完整藏文原文 · 德格版页 当前仅加载第 67 函德格 253b 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་བྱ་མེད་པར། །དེ་ལྟར་ཡིད་ལ་བསྐྱེད་ནས་སུ། །སེམས་ཀྱིས་རྣམ་པར་མི་རྟོག་ན། །དེ་ལྟ་བུ་ཡི་མི་རྣམས་ནི། །རྒྱལ་བའི་དྲིན་ལན་ལོན་ཞེས་བྱ། །རྒྱལ་བུ་དགེ་མཐོང་འདི་ལྟ་སྟེ། །གང་ཟག་ལ་ལ་འགའ་ཞིག་གིས། །སངས་རྒྱས་མྱ་ངན་འདས་ཕྱི་ན། །རྟག་ཏུ་དད་པའི་སེམས་བསྐྱེད་དེ། །
D264.067.0253b01.01སེམས་ཅན་ཀུན་ལ་སངས་རྒྱས་ཀྱི། །བདག་ཉིད་ཡོད་པར་བཤད་པ་ནི། །དེ་ལྟ་བུ་ཡི་གང་ཟག་རྣམས། །རྒྱལ་བའི་དྲིན་ལན་ལོན་ཞེས་བྱ། །གང་ཞིག་སྐད་ཅིག་དགེ་སྤྱོད་ཅིང་། །ལྷ་ཡི་འབྲས་བུ་མི་རེ་སྟེ། །ཅིག་ཅར་བླ་མེད་ལམ་བསྒྲུབས་ན། །རྒྱལ་བའི་དྲིན་ལན་ལོན་ཞེས་བྱ། །
D264.067.0253b02.01རྒྱལ་བུ་དགེ་མཐོང་འདི་ལྟ་སྟེ། །སངས་རྒྱས་མྱ་ངན་འདས་ཕྱི་ན། །གལ་ཏེ་གང་ཟག་འགའ་ཞིག་གིས། །ཡུད་ཙམ་མདོ་སྡེ་འདི་བཀླགས་ཏེ། །དཀོན་མཆོག་གསུམ་ལ་གུས་བྱས་ཤིང་། །མཁན་ལ་སྲིད་ཞུ་མཆོད་བྱས་ན། །དེ་ལྟ་བུ་ཡི་གང་ཟག་རྣམས། །རྒྱལ་བའི་དྲིན་ལན་ལོན་ཞེས་
D264.067.0253b03.01བྱ། །གང་ཞིག་ནོར་རྫས་སྣ་འགའ་འམ། །ཁ་ཟས་དང་ནི་གོས་ཀྱི་རྣམས། །ཀུན་ལ་ཁྱབ་པར་སྦྱིན་བྱས་ན། །རྒྱལ་བའི་དྲིན་ལན་ལོན་ཞེས་བྱ། །རྒྱལ་བུ་དགེ་མཐོང་འདི་ལྟ་སྟེ། །ང་ཡི་ཆོས་རྣམས་འཇིག་པ་ན། །གང་ཞིག་འགའ་ལ་བློ་བསྟན་ནས། །ཡུད་ཙམ་མདོ་སྡེ་འདི་མཉན་ན། །
D264.067.0253b04.01བྱང་ཆུབ་སེམས་དཔའ་འབུམ་བརྒྱ་ལ། །མཆོད་པ་ཕུལ་བས་དེ་ལྷག་གོ། །ཐེག་ཆེན་མདོ་སྡེ་འདི་དག་ཀྱང་། །སངས་རྒྱས་བྱང་ཆུབ་ཀུན་གྱི་ཡུམ། །སངས་རྒྱས་བྱང་ཆུབ་སེམས་དཔའ་དང་། །མདོ་སྡེ་འདི་ལ་དྲན་བྱས་ཏེ། །སྙོམས་སེམས་ཕན་ཚུན་གཉིས་མེད་ན། །རྒྱལ་
D264.067.0253b05.01བའི་དྲིན་ལན་ལོན་ཞེས་བྱ། །རྒྱལ་བུ་དགེ་མཐོང་འདི་ལྟ་སྟེ། །གང་ཞིག་ཆོས་འདི་འཇིག་པའི་ཚེ། །རྒྱལ་བའི་དྲིན་ལན་བླན་འདོད་པས། །སྐད་ཅིག་ཡུད་ཙམ་སྒོམ་བྱེད་པས། །སྟོང་ཁམས་གང་བའི་སེམས་ཅན་གྱི། །སྲོག་གི་སྦྱིན་པ་བྱིན་པ་བས། །བསམ་གཏན་
D264.067.0253b06.01བསྒོམ་པ་ཡོན་ཏན་ཆེ། །གང་ཞིག་བསྒོམ་ལ་སྐུར་པ་དང་། །དགེ་འདུན་འཁྲུགས་པར་བྱེད་པ་ནི། །སྟོང་ཁམས་གསུམ་པོ་གང་བ་ཡི། །མི་རྣམས་ཀྱི་ནི་སྲོག་བཅད་དང་། །སྲོག་ཆགས་ཐམས་ཅད་བསད་དང་འདྲ། །དེ་སྡིག་ཡང་ནི་དེ་བཞིན་ནོ། །གང་ཞིག་དགེ་སྤྱོད་མཐོང་བ་
D264.067.0253b07.01