完整藏文原文 · 德格版页 当前仅加载第 67 函德格 240a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་པ་བསྒོམ་པར་བྱས་ན་ལུང་བསྟན་པ་ཐོབ་པར་འགྱུར་རོ། །གལ་ཏེ་ངས་བསྐལ་པ་གཅིག་ནས་བསྐལ་པ་གཅིག་གི་བར་དུ་སངས་རྒྱས་ཀྱི་མཚན་བཤད་ན་ཡང་རྫོགས་པར་མི་ནུས་ཏེ། རིགས་ཀྱི་བུ་ང་བསྐལ་པ་དེ་དག་འདས་པའི་འོག་ཏུ་དེ་བཞིན་གཤེགས་པ་འོད་མི་འགྱུར་གྱིས་ཚོགས་ཆེན་པོ་
D264.067.0240a01.01དཔག་ཏུ་མེད་པ་ལ་ཐེག་པ་ཆེན་པོའི་མདོ་སྡེ་ཐར་པ་ཆེན་པོ་ཕྱོགས་སུ་རྒྱས་པའི་ཆོས་ཀྱི་རྣམ་གྲངས་འདི་བཤད་པ་དེར་མཐོང་ནས་ང་དེའི་ཚེ་དེའི་དུས་ན་གདོད་ཐོས་པ་དང་མཐོང་བར་གྱུར་ཏོ། །རྒྱལ་བ་དེ་ལས་བླངས་ཏེ་འཛིན་པ་དང་། ཀློག་པ་དང་། ཁ་ཏོན་དུ་བྱ་བ་དང་། དོན་བསམ་པ་ལ་སོགས་པ་བྱས་ནས་
D264.067.0240a02.01དེ་མ་ཐག་ཏུ་ཆོས་ལ་མི་སྐྱེ་བའི་བཟོད་པ་ཐོབ་བོ། །དེ་བཞིན་གཤེགས་པ་འོད་མི་འགྱུར་གྱིས་ང་ལ་ལུང་བསྟན་པ། ཁྱོད་མ་འོངས་པའི་དུས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བར་འགྱུར་རོ་ཞེས་ལུང་བསྟན་ཏོ། །དེ་བས་ན་རིགས་ཀྱི་བུ་ཆོས་
D264.067.0240a03.01ཀྱི་རྣམ་གྲངས་འདི་བླངས་ཏེ། འཆང་བ་དང་། ཀློག་པ་ལ་སོགས་པ་བྱས་ན་སངས་རྒྱས་ཀྱིས་ཡང་མྱུར་དུ་ཐོབ་པར་འགྱུར་ན། འཇིག་རྟེན་ན་ལྷ་དང་མིར་བཅས་པའི་མཆོད་ཡོན་འཇུ་བར་འགྱུར་བ་ལྟ་ཅི་སྨོས། རིགས་ཀྱི་བུ་དེའི་ཕྱིར་ངས་ཐེག་པ་ཆེན་པོའི་ཆོས་ཀྱི་རྣམ་གྲངས་ཀྱི་མཐུ་སྟོབས་རིན་
D264.067.0240a04.01པོ་ཆེའི་སྙིང་པོ་དང་འདྲ་བ་བསམ་གྱིས་མི་ཁྱབ་པ་ཚུལ་ཁྲིམས་འཇིག་པ་དང་། དབུལ་ཕོངས་པ་རྣམས་ཀྱི་ཚུལ་དང་རིན་པོ་ཆེའི་ནོར་བུ་སྦྱིན་པར་བྱེད་པ་ལ་བསྟོད་པའི་ཚིགས་སུ་བཅད་པ་བརྗོད་པར་བྱའོ། །ཐེག་ཆེན་དཔེ་ཚད་རྒྱ་མཚོ་བཞིན། །ཐེག་པ་ཆུང་ངུ་བ་རྗེས་ཆུ། །ཐེག་ཆེན་དཔེ་ཚད་རི་རབ་ལྷུན། །
D264.067.0240a05.01ཐེག་པ་ཆུང་ངུ་གྲོག་མའི་མཁར། །ཐེག་ཆེན་དཔེ་ཚད་ཉི་ཟླ་བཞིན། །ཐེག་པ་ཆུང་ངུ་མེ་སྟག་ཙམ། །ཐེག་པ་འདི་ནི་ཐེག་ཆེན་ཡིན། །བསམ་གྱིས་མི་ཁྱབ་ཐེག་པའོ། །དཔེར་ན་ནམ་མཁའ་དང་འདྲ་བ། །སེམས་ཅན་ཐམས་ཅད་གོ་འབྱེད་དོ། །ཐེག་པ་ཐམས་ཅད་ཀུན་གྱི་ནང་། །ཐེག་པ་འདི་ལས་འདའ་བ་
D264.067.0240a06.01མེད། །ཐེག་པ་ཆེན་པོ་འདི་ནང་ནས། །ཐེག་པ་རྣམ་པ་སྣ་ཚོགས་འབྱུང་། །དཔག་པའི་གྲངས་ཤིག་ཡོད་ན་ནི། །ཐམས་ཅད་བསྒྲལ་བར་མི་ནུས་སོ། །ཐེག་པ་བླ་ན་མེད་པ་འདི། །སེམས་ཅན་ཡོངས་སུ་བསྒྲལ་ནུས་པ། །ནམ་མཁའ་འདྲ་བའི་ཐེག་ཆེན་ལ། །གང་གིས་དཔག་མེད་འདི་སྤྱད་
D264.067.0240a07.01