完整藏文原文 · 德格版页 当前仅加载第 67 函德格 256a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་ལ་ལས་སེང་གེའི་སྒྲའི་ཏིང་ངེ་འཛིན་དང་། རྡོ་རྗེའི་ཏིང་ངེ་འཛིན་དང་། ཡེ་ཤེས་ལྔའི་ཕྱག་རྒྱའི་ཏིང་ངེ་འཛིན་དང་ལྡན་པ་ཡང་དུས་གསུམ་དུ་གཤེགས་པའི་སངས་རྒྱས་རྣམས་ལ་ཕྱག་འཚལ་བའི་ཡོན་ནོ། །བྱང་ཆུབ་སེམས་དཔའ་ལ་ལས་མཉམ་པ་ཉིད་ཀྱི་ཏིང་ངེ་འཛིན་དང་།
D264.067.0256a01.01བྱམས་པ་ཆེན་པོ་དང་། སྙིང་རྗེ་ཆེན་པོ་དང་། བླ་ན་མེད་པ་ཡང་དག་པར་རྫོགས་པའི་སངས་རྒྱས་ཀྱི་སྤྱོད་ལམ་དང་ལྡན་པ་ཡང་དུས་གསུམ་དུ་གཤེགས་པའི་སངས་རྒྱས་རྣམས་ལ་ཕྱག་འཚལ་བའི་ཡོན་ནོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཀྱི་རྗེ་འཇམ་དཔལ་གྱིས་
D264.067.0256a02.01བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སེམས་ཅན་ཐམས་ཅད་ནོར་ཅིང་འཁྲུལ་པ་སེམས་འཁྲུགས་ཏེ། མི་དགེ་བ་དང་མཚམས་མ་མཆིས་པ་བགྱིས་པ་རྣམས་ཇི་ལྟར་བགྱིས་ན་སྡིག་རྣམས་འབྱང་བར་འགྱུར། བཅོམ་ལྡན་འདས་ཀྱིས་འཇམ་དཔལ་
D264.067.0256a03.01ལ་བཀའ་སྩལ་པ། གོང་དུ་བསྟན་པ་ཡིན་ཏེ། གང་ལ་ལས་ཕྱོགས་སུ་རྒྱས་པའི་ཆོས་ཀྱི་རྣམ་གྲངས་འདི་དང་། ཕྱོགས་བཅུ་དུས་གསུམ་གྱི་སངས་རྒྱས་དང་། མདོ་སྡེ་བཅུ་གཉིས་དང་། བྱང་ཆུབ་སེམས་དཔའ་རྣམས་ཀྱི་མཚན་ཐོས་ནས་དགའ་བ་དང་། རབ་ཏུ་དགའ་བ་བསྐྱེད་ལ་
D264.067.0256a04.01དད་པ་དང་གུས་པ་དཔག་ཏུ་མེད་པས་བླངས་སམ། འཆང་ངམ། ཀློག་གམ། འདོན་ཏམ། ཡི་གེར་བྲིས་སམ། ཀུན་ཆུབ་པར་བྱས་ཏེ། དབེན་པའི་གནས་ཁང་གཅིག་གི་ནང་དུ་དཀྱིལ་འཁོར་བྱས་ལ་དྲི་ཆུས་ཆག་ཆག་བཏབ་སྟེ། འཕན་གདུགས་བཟང་པོས་བརྒྱན་ཅིང་པོག་སྤོས་
D264.067.0256a05.01ཞིམ་པོ་བསྲེགས་ནས་རྒྱལ་བ་རྣམས་སྤྱན་དྲང་ཞིང་གཤེགས་སུ་གསོལ་བ་མང་ཡང་རུང་། ཉུང་ཡང་རུང་སྤྱན་དྲངས་ནས་བདག་ཁྲུས་དག་པར་བྱས་ལ། གོས་གཙང་མ་གྱོན་ཅིང་ལན་ཅིག་ཕྱི་རོལ་ཆེ་ཆུང་དུ་འགྲོ་ན་ཁྲུས་ལན་གཅིག་བྱས་ཏེ་སེང་གེའི་ཁྲི་བཙུགས་ཏེ་ཆོས་ཀྱི་རྣམ་གྲངས་འདི་
D264.067.0256a06.01ཡུན་རིང་དུ་བསྒོམས་ལ། ཆོས་ཀྱི་མཚན་ཉིད་ལ་བདག་དང་། གང་ཟག་དང་། སེམས་ཅན་ལ་སོགས་པའི་ལྟ་བ་མེད་པར་མངོན་པར་རྟོགས་པར་བྱ་སྟེ། དང་པོ་པས་བྱེ་བྲག་ཕྱེད་ཅིང་གསལ་བར་བརྗོད་པར་བྱའོ། །དེ་ནས་དྲི་སྤོས་ཞིམ་པོ་བསྲེགས་ལ་འཁྲུག་སེམས་བསལ་
D264.067.0256a07.01