完整藏文原文 · 德格版页 当前仅加载第 67 函德格 244a 版页；藏文 NFD、目录标记与异常页序保留在来源切片中，重复版页行以稳定序号区分。
མཆིས། དོར་དུ་མ་མཆིས། བླང་དུ་མ་མཆིས། མཐའ་ལས་འདས་པ། ཡུན་དུ་བཞུགས་པ་ལ་གང་གི་སླད་དུ་སྤྱོད་ལམ་རྒྱ་ཆེར་བསྒྲུབས་ཞེས་གསུངས་ཞེས་གསོལ་པ་དང་། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོ་ལ་
D264.067.0244a01.01ལེགས་སོ་ཞེས་བྱ་བ་བྱིན་ནས་ལེགས་སོ་ལེགས་སོ། །རིགས་ཀྱི་བུ་ཁྱོད་སྔོན་འདས་པའི་དུས་ན་སངས་རྒྱས་གྲངས་མེད་དཔག་ཏུ་མེད་པ་རྣམས་ལ་བྱ་བ་བྱས་པ། དགེ་བའི་རྩ་བ་བསྐྲུན་པ། ཡུན་རིང་པོ་ནས་ཐེག་པ་ཆེན་པོ་བླ་ན་མེད་པའི་དོན་ཆུབ་པར་ཆུད་དེ། ཆོས་སོ་ཅོག་ཀུན་ཀྱང་སྟོང་པ་ཉིད་དུ་མངོན་པར་
D264.067.0244a02.01ཤེས་པ་དང་། དེ་བཞིན་གཤེགས་པ་ཡང་དག་པའི་མཐའ་ལས་འདས་ཏེ། ཡུན་དུ་གནས་པར་ཡང་ཤེས་པས་རིགས་ཀྱི་བུ་འདི་ལྟ་སྟེ། དཔེར་ན། ནོར་བུ་རིན་པོ་ཆེ་བཻ་དཱུརྱ་ཤིན་ཏུ་དང་བ་གསལ་བ། འདམ་རྫབ་ཀྱི་ནང་དུ་ལོ་སྟོང་གི་བར་དུ་བཞག་ཀྱང་། རང་བཞིན་ཡོང་གིས་དག་པས་ཕྱིར་ཕྱུང་
D264.067.0244a03.01ན་ཡང་སྔ་མ་ཁོ་བཞིན་ཏེ། ཁྱོད་ཀྱང་དེ་དང་འདྲ་བར་ཆོས་ཀྱི་མཚན་ཉིད་མངོན་པར་རྟོགས་ལ། རང་བཞིན་རྣམ་པར་དག་པས། ཁྱེད་རྣམས་ད་ལྟར་ཁམས་གསུམ་ན་སྙིགས་མ་ཅན་རྣམ་ལྔའི་འདམ་རྫབ་ཏུ་གནས་ཏེ། དེ་བཞིན་གཤེགས་པ་དང་། སེམས་ཅན་གྱི་དོན་བྱས་ཀྱིས་ཀྱང་འདམ་
D264.067.0244a04.01རྫབ་ཀྱིས་མ་གོས་པས་ན་དོན་འདི་ལྟ་བུ་དག་འདྲི་ནུས་པ་ཡིན་ནོ། །རིགས་ཀྱི་བུ་ཁྱོད་ཡང་ཉོན་ཅིག །འདི་ལྟ་སྟེ། ཆོས་སོ་ཅོག་ཐམས་ཅད་ཡང་དག་པར་ན་དངོས་པོ་མེད་དེ། ཡི་གེ་ཡོད་པའི་ཕྱིར་ཆོས་ཡོད་ཅེས་བཤད། ཆོས་ཀྱི་ནང་དུ་ཡི་གེ་མེད་ལ་ཡི་གེའི་ནང་དུ་ཡང་ཆོས་མེད་དོ། །
D264.067.0244a05.01ཀུན་ཏུ་སྤེལ་བའི་ཕྱིར་ཡི་གེ་བསྟན་ཏོ། །ཡི་གེའི་ནང་དུ་ནི་བྱང་ཆུབ་ཀྱང་མེད། བྱང་ཆུབ་ཀྱི་ནང་དུ་ནི་ཡི་གེ་ཡང་མེད་མོད་ཀྱི། དོན་དམ་པར་ནི་ཡི་གེ་མེད་ཀྱང་ཀུན་རྫོབ་ཏུ་ཡི་གེ་ཡོད་པར་བཤད་པས་སེམས་ཅན་ལ་སངས་རྒྱས་ཀྱི་ངོ་བོ་ཉིད་དང་། བླ་ན་མེད་པའི་བྱང་ཆུབ་ཀྱང་ཡི་གེ་ལས་གུད་ན་མི་རྙེད་དོ། །
D264.067.0244a06.01རིགས་ཀྱི་བུ་ཁྱོད་ཟེར་བའང་བདེན་ཏེ། དེ་བཞིན་གཤེགས་པ་ལ་ཟད་པ་མེད། སྐྱེ་བ་མེད། མི་བསྒོམ་མི་སྤྱོད། བསྒོམ་སྤྱོད་རྣམས་དང་བྲལ་བ། ཡང་དག་པའི་ཆོས་ལ་མི་འཇུག །དེ་ལས་ལྡོག་ཅིང་འགྱུར་བའང་མ་ཡིན། སྐྱེ་བ་གཅིག་གིས་དགའ་ལྡན་གྱི་གནས་སུ་ཡང་མ་སྐྱེས།
D264.067.0244a07.01