完整藏文原文 · 德格版页 当前仅加载第 67 函德格 248a 版页；藏文 NFD、目录标记与异常页序保留在来源切片中，重复版页行以稳定序号区分。
བདུད་སྡིག་ཅན་གྱིས་གླགས་ཀྱི་སྐབས་མི་རྙེད་པར་བགྱིའོ། །བཅོམ་ལྡན་འདས་བདག་མདོ་སྡེ་འདི་ལ་རིམ་གྲོ་བགྱིས་ཏེ། ཡུན་རིང་པོར་གནས་པར་བགྱི་བ་ཡང་བྱང་ཆུབ་ཀྱི་སྙིང་པོ་ལ་མཆིས་ཀྱི་བར་དུ་གནས་པར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། རིགས་
D264.067.0248a01.01ཀྱི་བུ་ཁྱོད་མདོ་སྡེ་འདི་ལ་རིམ་གྲོ་བྱ་བ་ནི་དཀོན་མཆོག་གསུམ་ལ་རིམ་གྲོ་བྱ་བ་དང་འདྲའོ། །སྟོན་པ་ལ་ཡང་རིམ་གྲོ་བྱ་བ་དང་འདྲའོ། །དེ་ནས་བྱང་ཆུབ་སེམས་དཔའ་སེང་གེ་སྒྲས་བཅོམ་ལྡན་འདས་ཀྱི་སྤྱན་སྔར་གཟུངས་སྔགས་འདི་སྐད་ཅེས་སྨྲས་སོ། །ན་མོ་བུད་དྷཱ་ཡ། ན་མོ་དྷརྨཱ་ཡ། ན་མཿསང་
D264.067.0248a02.01གྷཱ་ཡ། ཨ་དན་ཏི་དྷཱ་ར་ཎཱི། ཏདྱ་ཐཱ་ཨཱ་ཀཱ་ཤ་ནི་བ་བཱི་ནི། སརྦ་དྷརྨཱ་ནི་བ་ནི། ཨི་ཤ་མ་ད། པི་པ་ཤ་ན། པི་མ་ལ་སུ་པ་རི། དྷརྨ་ནི་ཁ་ན། བ་ར་རུ་ནི་ཙ་ཡ་ཏ་མ་ལེ། ཙ་ལེ། ཧུ་ལུ་ཧུ་ལུ། ཤི་བི་ཏེ། མནྟྲ་མནྟྲ། མནྟྲཿསྭཱ་ཧཱ། སྔགས་འདི་དུས་གཅིག་ལ་ལན་བརྒྱ་རྩ་བརྒྱད་བཟླས་
D264.067.0248a03.01ཤིང་མཆོད་རྟེན་ལ་ལན་བདུན་བསྐོར་བ་བགྱི། དེ་ལྟར་གདུགས་བདུན་གྱི་བར་དུ་མདོ་སྡེ་གཞན་ལ་མི་བསམ་པར་གདུགས་གཅིག་ཀྱང་དུས་གསུམ་དུ་ཕྱོགས་སུ་རྒྱས་པའི་མདོ་སྡེ་འདི་ལ་སེམས་རྩེ་གཅིག་ཏུ་བགྱི་སྟེ་སེམས་གཞན་དུ་མི་གཡེང་བར་བགྱིའོ། །བཅོམ་ལྡན་འདས་གཟུངས་
D264.067.0248a04.01སྔགས་འདི་ནི་སངས་རྒྱས་ཁྲི་ཕྲག་བརྒྱད་བརྒྱས་གསུངས་པ་སྟེ། དེང་འདིར་བདག་གིས་ཀྱང་བརྗོད་པ་ལགས་སོ། །གལ་ཏེ་འགའ་ཞིག་གཟུངས་འདི་ལ་སྨོད་པ་མཆིས་ན་སངས་རྒྱས་དེ་དག་ལ་སྨོད་པར་འགྱུར་རོ། །གཟུངས་འདི་ལ་སྨོད་པ་ནི་ཚེ་རབས་དུ་མའི་བར་དུ་བྱང་ཆུབ་
D264.067.0248a05.01ཏུ་བསྒྲུབ་ཀྱང་འགྲུབ་པར་མི་འགྱུར་ཏེ། སྲིད་པ་གསུམ་ལས་ཀྱང་མི་འདའོ། །དེ་ཅིའི་སླད་དུ་ཞེ་ན། སྔགས་འདི་ནི་སེམས་དྲན་པ་ཉམས་པ་རྣམས་སེམས་སླར་རྙེད་པར་འགྱུར་བ་དང་། གཟུངས་འདི་ལན་ཅིག་ཙམ་རྣ་བར་ཐོས་སམ། ཐོས་ནས་ཡི་གེར་བྲིས་ཏེ། ཤ་དང་ཆང་མི་
D264.067.0248a06.01འཚལ་བར་སྡོམ་པ་ལ་གནས་ཤིང་བདག་ཉིད་རྩེན་འཇོ་ལ་སོགས་པ་སྤངས་ཏེ། འདུ་འཛིའི་ནང་དུ་མི་འཇུག་ལ། རྒྱུན་དུ་བྱམས་པ་ཆེན་པོ་སྤྱོད་ཅིང་བསམ་གཏན་ལ་གཅེས་པར་འཛིན་ན་གང་ཟག་དེ་དཔག་ཏུ་མ་མཆིས་པའི་སྒྲིབ་པ་གསུམ་གྱི་སྡིག་ལྕི་བ་རྣམས་འབྱང་བར་འགྱུར་རོ། །
D264.067.0248a07.01