完整藏文原文 · 德格版页 当前仅加载第 67 函德格 246a 版页；藏文 NFD、目录标记与异常页序保留在来源切片中，重复版页行以稳定序号区分。
ཐོས་དང་། རང་སངས་རྒྱས་ཀྱི་ཐེག་པའི་མིང་རྣ་བའི་ཐོག་མར་ཡང་མི་གྲག་ན་ངན་སོང་ལྟ་ཞིག་ཅི་སྨོས། ཁྱོད་བསྐལ་པ་དེ་དང་འཇིག་རྟེན་དེར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྒྱན་རྣམ་པར་དག་པ་ཞེས་བྱ་བ་འབྱུང་སྟེ། འཇིག་རྟེན་གཞན་ནས་སྐྱེས་
D264.067.0246a01.01བུ་ཆེན་པོ་དག་ཀྱང་དེར་ཕྱིན་ཅིང་ཐེག་པ་ཆེན་པོ་ཐར་པ་ཕྱོགས་སུ་རྒྱས་པའི་མདོ་སྡེ་མཉན་པ་དང་། བླངས་པ་དང་། བཅངས་པར་འགྱུར་རོ། །དེ་བས་ན་སེམས་ཅན་གང་ལ་ལས་བྱང་ཆུབ་སེམས་དཔའ་ནམ་མཁའི་སྙིང་པོའི་མིང་ཐོས་ཏེ་ཕྱག་འཚལ་ཞིང་མཆོད་པ་བྱས་ན་འཇིག་རྟེན་ལོངས་
D264.067.0246a02.01སྤྱོད་ཅན་གྱི་ཁམས་དེར་སྐྱེ་བར་འགྱུར་རོ། །སེམས་ཅན་གང་ལ་ལས་ཐེག་པ་ཆེན་པོའི་ཆོས་སྒྲུབ་ན་ཡང་མི་སྐྱེ་བའི་ཆོས་ལ་བཟོད་པ་ཐོབ་པར་འགྱུར། གང་ཆོས་ཀྱི་རྣམ་གྲངས་འདི་བླང་ཞིང་བཅངས་པ་དེས་ནི་སངས་རྒྱས་འབྱུང་བ་བཅུ་མ་འདས་པར་ལུང་བསྟན་པ་ཡང་ཐོབ་པར་འགྱུར་རོ། །དེའི་ཚེ་
D264.067.0246a03.01དེའི་དུས་ན་བཅོམ་ལྡན་འདས་ཤཱཀྱ་ཐུབ་པ་ལ་བྱང་ཆུབ་སེམས་དཔའ་མཚན་ཉིད་དད་ཀྱིས་བདག་དང་སེམས་ཅན་ཐམས་ཅད་ཀྱི་དོན་གྱི་ཕྱིར་ཞུས་ནས་བཅོམ་ལྡན་འདས་ཀྱིས་ཕྱོགས་བཅུ་དུས་གསུམ་གྱི་སངས་རྒྱས་ཀྱི་མཚན་དང་། མདོ་སྡེ་བཅུ་གཉིས་ཀྱི་མཚན་དང་། བྱང་ཆུབ་སེམས་དཔའི་
D264.067.0246a04.01དགེ་འདུན་རྣམས་ཀྱི་མཚན་བསྟན་ནས་ཡང་སེང་གེའི་སྒྲ་ཆེན་པོ་སྒྲོགས་ཏེ། སེང་གེའི་སྒྲ་ཞེས་བྱ་བ་ནི་ངེས་པའི་ཚིག་བསྟན་པའོ། །ངེས་པའི་ཚིག་བསྟན་པ་ནི་དེ་བཞིན་གཤེགས་པ་རྟག་པར་འཚོ་སྐྱོང་ཞིང་གཞེས་ཏེ། མྱ་ངན་ལས་མི་འདའ་བར་རིག་པའོ། །ཡང་སེམས་ཅན་ཐམས་ཅད་
D264.067.0246a05.01ལ་སངས་རྒྱས་ཀྱི་ངོ་བོ་ཉིད་ཡོད་དོ་ཞེས་བསྟན་པ་དང་། ལྷའི་བདུད་དང་མུ་སྟེགས་ལ་སོགས་པ་སྤ་གོང་སྟེ། སྐྱབས་ཀྱི་དབང་དུ་གྱུར་པས་ན་སེང་གེའི་སྒྲ་ཞེས་བྱའོ། །དེ་ལྟར་བསྟན་ནས་ལྗགས་ཀྱི་མཚན་རྒྱ་ཆེན་པོས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀུན་ཁེབས་པར་
D264.067.0246a06.01གཡོགས་ནས། འཇིག་རྟེན་གྱི་ཁམས་ཐམས་ཅད་རྣམ་པ་དྲུག་ཏུ་གཡོས་སོ། །རྣམ་པ་དྲུག་ཏུ་གཡོས་ཞེས་བྱ་བ་ནི་ཤར་ཕྱོགས་མཐོ་ན་ནུབ་ཕྱོགས་དམའ། ནུབ་ཕྱོགས་མཐོ་ན་ཤར་ཕྱོགས་དམའ། ལྷོ་ཕྱོགས་མཐོ་ན་བྱང་ཕྱོགས་དམའ། བྱང་ཕྱོགས་མཐོ་ན་ལྷོ་ཕྱོགས་དམའ།
D264.067.0246a07.01