完整藏文原文 · 德格版页 当前仅加载第 67 函德格 257b 版页；藏文 NFD、目录标记与异常页序保留在来源切片中，重复版页行以稳定序号区分。
ཚངས་བགྱིས་པའི་འོག་ཏུ་ཕྱིན་ཆད་ཉེས་པ་མི་བྱེད་ན་དེ་ནི་མཐོལ་ཚངས་ཞེས་བྱའོ། །དེ་ལྟར་དྲན་པར་གྱིས་ཤིག །བདག་ཅག་རྣམས་ད་ལྟར་འཆི་བ་ལས་སླར་འཚོ་བ་དང་འདྲ་བས་ད་ནི་བདག་ཚུལ་ཁྲིམས་བསྲུང་ངོ་། །ད་ནི་བདག་བརྩོན་འགྲུས་སུ་སྤྱོད་དོ། །ད་ནི་བདག་ཐེག་པ་ཆེན་པོའི་མདོ་སྡེ་
D264.067.0257b01.01ཀློག་པ་དང་། ཁ་ཏོན་བགྱིའོ་ཞེས་དེའི་ཚེ་དེའི་དུས་ན་དྲན་པ་དེ་ལྟར་གྱིས་ཤིག །བདག་དེང་ནས་སྡོམ་པ་བཟུང་བ་ནི་རྡོ་རྗེ་དང་འདྲ་བར་སྲན་ཐུབ་པར་སྨོན་ཏོ། །དེས་དེ་ལྟར་དྲན་པའི་ཚེ་སྐྱེས་བུ་དམ་པ་དྲི་མ་མེད་པར་གྲགས་པ་ཡང་བྱང་ཆུབ་སེམས་དཔའ་དཔག་ཏུ་མེད་པ་དང་ལྷན་ཅིག་ཏུ་དེའི་མདུན་དུ་
D264.067.0257b02.01འགྲེང་སྟེ་དབང་དུ་བྱེད་དོ། །འཕགས་པ་ཀུན་ཏུ་བཟང་པོ་ཡང་འགྱོད་ཚངས་ཀྱི་མཁན་པོ་བྱེད་དོ། །འཕགས་པ་འོད་སྲུང་ཡང་ཞུ་གནས་ཀྱི་རྟེན་བྱེད་དོ། །འཇམ་དཔལ་འདི་ནི་སྡིག་པ་སྦྱངས་པ་ཞེས་བྱའོ། །འདི་ནི་རྣམ་པར་གྲོལ་བ་ཞེས་བྱའོ། །འདི་ནི་ཚུལ་ཁྲིམས་དང་ལྡན་པ་ཞེས་བྱའོ། །
D264.067.0257b03.01འདི་ནི་གནས་ཐོབ་པ་ཞེས་བྱའོ། །བཅོམ་ལྡན་འདས་ཀྱིས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་ལ་འདི་སྐད་ཅེས་བཀའ་སྩལ་ཏོ། །གང་ལ་ལ་ཞིག་གིས་རྩ་བ་བཞི་དང་། སྡོམ་པ་བརྒྱད་དང་། སྡོམ་པ་ཕྱེད་ཅན་དང་། ཁྲིམས་བཅུ་དང་། གསུམ་ལ་
D264.067.0257b04.01སྐྱབས་སུ་སོང་བ་དང་། ཁྲིམས་ལྔ་དང་། དགེ་བ་བཅུ་དང་། ཚུལ་ཁྲིམས་དང་འདུལ་བ་རེ་རེ་ནས་ཞིག་པའམ། ཉམས་པའམ། མཚམས་མེད་པ་ལྔ་བྱས་པའམ། མཉམ་པ་ཉིད་ལ་སྐུར་པའི་སྡིག་བྱས་པ་ཞིག་ཡོད་པ་དེ་ལོག་སྤྱོད་མ་གཏོགས་པར་སོ་སོར་མ་བཤགས་མ་མཐོལ་
D264.067.0257b05.01ན་མི་དེ་ཚེ་འཕོས་མ་ཐག་ཏུ་གདོན་མི་ཟ་བར་མནར་མེད་པའི་སེམས་ཅན་དམྱལ་བར་ལྟུང་བར་འགྱུར་རོ། །འཇམ་དཔལ་གྱིས་གསོལ་པ། བཅོམ་ལྡན་འདས་ཅིའི་སླད་དུ་མནར་མ་མཆིས་པའི་དམྱལ་བ་ཞེས་བགྱི། དེ་བཞིན་གཤེགས་པས་སེམས་ཅན་ཐམས་ཅད་ཀྱི་དོན་གྱི་སླད་དུ་དེ་ཅིའི་རྒྱུ་
D264.067.0257b06.01ཅིའི་རྐྱེན་གྱིས་ལྟུང་བ་དང་། དམྱལ་བའི་དབྱིབས་ཆེ་ཆུང་དང་། རྣམ་པར་སྨིན་པའི་སྡུག་བསྔལ་བསྐལ་པའི་གྲངས་ཇི་ཙམ་གྱི་བར་དུ་གནས་པར་འགྱུར་བ་བཤད་དུ་གསོལ་ཞེས་བགྱིས་པ་དང་། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་ཤིན་ཏུའང་མཁས་སོ། །
D264.067.0257b07.01