完整藏文原文 · 德格版页 当前仅加载第 67 函德格 261a 版页；藏文 NFD、目录标记与异常页序保留在来源切片中，重复版页行以稳定序号区分。
མ་རུངས་རྣམས། །བ་སུ་དང་ནི་མ་སྐྱེས་དགྲ། །ལྷ་སྦྱིན་དང་ནི་སོར་མོའི་ཕྲེང་། །ལུས་དང་སེམས་ཀྱིས་སྡིག་སྤྱད་པས། །དམྱལ་བ་མནར་མེད་ལྟུང་འོས་ཀྱང་། །ཕྱོགས་བཅུ་དུས་གསུམ་རྒྱལ་བ་ལ། །དད་པ་བསྐྱེད་དེ་ཕྱག་འཚལ་ཕྱིར། །ཐུབ་པ་མྱ་
D264.067.0261a01.01ངན་འདའ་བའི་ཁར། །བསྐལ་པ་གྲངས་མེད་ཕྱིར་བཤོལ་ལོ། །མ་ག་དྷཱ་ཡི་སྐྱེ་བོ་དག །ཀུན་ཀྱང་བྱང་ཆུབ་སེམས་བསྐྱེད་པའང་། །ཕྱོགས་བཅུ་དུས་གསུམ་རྒྱལ་བ་ལ། །གུས་པར་ཕྱག་བྱའི་དབང་གིས་སོ། །ཀཽ་དི་ནྱ་ལ་སོགས་དང་། །ཉན་ཐོས་ལྔ་བརྒྱ་རྣམ་དག་
D264.067.0261a02.01གིས། །མ་འོངས་དུས་སུ་འཚང་རྒྱ་བའང་། །ཕྱོགས་བཅུ་དུས་གསུམ་རྒྱལ་བ་ལ། །གུས་པར་ཕྱག་བྱའི་དབང་གིས་སོ། །མུ་སྟེགས་དང་ནི་བྲམ་ཟེ་དང་། །སྔགས་འཆང་ཆེན་པོ་དྲང་སྲོང་བཅུ། །ད་ལྟར་དགྲ་བཅོམ་གྲུབ་པ་ཡང་། །འདས་པའི་ཕྱོགས་བཅུ་
D264.067.0261a03.01དུས་གསུམ་གྱི། །རྒྱལ་བ་རྣམས་ལ་ཕྱག་བྱའི་ཡོན། །དམ་པའི་དོན་ལ་ཆུད་པ་དང་། །ཕྱོགས་བཅུ་རྒྱལ་བའི་ཞིང་རྣམས་ལ། །བྱང་ཆུབ་སེམས་དཔའི་ཚོགས་ཐམས་ཅད། །ཚེ་དཔག་མེད་པར་སྐྱེས་པ་ཡང་། །ཕྱོགས་བཅུ་དུས་གསུམ་རྒྱལ་བ་ལ། །གུས་པར་
D264.067.0261a04.01ཕྱག་བྱའི་དབང་གིས་སོ། །རྒྱལ་བུ་དགེ་མཐོང་འདི་ལྟ་སྟེ། །སྔོན་ང་རྒྱལ་པོར་བྱེད་པའི་ཚེ། །དྲང་སྲོང་ཆེན་པོ་སྦྱིན་ཞེས་བྱ། །དེ་ཚེ་སངས་རྒྱས་མ་བྱུང་སྟེ། །བྲམ་ཟེ་ལྔ་བརྒྱ་རྣམས་ཞིག་ལ། །ཁ་ཟས་དང་ནི་གོས་རྣམས་དང་། །ཁང་ཁྱིམ་དང་ནི་མལ་ཆའི་བར། །ལོ་
D264.067.0261a05.01གྲངས་ཉི་ཤུ་ཚང་བར་དུ། །རབ་ཏུ་བྱུང་བའི་མཆོད་པ་ཕུལ། །ངས་ནི་དེ་ཚེ་བསྒོ་བ་ལ། །ཁྱེད་རྣམས་བྱང་ཆུབ་སེམས་བསྐྱེད་ཅིག །བྲམ་ཟེ་ལྔ་བརྒྱ་དེ་དག་གིས། །མཆོད་པ་ཕུལ་བ་བླངས་ཀྱིས་ཀྱང་། །དཀོན་མཆོག་གསུམ་ལ་མ་དད་པས། །མོད་བཞིན་ང་ལ་སླར་
D264.067.0261a06.01སྨྲས་པ། །འཇིག་རྟེན་ནང་ན་བྱང་ཆུབ་དང་། །རྣམ་པར་གྲོལ་བ་མེད་དོ་ཞེས། །དེ་སྐད་སྨྲས་པར་ངས་ཐོས་ནས། །མཉམ་ཉིད་མདོ་སྡེ་བསྲུང་བའི་ཕྱིར། །བྲམ་ཟེ་ལྔ་བརྒྱའི་སྲོག་བཅད་དོ། །བྲམ་ཟེ་དེ་དག་ཚེ་འཕོས་ནས། །དམྱལ་བ་མནར་མེད་ལྟུང་བར་འགྱུར། །
D264.067.0261a07.01