完整藏文原文 · 德格版页 当前仅加载第 67 函德格 223a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ལ་བདེ་གནས་ཤིང་། །དཔག་མེད་སངས་རྒྱས་མཐོང་བར་འགྱུར། །དམ་པའི་ཆོས་ཀྱང་རྟག་ཏུ་ཐོས། །དེ་བས་ད་ལྟར་གུས་ཕྱག་འཚལ། །གང་ཞིག་ཕྱོགས་བཅུ་དུས་གསུམ་གྱི། །སངས་རྒྱས་རྣམས་ལ་ཕྱག་འཚལ་ན། །ཁ་ན་མ་ཐོ་འདས་པ་དང་། །
D264.067.0223a01.01མ་འོངས་པ་དང་ད་ལྟར་གྱི། །ལས་ངན་བཅུ་པོ་བྱས་པ་ཡང་། །ད་ལྟར་མངོན་དུ་བྱང་བར་འགྱུར། །ཕྱི་མའི་དུས་ལ་སངས་རྒྱས་ཀྱི། །ངོ་བོ་ཉིད་ཀྱང་མཐོང་བར་འགྱུར། །དེ་བས་དེ་ལ་མོས་པར་བྱོས། །ཁ་ཏོན་འདྲི་ཀློག་ཕྱག་འཚལ་ན། །ཚེ་རབས་གར་བྱུང་གར་སྐྱེས་ཀྱང་། །
D264.067.0223a02.01ལྟ་བ་ལོག་པར་མི་སྐྱེའོ། །རྣམ་པར་གྲོལ་པ་རྒྱུན་ཏུ་ཐོབ། །མཐའ་འཁོབ་ས་རུ་ཡོང་མི་སྐྱེ། །ངན་པའི་ཡུལ་དུའང་མི་སྐྱེ་ཞིང་། །རྒྱལ་པོ་མ་རུངས་མཐོང་མི་འགྱུར། །བསྐལ་པ་འབུམ་ཕྲག་བཞི་ཁྲིའི་བར། །སེམས་ཅན་དམྱལ་བར་མི་སྐྱེའོ། །དེ་བས་གུས་པར་ཕྱག་འཚལ་
D264.067.0223a03.01ན། །མི་དགེ་བཅུ་ཡི་ལས་འབྱང་ཞིང་། །གཟུངས་ཆེན་རབ་ཏུ་ཐོབ་པར་འགྱུར། །བཅོམ་ལྡན་འདས་ཀྱིས་སངས་རྒྱས་མ་བྱོན་པ་རྣམས་ཀྱི་མཚན་བསྒྲགས་པའི་ཚེ་བྱང་ཆུབ་སེམས་དཔའ་ལྔ་ཁྲིས་ཕྱིར་མི་ལྡོག་པའི་སར་གནས་སོ། །དགེ་སློང་མ་བདུན་བརྒྱས་ནི་དགྲ་བཅོམ་མར་
D264.067.0223a04.01གྲུབ་བོ། །ལྷ་དང་མི་འབུམ་ཕྲག་དྲུག་ཅུ་རྩ་གཉིས་ཀྱིས་ནི་ཆོས་ཀྱི་མིག་རྣམ་པར་དག་པ་ཐོབ་བོ། །གཟུངས་ཆེན་པོ་དང་། མདོ་སྡེ་བཅུ་གཉིས་ལ་ཕྱག་འཚལ་ལོ། །མདོའི་སྡེ་ལ་ཕྱག་འཚལ་ལོ། །ལུང་དུ་བསྟན་པའི་སྡེ་ལ་ཕྱག་འཚལ་ལོ། །ཚིགས་སུ་བཅད་པའི་སྡེ་ལ་ཕྱག་འཚལ་ལོ། །
D264.067.0223a05.01དབྱངས་ཀྱིས་བསྙད་པའི་སྡེ་ལ་ཕྱག་འཚལ་ལོ། །ཆེད་དུ་བརྗོད་པའི་སྡེ་ལ་ཕྱག་འཚལ་ལོ། །གླིང་གཞིའི་སྡེ་ལ་ཕྱག་འཚལ་ལོ། །རྟོགས་པ་བརྗོད་པའི་སྡེ་ལ་ཕྱག་འཚལ་ལོ། །འདས་པ་བརྗོད་པའི་སྡེ་ལ་ཕྱག་འཚལ་ལོ། །སྐྱེས་པ་རབས་ཀྱི་སྡེ་ལ་ཕྱག་འཚལ་ལོ། །
D264.067.0223a06.01ཤིན་ཏུ་རྒྱས་པའི་སྡེ་ལ་ཕྱག་འཚལ་ལོ། །རྨད་དུ་བྱུང་བའི་སྡེ་ལ་ཕྱག་འཚལ་ལོ། །གཏན་ལ་ཕབ་པར་བསྟན་པའི་སྡེ་ལ་ཕྱག་འཚལ་ལོ། །ཐེག་པ་ཆེན་པོའི་སྡེ་སྣོད་ཐམས་ཅད་ལ་ཕྱག་འཚལ་ལོ། །གང་གིས་མདོ་སྡེ་བཅུ་གཉིས་དང་། ཕ་རོལ་ཏུ་ཕྱིན་པ་རྣམས་ཀྱི་མཚན་ཐོས་ན་
D264.067.0223a07.01