完整藏文原文 · 德格版页 当前仅加载第 67 函德格 250a 版页；藏文 NFD、目录标记与异常页序保留在来源切片中，重复版页行以稳定序号区分。
མདོ་སྡེ་བཅུ་གཉིས་དང་མཉམ་པ་ཉིད་ཡང་དག་པའི་མདོ་སྡེ་གཞན་བཞུགས་སོ་འཚལ་ལ་ཡང་ཕྱག་འཚལ་ཞིང་སྐྱབས་སུ་གསོལ་ལོ། །ཆ་བརྒྱད་དུ་བགོས་པའི་སྐུ་གདུང་རིང་བསྲེལ་དང་བཅས་པའི་མཆོད་རྟེན་ལ་ཡང་ཕྱག་འཚལ་ཞིང་སྐྱབས་སུ་གསོལ་ལོ། །ད་ལྟར་ན་སྐུ་གཟུགས་
D264.067.0250a01.01བཞུགས་པ་ཐམས་ཅད་ལ་ཡང་ཕྱག་འཚལ་ཞིང་སྐྱབས་སུ་གསོལ་ལོ། །ཕྱོགས་བཞིའི་རྒྱལ་པོ་ཆེན་པོ་བཞི་དང་། ཚངས་པ་དང་། བརྒྱ་བྱིན་དང་། སུམ་ཅུ་རྩ་གསུམ་གྱི་ལྷའི་དབང་ཕྱུག་དང་། བར་སྣང་ལ་གནས་པའི་ལྷ་དང་། སའི་ལྷ་དང་། རི་དང་། ནགས་ཚལ་དང་། ཤིང་དྲུང་གི་ལྷ་དང་།
D264.067.0250a02.01དྲང་སྲོང་དང་། རྫུ་འཕྲུལ་གྱི་རྐང་པ་དང་ལྡན་པ་རྣམས་དང་། ལྷའི་སྤྱན་མངའ་བ་རྣམས་དང་། ལྷའི་སྙན་མངའ་བ་ཐམས་ཅད་ཀྱི་སྙན་གྱིས་གསན་ཅིང་མཁྱེན་པར་མཛོད་ཅིག །ཀུན་དབང་དུ་གསོལ་ཏེ། སེམས་ཅན་ཐམས་ཅད་ལ་མ་མཐོལ་མ་བཤགས་པ་ཞིག་མཆིས་ན་ཡང་སྡིག་པ་ཐམས་ཅད་བྱང་བར་
D264.067.0250a03.01གྱུར་ཅིག །ཡང་འདི་སྐད་ཅེས་སྨྲས་ཏེ། བདག་ཅག་ཐོག་མ་མ་མཆིས་པ་ནས་ད་ལྟར་གྱི་ལུས་ངན་པ་འདི་ཐོབ་པའི་བར་ཏུ་ནོར་ཅིང་འཁྲུལ་པའི་སེམས་ཀྱིས་ཕྱིན་ཅི་ལོག་ཏུ་ལྟ་བ་དཔག་ཏུ་མ་མཆིས་པ་ཉོན་མོངས་པ་དང་མི་དགེ་བའི་ལས་བགྱིས་པ་བརྗོད་ཀྱིས་མི་ལང་སྟེ། སྡིག་པའི་ཚོགས་བགྱིས་སོ་འཚལ་
D264.067.0250a04.01རང་གིས་མ་ཚོར་མ་རིག་པས་ངན་སེམས་རབ་ཏུ་རྒྱས་ཏེ། ཚེ་ཕྱི་མ་མ་མཐོང་ཞིང་ཚེ་འདི་འབའ་ཞིག་མཐོང་བས་ཉོན་མོངས་པའི་བག་ཆགས་ལ་མོས་ཏེ། དགེ་བའི་རྩ་བ་དང་རིང་དུ་གྱུར་ཅིང་ལས་ངན་པས་བར་དུ་ཆོད་ནས་སྡིག་པའི་གྲོགས་པོ་དང་བསྟེན་ཅིང་དགེ་སློང་དང་། དགེ་སློང་མ་ལ་མི་རིགས་
D264.067.0250a05.01མི་ཚུལ་བའི་ལས་བགྱིས་པ་དང་། ཕ་དང་མ་ལ་མི་རིགས་མི་ཚུལ་བའི་ལས་བགྱིས་པ་དང་། ཡང་བདག་རང་ཉམས་ཀྱི་དབང་གིས་དགེ་འདུན་གྱི་དཀོར་ནོར་ཐུགས་ཐུབ་ཏུ་སྤྱད་པ་དང་། དགེ་འདུན་སྡེ་ལྔ་ལ་མི་རིགས་མི་ཚུལ་བར་བགྱིས་པ་དང་། འཇིག་རྟེན་པའི་ཀུན་ནས་ཉོན་
D264.067.0250a06.01མོངས་པའི་འབྲས་བུ་དཔག་ཏུ་མ་མཆིས་པར་བཤད་པའམ། བྱང་ཆུབ་ཀྱི་དགེ་བའི་རྩ་བ་དང་ལྡན་པའི་སེམས་ཅན་བཀུམ་པའམ། ཆོས་ཀྱི་སློབ་དཔོན་ལ་སྐུར་ཏེ། ཆོས་ལ་ཆོས་མ་ལགས་ཞེས་སྐུར། ཆོས་མ་ལགས་པ་ནི་ཆོས་ལགས་ཞེས་བརྗོད། དེ་བཞིན་གཤེགས་པ་ལ་
D264.067.0250a07.01