完整藏文原文 · 德格版页 当前仅加载第 67 函德格 239a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཡང་བསོད་ནམས་ཅན་གྱི་ཡོན་འཇུ་ན་མདོ་སྡེ་འདི་ཀློག་པ་དང་། འཆང་བའི་གང་ཟག་ལྟ་ཞིག་ཅི་སྨོས། དེ་བས་ན་ཐེག་པ་ཆེན་པོའི་མདོ་སྡེ་ཐར་པ་ཆེན་པོའི་ཕྱོགས་སུ་རྒྱས་པའི་མཐུ་དང་བྱིན་ནི་བསམ་གྱི་མི་ཁྱབ་བོ། །ཚུལ་ཁྲིམས་འཇིག་པ་དང་། མཚམས་མེད་པར་འགྲོ་བ་
D264.067.0239a01.01དང་། དམ་པའི་ཆོས་ལ་བཀུར་བ་དང་། ལོག་པར་བལྟ་བ་དང་། ཉོན་མོངས་པ་ཅན་གྱི་སྡིག་པ་ཡོངས་སུ་འབྱང་བར་བྱེད་པས་ན་མཆོད་ཡོན་ཡང་འཇུ་བར་ནུས་སོ། །བཅོམ་ལྡན་འདས་ལ་བྱང་ཆུབ་སེམས་པ་ནམ་མཁའི་སྙིང་པོས་གསོལ་བ། བཅོམ་ལྡན་འདས་བདེ་བཞིན་
D264.067.0239a02.01གཤེགས་པ་ཡང་བསམ་གྱིས་མི་ཁྱབ། ཐར་པ་ཆེན་པོ་ཕྱོགས་སུ་རྒྱས་པའི་མཐུ་དང་བྱིན་ཡང་བསམ་གྱི་མི་ཁྱབ། མདོ་སྡེ་འདི་འཛིན་པ་དང་། ཀློག་པའི་གང་ཟག་དེའི་ཡོན་ཏན་ཡང་བསམ་གྱིས་མི་ཁྱབ་བོ། །བཅོམ་ལྡན་འདས་ཀྱིས་བཀའ་སྩལ་པ། དེ་དེ་བཞིན་ནོ། །རིགས་ཀྱི་
D264.067.0239a03.01བུ་དེ་དེ་བཞིན་ནོ། །ཁྱེད་ཀྱི་བཤད་པ་བཞིན་ཏེ། ཡོན་ཏན་བསམ་གྱིས་མི་ཁྱབ་པ་མཐའ་ཡས་པ་ཐོབ་པར་འགྱུར་རོ་ཞེས་གསོལ་བ་དང་། དེ་ནས་བཅོམ་ལྡན་འདས་ཀྱི་བྱང་ཆུབ་སེམས་པ་ནམ་མཁའི་སྙིང་པོ་ལ་དེ་སྐད་ཅེས་བཀའ་སྩལ་ཏོ། །ངས་དྲན་པ་སྔོན་འདས་པའི་བསྐལ་པ་རྣམ་
D264.067.0239a04.01པར་དག་པ་ཞེས་བྱ་བ་ན་ང་དེའི་ཚེ་སངས་རྒྱས་བྱེ་བ་ཁྲག་ཁྲིག་དགུ་བཅུ་རྩ་གཉིས་ལ་མཆོད་པ་ཕུལ་ཏེ། བསྙེན་བཀུར་བྱས་ན་ཡང་ཉན་ཐོས་ཀྱི་ཚུལ་དུ་སྤྱད་པས་ཉེས་སྐྱོན་མང་དུ་བྱུང་བ་དང་། ཚུལ་ཁྲིམས་ཉམས་པ་དཔག་ཏུ་མེད་པ་དག་བྱུང་བའི་ཕྱིར་དེ་བཞིན་གཤེགས་པ་དེ་དག་གིས་ཀྱང་ང་ལ་
D264.067.0239a05.01ལུང་བསྟན་པར་མ་གྱུར་ཏོ། །བསྐལ་པ་དེ་འདས་ནས་བསྐལ་པ་མཐོང་བར་མོས་པ་ཞེས་བྱ་བ་ན་ང་དེའི་ཚེ་སངས་རྒྱས་བྱེ་བ་ཕྲག་བཞི་བཅུ་ལ་མཆོད་པ་ཕུལ་ཏེ། བསྙེན་བཀུར་བྱས་ན་ཡང་སངས་རྒྱས་དེ་དག་གིས་ང་ལ་ལུང་མ་བསྟན་ཏོ། །བསྐལ་པ་དེ་འདས་ནས་ཀྱང་བསྐལ་པ་ཚངས་པའི་དབྱངས་ཞེས་
D264.067.0239a06.01བྱ་བ་ན་ང་དེའི་ཚེ་སངས་རྒྱས་བྱེ་བ་ཕྲག་ཉི་ཤུ་རྩ་གཉིས་ལ་མཆོད་པ་ཕུལ་ཏེ། བསྙེན་བཀུར་བྱས་ན་ཡང་སངས་རྒྱས་དེ་དག་གིས་ང་ལ་ལུང་མ་བསྟན་ཏོ། །བསྐལ་པ་དེ་འདས་ནས་ཡང་བསྐལ་པ་སེམས་དགའ་ཞེས་བྱ་བ་ན་ང་དེའི་ཚེ་སངས་རྒྱས་བརྒྱད་ཁྲི་བཞི་སྟོང་ལ་མཆོད་པ་ཕུལ་ཏེ། བསྙེན་
D264.067.0239a07.01