完整藏文原文 · 德格版页 当前仅加载第 67 函德格 258a 版页；藏文 NFD、目录标记与异常页序保留在来源切片中，重复版页行以稳定序号区分。
ཤིན་ཏུ་འང་མཁས་སོ། །དོན་འདི་ལྟ་བུ་འདྲི་བ་ཡང་ཤིན་ཏུ་མཁས་ཏེ། ལེགས་པར་ཉོན་ལ་ཕལ་མང་པོ་རྣམས་ཀྱང་ལེགས་པར་སོམས་ཤིག །ངས་བྱེ་བྲག་ཕྱེད་པར་བཤད་དོ། །ཇི་ལྟར་ན་མནར་མེད་པའི་སེམས་ཅན་དམྱལ་བ་ཞེས་བྱ་ཞེ་ན། སྐད་ཅིག་ཀྱང་
D264.067.0258a01.01མནར་ཞིང་བསྟིར་མེད་པའི་ཕྱིར་མནར་མེད་པའི་དམྱལ་བ་ཞེས་བྱའོ། །གཅིག་ཏུ་ན་དགག་པའམ། འོར་བར་བྱ་བ་ཡང་མེད། འགྱུར་བའང་མེད་དེ། ཚ་བ་ནི་རབ་ཏུ་ཚ། སྡུག་བསྔལ་བ་ནི་ཤིན་ཏུའང་མི་བཟད་པ་སྐད་ཅིག་ཀྱང་མི་དལ། སྐད་ཅིག་ཀྱང་མི་སྡོད་ཅིང་བར་སྐབས་མེད་པའི་ཕྱིར་མནར་མེད་
D264.067.0258a02.01པའི་དམྱལ་བ་ཞེས་བྱའོ། །ཡང་རྣམ་པ་གཅིག་ཏུ་ན། མེ་ཆེན་པོ་འབར་བ། རབ་ཏུ་ཚ་བ། ཀུན་ཏུ་འབར། རབ་ཏུ་འབར་ཞིང་། མཆེད་པ་ཁོང་དུ་ཞུགས་པའི་ཕྱིར་མནར་མེད་པའི་དམྱལ་བ་ཞེས་བྱའོ། །བཅོམ་ལྡན་འདས་ཀྱིས་ཡང་འཇམ་དཔལ་ལ་བཀའ་སྩལ་པ།
D264.067.0258a03.01རིགས་ཀྱི་བུ་དམྱལ་བ་ཆེན་པོ་མནར་མེད་པའི་དབྱིབས་ནི་གྲུ་བཞི་ལྷམ་པ་དཔག་ཚད་བརྒྱད་ཁྲི་ཡོད་དེ། ལྕགས་ཀྱི་ར་བ་རིམ་པ་བདུན་གྱིས་བསྐོར་ཅིང་སྟེང་དུ་ཡང་ལྕགས་ཀྱི་དྲ་བ་རིམ་པ་བདུན་གྱིས་གཡོགས་ཏེ། འོག་ཏུ་བར་ཆད་{བཅྭ་,བཅོ་}བརྒྱད་ཡོད་དོ། །དེའི་ཁོ་ར་ཁོར་ཡུག་ཏུ་རལ་གྲིའི་ཚལ་
D264.067.0258a04.01རིམ་པ་བདུན་གྱིས་བསྐོར་ཏོ། །ལྕགས་ཀྱི་ར་བ་རིམ་པ་བདུན་གྱི་ནང་ལོགས་སུ་ནགས་ཚལ་རལ་གྲི་ལོ་མ་ཅན་ཡོད་དོ། །ལྕགས་ཀྱི་ཁང་པ་བར་ཆད་{བཅྭ་,བཅོ་}བརྒྱད་པོ་བརྩེག་མར་འདུག་སྟེ། རིམ་པ་བརྒྱད་ཁྲི་བཞི་སྟོང་ཡོད་དོ། །དེའི་གྲྭ་བཞིར་ཟངས་ཀྱི་ཁྱི་ཆེན་པོ་བཞི་འདུག་པ་ལུས་ཀྱི་
D264.067.0258a05.01བོང་ཚད་ནི་འཕང་དུ་དཔག་ཚད་བཞི་བཅུ་ལ། མིག་ནི་ཀློག་གི་འོད་བཞིན། མཆེ་བ་ནི་རལ་གྲིའི་སྡོང་པོ་དང་འདྲ། སོ་ནི་སྤུ་གྲི་གཏམས་པའི་རི་དང་མཚུངས། ལྕེ་ནི་ལྕགས་ཀྱི་མཆིལ་བ་བཞིན། སྡེར་མོ་ནི་ལྕགས་ཀྱི་གསལ་ཤིང་དང་མཚུངས། མཇུག་མ་ནི་ལྕགས་ཀྱི་སྦྲུལ་
D264.067.0258a06.01དང་འདྲ། སྤུའི་བུ་གུ་རེ་རེ་ནས་འབར་བའི་མེ་ཤིན་ཏུ་མཆེད་ཅིང་ཀུན་ཏུ་འབར་རབ་ཏུ་འབར་བ་འབྱུང་སྟེ། དེའི་དུད་པ་མནམ་པ་ནི་འཇིག་རྟེན་གྱི་རྫས་མནམ་པ་གང་དང་ཡང་བསྒྲུན་དུ་མེད་དོ། །དམྱལ་བ་དེའི་སྒོ་བཞི་ལ་སྒོ་རེ་རེ་ན་དམྱལ་བའི་སྲུང་མ་{བཅྭ་,བཅོ་}བརྒྱད་འདུག་གོ། །མགོ་ནི་
D264.067.0258a07.01