དང་འདྲ་བ། མཆིས་པ་ཡང་འདྲ་བ། མ་མཆིས་པ་ཡང་འདྲ་བ། དེ་དག་ནི་མཆིས་པ་དང་མ་མཆིས་པ། མཆིས་པ་ཡང་མ་
D264.067.0243a06.01ལགས། མ་མཆིས་པ་ཡང་མ་ལགས། རྟག་པ་མ་ལགས། ཆད་པ་མ་ལགས། སྐྱེ་བ་མ་ལགས། འགག་པ་མ་ལགས། ནང་དུ་མ་ལགས། སླད་རོལ་མ་ལགས། མཐོང་བ་མ་ལགས། ཤེས་པ་མ་ལགས། དཔེར་ན་ནམ་མཁའ་དང་འདྲ་བ་ལ་བཅོམ་ལྡན་འདས་ཅིའི་སླད་དུ་ངས་ནི་
D264.067.0243a07.01