完整藏文原文 · 德格版页 当前仅加载第 67 函德格 240b 版页；藏文 NFD、目录标记与异常页序保留在来源切片中，重复版页行以稳定序号区分。
པ། །ནམ་མཁའ་དཔག་ཏུ་མེད་པ་བཞིན། །གཟུགས་དང་དབྱིབས་ཀྱང་ཡོང་མེད་དོ། །ཐེག་པ་ཆེན་པོའང་དེ་བཞིན་ཏེ། །ཐོགས་པ་མེད་ཅིང་དཔག་ཏུ་མེད། །སེམས་ཅན་ཐམས་ཅད་དེ་དག་ཀུན། །ཐེག་པ་ཆེན་པོ་འདི་ཞོན་ལ། །ཐེག་པའི་མཚན་ལ་རྣམ་རྟོག་ན། །གཏོས་རྒྱ་ཆེ་
D264.067.0240b01.01ཞིང་མང་དུ་ཤོང་། །གལ་ཏེ་ཐེག་ཆེན་ཡོན་ཏན་དང་། །ཐེག་པ་གཅིག་ཏུ་སྤྱོད་པ་ནི། །བསྐལ་པ་དཔག་མེད་རབ་བཤད་ཀྱང་། །མཐའ་རུ་རྫོགས་པར་ཡང་མི་ནུས། །ཐེག་པ་ཐམས་ཅད་ཀུན་གྱི་ནང་། །ཐེག་པ་ཆེན་པོ་དམ་པ་མཆོག །སེམས་ཐག་ཐེག་ཆེན་འདི་བླངས་ན། །བྱང་ཆུབ་
D264.067.0240b02.01ཤིང་དྲུང་མངོན་པར་འགྲོ། །འཆིང་བ་མེད་ཅིང་ཐོགས་མེད་པ། །བླ་ན་མེད་པའི་ཐེག་པ་འདི། །ཐེག་པ་དམན་པའི་མཆོག་འགྱུར་བས། །བྱང་ཆུབ་དཀྱིལ་དུ་འདུག་པར་འོང་། །རྟེན་འབྲེལ་བཅུ་གཉིས་རྣམ་རྟག་སྟེ། །སེམས་ཅན་རྣམས་ལ་སྙིང་བརྩེའི་ཕྱིར། །ཕྱོགས་བཅུའི་སེམས་ཅན་
D264.067.0240b03.01ཐམས་ཅད་ལ། །ཐེག་ཆེན་མདོ་སྡེ་བཤད་པར་བྱ། །གང་ཞིག་ཐེག་ཆེན་ཐེག་པ་ནི། །འཕེལ་བའམ་འགྲིབ་པ་ཡོང་མེད་དེ། །ནམ་མཁའ་བཞིན་དུ་ཀུན་ཤོང་བས། །ཐེག་པ་ཆེན་པོ་བསམ་མི་ཁྱབ། །དེ་ཕྱིར་སེམས་ཅན་ཐམས་ཅད་ཀྱིས། །བརྩོན་འགྲུས་སུ་ནི་བསྒོམ་བྱ་སྟེ། །མངོན་པར་
D264.067.0240b04.01ཤེས་པ་རྣམས་དང་ནི། །ཡེ་ཤེས་ཆེན་པོ་ཐོབ་པར་བྱ། །ལྷ་ཡི་ཚོགས་དང་ལྷ་ཡི་བདུད། །མུ་སྟེགས་ཉོན་མོངས་སེལ་འདོད་ན། །ཐེག་པ་ཆེན་པོའི་སྐྱབས་སོང་ལ། །མངོན་ཤེས་དྲུག་དང་ལྡན་པར་བྱོས། །རིག་པ་གསུམ་དང་རྣམ་ཐར་གསུམ། །དེས་ནི་བདུད་དང་མུ་སྟེགས་འཇོམས། །ལོག་
D264.067.0240b05.01པར་ལྟ་བའང་འཇིལ་བས་ན། །ཐེག་པ་ཆེན་པོ་མཆོག་ཏུ་དགོས། །ཉོན་མོངས་ཐམས་ཅད་འཇིག་པ་དང་། །དགེ་རྩ་ཕུན་སུམ་ཚོགས་འགྱུར་བས། །ཐེག་ཆེན་མཐུ་ནི་བསམ་མི་ཁྱབ། །དེ་བས་དཔག་པའང་རབ་ཏུ་དཀའ། །འཇིག་རྟེན་པ་ཡི་ཆོས་རྣམས་དང་། །འཇིག་རྟེན་འདས་པའི་
D264.067.0240b06.01ཆོས་ཐམས་ཅད། །སློབ་དང་མི་སློབ་དེ་དག་ཀུན། །ཐེག་པ་ཆེན་པོར་ཀུན་འདུས་སོ། །སེམས་ཅན་གང་ཞིག་ངན་འགྲོར་སྤྱོད་པ་ནི། །ལོག་པར་ལྟ་བ་དང་ནི་སྡིག་གྲོགས་བསྟེན། །གང་ཞིག་ཐེག་པ་ཆེན་པོར་མ་དད་པ། །དེས་ནི་ཉོན་མོངས་བདུད་རྣམས་འཇོམས་མི་ནུས། །དེ་རྣམས་
D264.067.0240b07.01