完整藏文原文 · 德格版页 当前仅加载第 67 函德格 235a 版页；藏文 NFD、目录标记与异常页序保留在来源切片中，重复版页行以稳定序号区分。
སྟོབས་བསྐྱེད་ནུས་པ་དང་། དབེན་པའི་གནས་སུ་དད་ཅིང་འདུ་འཛི་སྤང་བར་བྱ་བ་དང་བཞིའོ། །བྱང་ཆུབ་སེམས་དཔའ་ཡང་ཆོས་བཞི་དང་ལྡན་ན་ཚོགས་མང་པོ་ཀུན་དང་འཐུན་པར་འགྱུར་རོ། །བཞི་གང་ཞེ་ན། བདག་ཆོས་སྒྲུབ་ན་ཡང་ཁྱད་པར་ཐོབ་པར་མི་སྒྲུབ་པ་དང་།
D264.067.0235a01.01ལེ་ལོ་མེད་པར་རྟག་ཏུ་བཀུར་སྟི་དང་གུས་པའི་སེམས་སྐྱེད་པ་དང་། ཆོས་ཀྱི་ཕན་པ་འབའ་ཞིག་ཚོལ་གྱི་བདག་མི་སྤྱོམ་པ་དང་། གཞན་ལ་དགེ་བའི་ཆོས་བསྟན་ཀྱང་རྙེད་པ་དང་། བཀུར་སྟི་དང་། གྲགས་པ་མི་ཚོལ་བ་དང་བཞིའོ། །བྱང་ཆུབ་སེམས་དཔའ་ཡང་ཆོས་བཞི་དང་ལྡན་ན་
D264.067.0235a02.01ཆོས་ཀྱི་སྦྱིན་པའི་སྒོ་ལེགས་པར་འབྱེད་པར་འགྱུར་རོ། །བཞི་གང་ཞེ་ན། དམ་པའི་ཆོས་ཡོངས་སུ་བསྲུང་ཞིང་སྐྱོང་བ་དང་། རང་གི་ཤེས་རབ་ལ་ཕན་པར་བྱེད་ཅིང་གཞན་ལ་སྟོན་པར་བྱེད་པ་དང་། རྟག་ཏུ་ཡ་རབས་ཀྱི་ཆོས་སྤྱོད་པ་དང་། རྣམ་པར་དག་པ་དང་། མ་དག་པའི་ཆོས་ལ་མི་རྟོག་པ་
D264.067.0235a03.01དང་བཞིའོ། །བྱང་ཆུབ་སེམས་དཔའ་ཡང་ཆོས་བཞི་དང་ལྡན་ན་སྔོན་གྱི་དབང་གི་མཐུས་དགེ་བའི་རྩ་བ་མི་རླག་པར་འགྱུར་རོ། །བཞི་གང་ཞེ་ན། ཕ་རོལ་པོའི་ཉེས་སྐྱོན་ལ་དབང་མི་བཟའ་བ་དང་། ཞེ་སྡང་ཅན་ལ་རྟག་ཏུ་བྱམས་སེམས་བསྒོམ་པ་དང་། རྟག་ཏུ་ཆོས་ཐམས་ཅད་རྟེན་འབྲེལ་དུ་
D264.067.0235a04.01བཤད་པ་དང་། བླ་ན་མེད་པའི་བྱང་ཆུབ་རྟག་ཏུ་དྲན་པར་བྱ་བ་དང་བཞིའོ། །བྱང་ཆུབ་སེམས་དཔའ་ཡང་ཆོས་བཞི་དང་ལྡན་ན་གཞན་གྱིས་བསྟན་པ་ལ་རག་མ་ལུས་པར་རང་བཞིན་གྱིས་ཕ་རོལ་ཏུ་ཕྱིན་པ་དྲུག་སྤྱོད་པར་འགྱུར་རོ། །བཞི་གང་ཞེ་ན། རྟག་ཏུ་ཆོས་ཀྱི་སྦྱིན་པ་གཞན་ལ་སྦྱིན་པ་དང་།
D264.067.0235a05.01གཞན་གྱི་ཁ་ན་མ་ཐོ་བ་མི་བརྗོད་པ་དང་། ཆོས་ཀྱིས་བསྡུས་ཏེ་སེམས་ཅན་གྱི་སྟོན་པ་ལ་མཁས་པ་དང་། ཆོས་ཟབ་མོ་ཆུབ་པར་ཤེས་པ་དང་བཞིའོ། །བྱང་ཆུབ་སེམས་དཔའ་ཡང་ཆོས་བཞི་དང་ལྡན་ན་བསམ་གཏན་དང་ཏིང་ངེ་འཛིན་བཏང་སྟེ་འདོད་པའི་ཁམས་སུ་མངོན་དུ་སྐྱེ་བར་འགྱུར་རོ། །
D264.067.0235a06.01བཞི་གང་ཞེ་ན། སེམས་མཉེན་དེས་སུ་བྱ་བ་དང་། དགེ་བའི་རྩ་བའི་མཐུ་རྙེད་པར་བྱ་བ་དང་། སེམས་ཅན་ཐམས་ཅད་མི་གཏོང་བ་དང་། ཤེས་རབ་དང་ཐབས་མཁས་པའི་མཐུ་སྟོབས་རྒྱུན་དུ་སྒོམ་ནུས་པ་དང་བཞིའོ། །བྱང་ཆུབ་སེམས་དཔའ་ཡང་ཆོས་བཞི་དང་ལྡན་ན། སངས་རྒྱས་ཀྱི་ཆོས་
D264.067.0235a07.01