完整藏文原文 · 德格版页 当前仅加载第 67 函德格 238b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་ནམ་མཁའི་སྙིང་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་མདོ་སྡེ་ཁ་ཅིག་ལས་འབྱུང་བ་ལྟ་བ་ལོག་པ་དང་། ཚུལ་ཁྲིམས་ཞིག་པ་རྣམས་དང་། ཁམས་གཅིག་ཏུ་ལྷན་ཅིག་གནས་སུ་ཡང་མི་རུང་བ་དང་། ཆུ་ཀླུང་གཅིག་ལ་ཆབ་འཚལ་དུ་ཡང་མི་རུང་ངོ་ཞེས་འབྱུང་ལ་
D264.067.0238b01.01གསོ་སྦྱོང་གི་ཚེ་གང་ཟག་དེ་འཕགས་པའི་ལམ་སྟོར་བ་ལགས་ཏེ། དགེ་འདུན་གྱི་ནང་དུའང་མི་ཆུད་ཅེས་འབྱུང་ན་ཅིའི་སླད་དུ་དེང་འདིར་ཚུལ་ཁྲིམས་ཞིག་པ་རྣམས་ཀྱང་མཆོད་ཡོན་འཇུ་བར་འགྱུར་ཞེས་གསུངས། གལ་ཏེ་དེ་དག་མཆོད་ཡོན་འཇུ་བར་འགྱུར་ན་ནི་དེ་བཞིན་གཤེགས་པ་དང་ཡང་ཐ་མི་དད་
D264.067.0238b02.01ལ། འཕགས་པ་དགྲ་བཅོམ་པ་དང་། རང་སངས་རྒྱས་དང་འདྲ་ན། བཅོམ་ལྡན་འདས་དེ་ཙམ་ཞིག་བྱེ་བྲག་ཕྱེད་པར་བཤད་པར་སྨོན། བདག་ཀྱང་དེ་ཐོས་ནས་དེ་བཞིན་དུ་སེམས་ཅན་རྣམས་ལ་བསྟན་པར་བགྱིའོ། །རྣམ་པར་དགྲོལ་བར་བགྱིའོ། །བཅོམ་ལྡན་འདས་ཀྱིས་བྱང་ཆུབ་སེམས་
D264.067.0238b03.01དཔའ་ནམ་མཁའི་སྙིང་པོ་ལ་བཀའ་སྩལ་པ། ལེགས་སོ་ལེགས་སོ། །རིགས་ཀྱི་བུ་ཁྱེད་ལ་སོགས་པ་དེང་འདིར་བྱམས་པ་དང་། སྙིང་རྗེ་ཕུན་སུམ་ཚོགས་པར་ལྡན་པས་སེམས་ཅན་རྣམས་ལ་སྙིང་བརྩེ་བར་བསམས་ཏེ། དོན་དེ་ཞུ་བ་ནི་རབ་ཏུའང་ལེགས་ཏེ་ངས་ཀྱང་བྱེ་བྲག་ཕྱེད་པར་བཤད་ཀྱིས་
D264.067.0238b04.01ལེགས་པར་སོམས་ལ་ཉོན་ཅིག །ཆོས་ཀྱི་རྣམ་གྲངས་འདིའི་སྤྱོད་ཡུལ་ནི་ཉན་ཐོས་དང་། རང་སངས་རྒྱས་རྣམས་ཀྱིས་རིག་པར་ཡང་མི་འགྱུར་ལ། བདུད་དང་། མུ་སྟེགས་དང་། སོ་སོའི་སྐྱེ་བོ་རྣམས་ཀྱི་བསམ་པའི་གནས་ཀྱང་མ་ཡིན་ཏེ། དེ་ནི་སངས་རྒྱས་མཁྱེན་པ་དང་ཁྱོད་ཀྱི་ཁོང་དུ་ཆུད་པར་
D264.067.0238b05.01ཟད་དོ། །རིགས་ཀྱི་བུ་ངས་རྟག་ཏུ་བྱང་ཆུབ་ཏུ་སེམས་བསྐྱེད་པ་རྣམས་ལ་བསྟན་པ། སེམས་ཅན་བཟང་ངན་རྣམ་པར་མི་རྟོག་པར་སྦྱིན་པ་བྱས་ན་བསོད་ནམས་ཀྱི་ཚོགས་ཡོངས་སུ་འགྲུབ་པོ་ཞེས་བཤད་དེ། བྱོལ་སོང་ལ་སྦྱིན་པ་བྱིན་པས་ནི་བསོད་ནམས་ཀྱི་ཡོན་ཏན་ཐོབ་པར་འགྱུར་རོ། །
D264.067.0238b06.01ལོག་སྤྱོད་ལ་སྦྱིན་པ་བྱིན་པས་ནི་བསོད་ནམས་ཀྱི་ཡོན་ཏན་ལན་སྟོང་ཐོབ་པར་འགྱུར་རོ། །རིགས་ཀྱི་བུ་དགེ་བའི་རྩ་བ་རྒྱུན་ཆད་པ་ནི་འཆི་འཕོས་ནས་ལོག་སྤྱོད་ཀྱི་རྒྱུད་དུ་འགྲོའོ། །དྲིན་གཟོ་བ་དང་ཁྲེལ་མེད་པ་ནི་བྱོལ་སོང་གི་བརྒྱུད་དུ་འགྲོའོ། ལོག་སྤྱོད་ཀྱི་འབྲས་བུ་རྣམ་པར་སྨིན་
D264.067.0238b07.01