完整藏文原文 · 德格版页 当前仅加载第 67 函德格 232a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། གནོད་སེམས་མི་བྱེད་པ་དང་། ལོག་པར་མི་ལྟ་བ་སྟེ། བྱང་ཆུབ་སེམས་དཔའ་དེ་བཞིན་དུ་བྱམས་པ་དང་། སྙིང་རྗེ་ཕུན་སུམ་ཚོགས་པར་སྤྱད་ན་བྱམས་པས་ནི་དགེ་བ་སྟོན་ཅིང་བདེ་བ་ལ་འགོད་པར་བྱེད། སྙིང་རྗེས་ནི་སྡུག་བསྔལ་ལས་ཐར་བ་དང་། དམྱལ་བ་
D264.067.0232a01.01ལས་སྒྲོལ་བར་བྱེད་དོ། །སྐྱེ་བོ་རྣམས་མྱ་ངན་ལས་འདའ་བར་བསྒྲུབ་འདོད་པའི་སྒོ་མ་ཤེས་པ་མཐོང་ན་བྱང་ཆུབ་སེམས་དཔས་སྐྱེ་བོ་དེ་དག་ལ་སྙིང་རྗེ་བའི་སེམས་བསྒོམ་པར་བྱའོ། །སྙིང་རྗེ་བའི་དབང་གིས་སེམས་ཅན་ཐམས་ཅད་ལ་མྱ་ངན་ལས་འདའ་བའི་སྒོ་འབྱེད་པས་བདེ་བའི་གནས་མངོན་
D264.067.0232a02.01པར་སྟོན་ཏེ། ཐེག་པ་ཆེན་པོའི་འབྲས་བུ་ཐོབ་པར་བྱེད་པ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྤྱད་པ་སྤྱོད་པ་ཞེས་བྱའོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་མཚན་ཉིད་དད་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་ཡང་དག་པའི་དྲན་པ་ཞེས་བགྱི་བ་གང་། བཀའ་
D264.067.0232a03.01སྩལ་པ། མི་སྐྱེ་མི་འགག་པའི་ཆོས་སྤྱད་པའོ། །གསོལ་པ། བཅོམ་ལྡན་འདས་ཆོས་མི་སྐྱེ་བ་ནི་གང་། མི་འགག་པ་ནི་གང་། བཀའ་སྩལ་པ། རིགས་ཀྱི་བུ་སྡིག་པའི་ཆོས་ནི་མི་སྐྱེ་བར་བྱ། དགེ་བའི་ཆོས་ནི་མི་འགག་པར་བྱའོ། །དེ་ལྟ་བུའི་སྤྱོད་པ་ཁམས་གསུམ་དུ་སྤྱད་པ་ནི་འདོད་པ་རྣམ་པ་ལྔའི་བག་ཆགས་ཀྱི་
D264.067.0232a04.01དྲི་མས་གོས་པར་མི་འགྱུར་རོ། །རིགས་ཀྱི་བུ་ཁམས་གསུམ་ན་བགྲོད་ཅིང་སེམས་ཅན་བསྒྲལ་བར་འདོད་ན་ཆོས་རྣམ་པ་བཅུ་པོ་འདིས་ཁམས་གསུམ་དུ་བགྲོད་པར་བྱ་སྟེ། ཀུན་རྫོབ་ཀྱི་ཚིག་དང་། ཡི་གེའི་རྗེས་སུ་ཁམས་གསུམ་ཡོད་པར་བཤད་མོད་ཀྱི། བླ་ན་མེད་པའི་བྱང་ཆུབ་ནི་དུས་གསུམ་དུ་མི་གནས་
D264.067.0232a05.01ལ་མཐར་ཕྱིན་པའི་བྱང་ཆུབ་རྣམ་གྲངས་སུ་མི་ལྟུང་ན་དུས་གསུམ་དང་ཁམས་གསུམ་ལྟ་ཅི་སྨོས། ཆོས་བཅུ་པོ་གང་ཞེ་ན། སྟོད་པ་དང་སྨད་པ་ལ་སེམས་སྐྱེད་བྲི་མེད་པ་དང་། སྙན་པ་དང་མི་སྙན་པར་ཐོས་པ་ལ་སེམས་རྣམ་པར་མི་རྟོག་པ་དང་། ཤེས་རབ་ཅན་དང་། གཏི་མུག་ཅན་ལ་འདྲ་བར་སྙིང་རྗེ་
D264.067.0232a06.01བསྐྱེད་པ་དང་། སེམས་ཅན་བླ་འོག་གང་ཡང་རུང་སྟེ། སྙོམས་པར་ལྟ་བ་དང་། མཆོད་པ་གུས་མ་གུས་ལ་སེམས་རྣམ་པ་གཉིས་སུ་མི་འབྱེད་པ་དང་། གཞན་གྱི་ཉེས་སྐྱོན་ལ་འཕྱས་མི་འདོགས་པ་དང་། ཐེག་པ་རྣམ་པ་སྣ་ཚོགས་སུ་མཐོང་ན་ཡང་ཐེག་པ་གཅིག་ཏུ་ལྟ་བ་དང་། ངན་སོང་གསུམ་གྱི་
D264.067.0232a07.01